Skip to content

Noticias Galicia Digital

Sindikāta saturs Galicia Digital: Plataforma de portales tematicos gallegos en Internet
Plataforma digital de Portales tematicos de Galicia en la Red, Artes, Cultura, Asociaciones, deporte, Instituciones, Empresas, Educacion, Turismo, Galegos, Empleo, Agenda, Idioma...
Labots: 5 hours 55 min ago

Galicia consolida en xuño a tendencia positiva de maio e sitúase como a comunidade na que máis baixa o paro

pirms 20 hours 10 min

Galicia diminúe o paro en xuño un 3,36% con respecto ao mes de maio, o que supón 6428 desempregados menos e segue situándose a niveis inferiores aos de hai 11 anos. Este dato posiciona Galicia como a Comunidade na que máis descende o desemprego en termos absolutos, mentres que ascende lixeiramente -un 0,13%- no conxunto do Estado. O paro tamén baixou nas catro provincias, en concreto un 4,90% en Pontevedra, un 2,66% en Ourense, un 2,50% na Coruña e 1,50% en Lugo. Galicia volve reducir as cifras do paro en todos os sectores de actividade encabezando este descenso a construción (-5,96%), seguida dos servizos (-3,91%), a industria (-3,68%) e a agricultura e a pesca (-0,33%).

A Rede Galega de Música ao Vivo da Xunta retoma a actividade con 250 concertos ata fin de ano nas 20 salas asociadas

pirms 20 hours 10 min

Os concertos regresan esta fin de semana á Rede Galega de Música ao Vivo, circuíto promovido pola Xunta en 20 salas de 14 localidades, que ofrecerá 250 actuacións de moi diferentes estilos ata final de ano. Esta cifra supón un incremento dun 22,6% na súa carteleira anual, que nesta ocasión se concentra principalmente no segundo semestre tras a reprogramación das citas adiadas pola declaración do estado de alarma. Mantense, así mesmo, a progresión ascendente do seu orzamento, que este ano se incrementa nun 17% para situarse preto dos 200.000 euros, dos que un 90% corre a cargo da Consellería de Cultura e Turismo, a través da Axencia Galega das Industrias Culturais (Agadic), mentres que o 10% restante é asumido polos 20 locais privados asociados ao circuíto.

Galicia pechou o primeiro cuadrimestre cun superávit de 25 M€, o 0,04% do PIB

Tr, 07/01/2020 - 00:00

A Comunidade Autónoma de Galicia pechou o primeiro cuadrimestre do ano cun superávit contable de 25 millóns de euros, o que representa o 0,04% do PIB, segundo os datos publicados hoxe polo Ministerio de Facenda. No conxunto do subsector Comunidades Autónomas, o superávit ata abril situouse no 0,02% do PIB –a metade que en Galicia-, o que supón 231 millóns de euros. Ademais, este resultado supón mellorar os datos do primeiro cuadrimestre do exercicio anterior, no que Galicia pechara o primeiro cuadrimestre cun déficit de 102 millóns de euros, o que representa o 0,16% do PIB.

Galicia rexistra un total de 313 casos activos por coronavirus, con dous positivos máis que elevan a 35 os casos do brote de A Mariña

Tr, 07/01/2020 - 00:00

A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 313, deles 70 son da área da Coruña, 52 da de Lugo, 20 da de Ourense, 10 da de Pontevedra, 128 da área de Vigo, 23 da de Santiago, e 10 da de Ferrol. Do total de pacientes positivos, 3 están en unidades de hospitalización e 310 no domicilio. Non hai pacientes positivos en UCI. Polo de agora, en Galicia hai un total de 10.633 persoas curadas, rexistrándose 619 falecementos. O número de PCR realizadas é de 185.374. A Xunta continúa a traballar desde a máxima coordinación interdepartamental e co Ministerio de Sanidade, tamén mantendo o contacto con todos os axentes socioeconómicos de Galicia.

