Skip to content

Noticias Galicia Digital

Distribuir contenido Galicia Digital: Plataforma de portales temáticos gallegos en Internet
Plataforma digital de Portales tematicos de Galicia en la Red, Artes, Cultura, Asociaciones, deporte, Instituciones, Empresas, Educacion, Turismo, Galegos, Empleo, Agenda, Idioma...
Actualizado: hace 1 hora 32 mins

O programa Medrando Xuntas impulsa o talento feminino nas entidades de economía social

Mié, 09/05/2018 - 23:00

O vindeiro venres 7 de setembro dará comezo en Santiago de Compostela a segunda edición do espazo formativo para mulleres directivas da economía social, Medrando Xuntas, que organiza a Consellería de Economía, Emprego e Industria. O curso, de 80 horas de duración, combinará clases presenciais con actividades a distancia, para favorecer a conciliación da vida persoal, familiar e laboral. As 26 participantes desta edición terán a oportunidade de mellorar as súas habilidades para asumir os retos da dirección e xestión de entidades, así como compartir e coñecer outras mulleres que lideran a economía social en Galicia.

Hong Kong mostra a Galicia o seu sistema de comercialización de peixe e marisco

Mié, 09/05/2018 - 23:00

A directora xeral de Pesca, Acuicultura e Innovación Tecnolóxica, Mercedes Rodríguez, visitou hoxe xunto co conselleiro de Agricultura, Pesca e Alimentación da embaixada de España en China, Samuel Juárez, e as empresas galegas participantes na feira Seafood Expo Asia o mercado maiorista de peixe e marisco de Aberdeen. Alí coñeceron da man da Fish Marketing Organization (FMO) o funcionamento deste mercado, que presenta numerosas diferencias respecto do sistema de funcionamento e venda de peixe en Galicia.

Feijóo salienta que o novo Plan Básico Autonómico contribuirá a converter Galicia nunha das rexións de Europa cun coñecemento máis claro, exhaustivo e actualizado do seu territorio

Mié, 09/05/2018 - 23:00

O presidente do Goberno galego, Alberto Núñez Feijóo, destacou hoxe que o novo Plan Básico Autonómico, xunto ao compendio de actuacións levadas a cabo desde 2009, contribuirá a converter Galicia nunha das rexións a nivel europeo cun coñecemento máis claro, exhaustivo e actualizado do seu territorio e da súa regulación urbanística. “Estamos a falar dun plan deseñado polo conxunto dos galegos e que beneficiará ao conxunto dos galegos”, aseverou, referíndose aos 49 concellos que se rexen polas Normas Provinciais de 1991, nos que o plan será de aplicación directa.

Os Trens Turísticos de Galicia prevén máis de 20 saídas e novas rutas en outono tras acadar un 94% de ocupación no verán

Mar, 09/04/2018 - 23:00

Entre os itinerarios que se porán en marcha ao longo das vindeiras fins de semana atópase a Ruta dos Mosteiros, unha das novidades deste ano, que permite achegarse ata os xardíns do Pazo de Oca, no concello pontevedrés da Estrada; ao mosteiro de Carboeiro, en Silleda; ao mosteiro de Oseira, en San Cristovo de Cea, ou ao templo da Veracruz do Carballiño, ambos na provincia de Ourense. Os participantes rematan a xornada no balneario de Caldas de Partovia, onde poderán gozar das súas augas termais, completando así unha oferta moi atractiva que incorpora ao programa de visitas espazos emblemáticos do noso patrimonio.

A Semana de Cine de Lugo celebra 40 edicións do 10 ao 21 de setembro

Mar, 09/04/2018 - 23:00

Presentouse este martes no Salón de Actos da Deputación Provincial de Lugo a 40ª Semana Internacional de cine de autor de Lugo, que organiza o Grupo Fotocinematográfico Fonmiñá, dende o 10 ao 15, e dende 17 ao 21 de setembro. Asistiron o Deputado de Relacións Institucionais, Álvaro Santos Ramos; a Concelleira de Cultura, Carmen Basadre Vázquez; Ramón Carballo, Xefe Territorial de Prsidencia da Xunta de Galicia en Lugo; a Vicerreitora do Campus de Lugo da USC, Montserrat Valcárcel Armesto, ao Presidente do Grupo Fotocinematográfico Fonmiñá, Xulio Xiz Ramil, o Director da Semana Internacional de cine de autor, Manuel Curiel Fernández. Nesta 40ª edición, participarán un total de 165 cintas de diferentes países.

O FICBueu proxectará en 9 días preto de 100 curtas galegas e internacionais

Mar, 09/04/2018 - 23:00

O Festival Internacional de Curtametraxes de Bueu proxectará entre o 7 e o 15 de setembro preto de 100 títulos galegos e internacionais, ademais de ofrecer charlas, conferencias, espectáculos de narración oral e humor, concertos, actividades infantís e de implicación social. O evento, que chega este ano á súa undécima edición, conta con financiamento da Consellería de Cultura, Educación e Ordenación Universitaria a través da Axencia Galega das Industrias Culturais. A sede da asociación organizadora acolleu a presentación do programa completo do certame, no que participaron o director da Agadic, Jacobo Sutil; o alcalde de Bueu, Félix Juncal; o deputado de Cultura da Deputación Provincial de Pontevedra, Xosé Leal; e mais o director do FICBueu, Manuel Pena.