Galicia rexistra un total de 314 casos activos por coronavirus e 10.623 pacientes curados

Ot, 06/30/2020 - 00:00

A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 314, deles 70 son da área da Coruña, 49 da de Lugo, 21 da de Ourense, 10 da de Pontevedra, 129 da área de Vigo, 24 da de Santiago, e 11 da de Ferrol. Do total de pacientes positivos, 4 están en unidades de hospitalización e 310 no domicilio. Non hai pacientes positivos en UCI. Polo de agora, en Galicia hai un total de 10.623 persoas curadas, rexistrándose 619 falecementos. O número de PCR realizadas é de 182.174.

O Centro Dramático Galego apoia a participación de Paula Carballeira no Torneo de Dramaturxia do Teatro Español

Ot, 06/30/2020 - 00:00

O Centro Dramático Galego (CDG) colabora co IV Torneo de Dramaturxia do Teatro Español de Madrid a través do apoio á participación de Paula Carballeira como unha das oito dramaturgas e dramaturgos procedentes de todo o Estado que difundirán os seus textos mediante esta fórmula, ideada para darlle visibilidade á autoría teatral contemporánea. A iniciativa, realizada pola produtora LaZona, desenvolverase no Teatro Español por cuarto ano consecutivo. Dada a situación sanitaria actual, será por vez primeira unha edición en streaming, que terá lugar nun dos escenarios das Naves del Español e na que o público poderá votar en liña nos tres minutos inmediatamente posteriores á súa transmisión a través da canle de Youtube do teatro.

O Gaiás reactiva no verán o seu programa de visitas guiadas con prazas limitadas e catro xeitos distintos de coñecer o complexo

Ot, 06/30/2020 - 00:00

A Cidade da Cultura de Galicia reactiva o seu programa de visitas comentadas ampliando a oferta con diferentes opcións para coñecer a arquitectura do complexo, o seu funcionamento e os espazos naturais do Monte Gaiás. Adaptándose ás medidas da era poscovid-19, prográmanse para o verán catro modelos de visitas guiadas, de curta duración e prazas limitadas. Todas elas son de balde, para un máximo 10 asistentes en cada quenda ofertada de martes a domingo. Os percorridos, de aproximadamente media hora de duración e guiados polo persoal do Servizo de Educación, Mediación, Información e Asistencia ao Público do Museo Centro Gaiás, ofrecen diferentes xeitos de achegarse ao complexo arquitectónico.

Constituída a Mesa da Automoción, da que forman parte as nove comunidades autónomas que contan cun fabricante no seu territorio

Pr, 06/29/2020 - 00:00

A Mesa demanda unha estratexia común para identificar proxectos de futuro para o sector da automoción. Nela, o conselleiro de Economía, Emprego e Industria, Francisco Conde, apuntou que por parte de Galicia hai un compromiso coas iniciativas vinculadas á dixitalización e á mobilidade sustentable, non só a través do vehículo conectado e eléctrico, senón tamén a través do coche impulsado por hidróxeno verde

O xoves, 2 de xullo, remata o prazo para solicitar o voto por correo dos residentes en España para participar nas eleccións ao Parlamento de Galicia

Pr, 06/29/2020 - 00:00

As persoas que queiran solicitar o voto por correo poden solicitalo persoalmente nas oficinas de Correos. Ademais, habilitouse tamén a posibilidade de solicitalo vía telemática, a través da web de Correos, e mediante o uso dun certificado electrónico. O procedemento é totalmente gratuíto. Logo de solicitalo, a Oficina do Censo Electoral enviará aos electores, antes do 5 de xullo, a documentación necesaria para poder votar.

O Plan de Inserción Laboral para vítimas da violencia de xénero permitirá contratar a 68 mulleres

Pr, 06/29/2020 - 00:00

De acordo con este Plan, que pretende contribuír a que as mulleres acaden unha maior autonomía a través da independencia económica co obxectivo de lograr unha integración plena na vida económica e social, 38 entidades locais galegas contratarán a 68 mulleres que sufriran violencia de xénero. Trátase dun programa pioneiro que se puxo en marcha o pasado ano por primeira vez en Galicia grazas ao Pacto de Estado contra a Violencia de Xénero. As contratacións deberán ser para a realización de obras ou servizos de interese xeral e utilidade social.