A World Trails Conference, que reunirá este mes en Galicia ás mellores rutas culturais e de peregrinación de todo o mundo, conta xa con preto de 200 inscritos de 37 nacionalidades distintas

Lun, 09/03/2018 - 23:00

Preto de 200 persoas de 37 nacionalidades diferentes inscribíronse xa na 7ª edición da World Trails Conference, o congreso bianual internacional da rede mundial de camiños e sendeiros World Trails Network, que se celebrará en Santiago de Compostela entre o 26 e o 29 de setembro. O congreso mantén aberto o prazo de inscrición para todas as persoas interesadas en aprender da xestión que se realiza nas máis importantes rutas culturais, ecolóxicas e de peregrinación de todo o mundo que estarán presentes no encontro.

Galicia é a segunda comunidade na que máis baixa o desemprego no último ano e volve superar o millón de afiliados

Lun, 09/03/2018 - 23:00

Galicia é a segunda Comunidade na que máis baixa o desemprego no último ano e volve superar o millón de afiliacións por terceiro mes consecutivo. Así o destacou hoxe a secretaria xeral de Emprego, Covadonga Toca, que asegurou que estes datos confirman que a estabilidade en Galicia permite que o paro -con 164.424 persoas sen emprego- se sitúe en niveis inferiores aos de hai 9 anos. Na evolución anual, o desemprego baixou nun 9,22% polo que Galicia conta con 16.701 desempregados menos que en agosto de 2017. O ritmo de descenso supera en máis de tres puntos ao do conxunto do Estado, onde baixou nun 5,92%.

Galicia descobre variedades de uva e fermentos do viño moi útiles para afrontar a incidencia do cambio climático na vitivinicultura

Lun, 09/03/2018 - 23:00

Galicia dispón dunha ampla diversidade de variedades de uva e lévedos (fermentos) do viño de gran utilidade para afrontar as consecuencias do cambio climático en vitivinicultura, ofrecendo solucións a curto ou medio prazo para o sector. Así o constatou a Estación de Viticultura e Enoloxía de Galicia (Evega), integrada na Axencia Galega da Calidade Alimentaria (Agacal) da Consellería do Medio Rural, a través dun proxecto de investigación sobre a materia. O cambio climático modifica o desenvolvemento e a maduración da uva. O efecto máis notable é o aumento da concentración de azucre e unha redución da acidez no mosto, que inflúe na fermentación e, finalmente, nas características do viño.

Unha intervención artística converte as Torres Hejduk nun arquivo sonoro para rescatar a arquitectura galega desaparecida

Jue, 08/30/2018 - 23:00

As Torres Hejduk convértense ata o 25 de novembro nun arquivo sonoro para rescatar a arquitectura galega desaparecida ou transformada, lonxe dos grandes relatos arquitectónicos presentes na contorna. Isto é posible grazas á intervención AAMA (Arquivo Aberto da Memoria Arquitectónica) de Francisco Ramallo (Granada, 1974), inaugurada como clausura do Encontro de Artistas Novos 2018. Esta residencia artística, xa consolidada na programación da Cidade da Cultura, reuniu durante cinco días a 40 creadores emerxentes, procedentes de toda España. Precisamente, o AAMA -proxecto entre o metafórico e o documental de Francisco Ramallo- foi a iniciativa gañadora do Encontro de Artistas Novos 2017 da V Convocatoria de Intervencións Artísticas nas Torres Hejduk.

Galicia presenta en Suiza e Francia a súa capacidade e atractivo como destino para o turismo de congresos, eventos e negocios

Jue, 08/30/2018 - 23:00

Galicia presenta durante toda esta semana a súa capacidade e o seu atractivo como destino de turismo de congresos, eventos e negocios, o denominado sector MICE. O departamento de Turismo da Xunta participa nun workshop de M&I Fórums especializado no mercado francés e suízo. Ao longo de cinco xornadas de traballo, persoal técnico autonómico mantén reunións con operadores turísticos nas cidades de Lyon, Lausanne e Zúrich co fin de amosar o potencial galego neste eido. A Comunidade dispón de infraestruturas e recursos para acoller este tipo de actividades, un nicho de mercado que encaixa co modelo impulsado pola Estratexia do turismo de Galicia 2020.

Personaxes de 13 entroidos galegos desfilarán o vindeiro 8 de setembro polas rúas do casco vello de Santiago de Compostela

Mié, 08/29/2018 - 23:00

Presentouse onte o Desfile dos Entroidos, un pasarrúas que o 8 de setembro percorrerá as rúas do casco vello de Santiago de Compostela cos personaxes de 13 entroidos, varios dos cales participaron no acto para dar a coñecer este evento. Galicia conta con nove entroidos recoñecidos como festa de interese turístico. Dous deles, Xinzo de Limia e Verín, acadaron a declaración como festa de Interese Turístico Nacional, mentres que outros sete son de Interese Turístico de Galicia: Viana do Bolo, Cobres, Laza, Manzaneda, Xenerais da Ulla, Maceda e Vilariño de Conso.

Galicia acadou no 2º trimestre un crecemento anual do 2,8%, máis que a media española, e creou 17.900 empregos a tempo completo

Mié, 08/29/2018 - 23:00

A economía galega acadou no segundo trimestre do ano un crecemento anual do 2,8%, máis que a media española, e creou case 18.000 postos de traballo equivalentes a tempo completo en comparación co mesmo período de 2017, segundo as contas económicas trimestrais do Instituto Galego de Estatística (IGE). En termos interanuais o PIB galego avanzou no segundo trimestre un 2,8%, unha décima superior ao crecemento da economía española, que foi do 2,7%, segundo os datos avanzados polo Instituto Nacional de Estatística (INE).

Os artistas Manuel Eirís e Miguel Marina abren a temporada expositiva da Fundación DIDAC

Lun, 08/27/2018 - 23:00

Este mércores terá lugar a inauguración da temporada expositiva na Fundación DIDAC en Santiago de Compostela coa exposición Manuel Eirís / Miguel Marina. A Fundación DIDAC retoma a súa actividade, que nos próximos meses completarase coas mostras individuais do artista galego Antón Reixa e a valenciana Irene Grau, así como os encontros e conferencias do ciclo Galicia. Un século de creación, programación que conta co apoio da área de Cultura da Deputación da Coruña. Manuel Eirís (Santiago de Compostela, 1977) e Miguel Marina (Madrid, 1989) son os artistas encargados de inaugurar a temporada de exposicións na Fundación DIDAC.

A Cidade da Cultura recibe a 40 creadores emerxentes de Galicia e do resto de España no VIII Encontro de Artistas Novos

Lun, 08/27/2018 - 23:00

O conselleiro de Cultura, Román Rodríguez, deu a benvida aos 40 creadores e creadoras que participan na oitava edición do Encontro de Artistas Novos Cidade da Cultura de Galicia, EAN8. O Encontro, que promove a creación contemporánea e o intercambio de coñecemento a través dunha residencia artística no Gaiás, está impulsado pola Xunta a través da Fundación Cidade da Cultura e conta coa colaboración da Fundación Banco Sabadell. Román Rodríguez destacou que desde a apertura en 2011 da Cidade da Cultura “tiñamos claro que a súa programación cultural debía contar con espazos abertos para o intercambio de ideas e a convivencia creativa”.

O programa Principia promove a captación de talento coa incorporación de 110 profesionais menores de 35 anos en 59 entidades galegas

Dom, 08/26/2018 - 23:00

A Xunta vén de resolver a terceira convocatoria do programa Principia que permitirá a contratación de 110 mozos e mozas titulados en 59 entidades galegas. Trátase dunha iniciativa pioneira posta en marcha no ano 2016 para favorecer o mantemento do talento na Comunidade e o desenvolvemento da súa carreira profesional, así como estimular a demanda no sector público e privado de persoal suficientemente preparado para acometer proxectos vinculados á I+D+i. Mediante estes contratos, que deberán ter unha duración mínima dun ano, o Goberno galego busca abrir unha porta ao mercado laboral a universitarios ou titulados de FPII con pouca experiencia.

Un total de 194 concellos e mancomunidades están adheridos á Rede Galega contra a Violencia de Xénero

Dom, 08/26/2018 - 23:00

Un total de 194 concellos e mancomunidades están adheridos á Rede Galega contra a violencia de xénero, posta en marcha de maneira conxunta entre Xunta e a Fegamp no ano 2012. No que levamos de ano 6 novos concellos sumáronse a esta iniciativa: Becerreá, Antas de Ulla, O Irixo, Barbadás, A Mezquita e Vilarmaior. A ‘Rede de entidades locais contra a violencia de xénero’ configúrase como un instrumento que busca conseguir o rexeitamento social e institucional da violencia de xénero, sensibilizando á poboación e conseguindo a súa implicación e compromiso real contra esta lacra, fomentando ao mesmo tempo modelos alternativos de convivencia baseados no respecto e na igualdade.

Sanidade lembra os consellos básicos para previr enfermidades de transmisión alimentaria na época de verán

Dom, 08/26/2018 - 23:00

A Consellería de Sanidade, a través da Dirección Xeral de Saúde Pública, aconsella a aplicación do decálogo de hixiene e seguridade alimentaria da Organización Mundial da Saúde para asegurar un verán saudable e lembra os consellos básicos para previr enfermidades de transmisión alimentaria, especialmente nos meses de verán. Neste senso, destaca a importancia da utilización do frío para a conservación dos alimentos, o cociñado completo dos mesmos e acadar temperaturas de arredor de 70ºC como mínimo cando se requenten alimentos xa preparados. Para evitar ou minimizar os factores que contribúen á contaminación dos alimentos, Sanidade lembra que deben adquirirse alimentos que sexan hixienicamente seguros.