A Xunta axudará a 35.000 autónomos galegos a facer fronte aos seus gastos diarios e os custos cderivados do envio de produtos

Ot, 06/25/2020 - 00:00

A Consellería de Economía, Emprego e Industria destina 16M€ a esta a orde de axudas directas que se enmarca no Plan de reactivación económica de Galicia e que vai en liña coa Estratexia do Autónomo. O Cheque Autónomo Seguimos Adiante financiará o 100%, cun límite de 1.800 euros, de gastos en loxística e transporte de envíos, pagos por estar nunha plataforma de e-commerce local, pola licenza de uso de software de venda online, gastos correntes de seguridade, ou de subministracións e telecomunicacións. Poderán efectuarse anticipos e cubriranse importes realizados desde a declaración do estado de alarma.

Aposta de Boeing por consolidar o Ciar de Rozas como un referente no eido dos avións non tripulados

Ot, 06/25/2020 - 00:00

O conselleiro de Economía, Emprego e Industria, Francisco Conde, sinalou hoxe na posta en marcha do laboratorio de proba de voos impulsado por Boeing no Centro de Investigación Aerotransportada de Rozas (CIAR) a contribución da multinacional para consolidar este centro como un referente no ámbito dos avións non tripulados, no marco do Polo Aeroespacial de Galicia. Esta infraestrutura enmárcase no proxecto Galician Skyway, centrado na busca de solucións tecnolóxicas para a seguridade do tráfico aéreo non tripulado en espazos compartidos con aeronaves tradicionais.

Plan de saúde mental Poscovid-19 para mellorar a asistencia sociosanitaria e impulsar a prevención e a investigación nestas patoloxías

Ot, 06/25/2020 - 00:00

O presidente do Goberno galego, Alberto Núñez Feijóo, subliñou hoxe a aprobación, no Consello da Xunta, do Plan de Saúde Mental de Galicia Poscovid-19 que, cun orzamento de 83 millóns de euros e 241 novas prazas sanitarias, estará orientado a incrementar o número de profesionais e dispositivos asistenciais, desenvolver programas para a recuperación das persoas con trastorno mental severo e fomentar a investigación nestas patoloxías, concretados en 98 proxectos. “É o maior plan de saúde mental que se fixo desde a transferencia do Servizo Galego de Saúde, cun potente impacto no que se refire a recursos humanos”, salientou.

Brote de 8 casos positivos de coronavirus na comarca da Mariña

Ot, 06/25/2020 - 00:00

A Consellería de Sanidade informa que a Plataforma de Vixilancia e Control Epidemiolóxica e os Servizos de Medicina Preventiva e Saúde Pública do Sergas detectaron a aparición dun brote de coronavirus na comarca de A Mariña. En concreto, ata o momento, detectáronse 8 casos positivos en coronavirus no concello de Xove. Todos eles pertencen ao círculo familiar no que se rexistrou o primeiro caso. Trátase dun brote familiar de infección por Covid-19 que se detectou en Xove. A partir da confirmación,fíxose un rastrexo e analizáronse todos os contactos da persoa afectada. Ata o momento, mediante as probas realizadas,confírmase a existencia de 8 positivos en Covid-19 (incluido o caso inicial), 4 negativos e 25 máis pendentes de resultado.

A Xunta reclama ao Goberno que fixe un prezo eléctico competitivo a curto prazo para evitar os despedimentos en Alcoa San Cibrao

Ot, 06/23/2020 - 00:00

O conselleiro de Economía, Emprego e Industria, Francisco Conde, participou na mesa industrial de Alcoa San Cibrao, na que reiterou que para evitar o despedimento de 534 traballadores da planta –ademais dos empregos indirectos afectados– é preciso que o Goberno ofreza a curto prazo un prezo eléctrico competitivo. Tras a reunión, Conde incidiu en que as medidas adoptadas polo Goberno son insuficientes e explicou que os contratos bilaterais non impide o peche da planta de aluminio de Alcoa San Cibrao, xa que os seus efectos empezarían a notarse a medio e longo prazo.

Sanidade actualiza o Plan de Detección, Control e Vixilancia ante posibles brotes do Covid logo da reunión da Comisión de xestión da crise sanitaria

Ot, 06/23/2020 - 00:00

O conselleiro de Sanidade, Jesús Vázquez Almuiña, ven de presentar a actualización do Plan de Detección, Control e Vixilancia ante posibles brotes do coronavirus, logo da reunión celebrada pola Comisión de xestión da crise sanitaria. O plan é froito do traballo do grupo de expertos, e ten como obxectivos definir o marco de actuación para a toma de decisións, así como establecer as medidas en materia de vixilancia, prevención e control dos casos que xurdan. Tal e como destacou o conselleiro, o control dos casos faise dende a Central de seguimento de contactos. A entrada de casos á central realízase dente atención primaria, así como dende o 061 ou dende o novo teléfono posto en marcha pola Xunta de Galicia 881 00 20 21, para atención ás persoas que visiten a nosa Comunidade Autónoma.

Os Centros de Atención a Maiores da Deputación celebran o San Xoán con sardiñadas e actividades

Ot, 06/23/2020 - 00:00

Os Centros de Atención a Maiores da Deputación de Lugo celebran o Día de San Xoán con sardiñadas, churrascadas e actividades propias desta festividade. Os usuarios e usuarias das residencias de Ribadeo, Trabada, A Fonsagrada e Pol pasarán este día xuntos dunha maneira diferente e divertida, e xantan e merendan pratos típicos desta festividade. Nos últimos días recolleron flores para realizar o tradicional ritual de boa sorte deste día .

Presentado o proxecto Infraestrutura Loxística 4.0, que encabeza o Clúster de Empresas de Automoción de Galicia (Ceaga)

Pr, 06/22/2020 - 00:00

O Presidente Feijóo, no decurso da presentacion, gabou o compromiso do sector da Automoción para converter Galicia nun polo de Loxística industrial que permita reducir custos, manter o emprego e atraer novos investimentos. Valorou esta iniciativa que, apoiada por múltiples clústeres, conta cun emprazamento estratéxico: a Plisan, que mira cara á Portugal e cara á Meseta, a través de Ourense, e que está preto da Zona Franca de Vigo, e animou ao sector da automoción a seguir apostando pola innovación, “porque estamos convencidos de que con innovación e con loxística este sector vai seguir crecendo e xerando emprego, e volverá ás exportacións anteriores á covid-19”

O Comité clínico actualiza o Plan contra brotes de Galicia, analiza o segundo cribado nos centros sociosanitarios e avalía as recomendacións en diversos ámbitos

Pr, 06/22/2020 - 00:00

O presidente do Goberno galego, Alberto Núñez Feijóo, participou nunha nova reunión do comité clínico de espertos sanitarios na que se estudou a actualización do Plan de Control e Vixilancia contra brotes, toda vez que o pasado domingo decaeu o estado de alarma que limitaba a libre circulación e se abriu a mobilidade nacional e a mobilidade cos países do espazo Schengen.

As rutas en catamarán pola Ribeira Sacra triplican o número de viaxeiros en só unha semana

Pr, 06/22/2020 - 00:00

Preto de 180 pasaxeiros gozaron os pasados sábado e domingo desta alternativa de lecer, coa que a Deputación “favorece a recuperación da economía polo impacto que ten o servizo no sector hostaleiro e comercial”, subliñou a Deputada de Turismo que agarda que se siga producindo un incremento progresivo dos pasaxeiros nas rutas en catamarán coas que a Deputación de Lugo favorece a recuperación da economía despois da etapa máis dura da pandemia.