Skip to content

Noticias Galicia Digital

Distribuir contenido Galicia Digital: Plataforma de portales temáticos gallegos en Internet
Plataforma digital de Portales tematicos de Galicia en la Red, Artes, Cultura, Asociaciones, deporte, Instituciones, Empresas, Educacion, Turismo, Galegos, Empleo, Agenda, Idioma...
Actualizado: hace 6 horas 49 mins

Galicia consolídase como a Comunidade Autónoma que paga máis rápido as súas facturas

Mié, 08/01/2018 - 00:00

Galicia consolídase como a comunidade autónoma que paga as súas facturas con máis axilidade, ao acadar un período medio de pago de 13 días, fronte aos 34 días de media autonómica, segundo os datos oficiais referentes ao mes de maio e publicados hoxe polo Ministerio de Facenda. Ao peche do mes de maio, o período medio de pago de Galicia situouse 17 días por debaixo do límite que establece a normativa estatal. Pola contra, a media autonómica situouse en 34 días, o que ratifica que Galicia está a aboar os seus pagamentos 20 días antes que o conxunto das comunidades.

Galicia recibirá 8 millóns de euros para desenvolver o pacto estatal contra a violencia de xénero

Mié, 08/01/2018 - 00:00

O vicepresidente da Xunta, Alfonso Rueda, indicou hoxe tras a reunión mantida na Moncloa entre a Vicepresidencia do Goberno e as comunidades autónomas que Galicia recibirá 8 millóns de euros para desenvolver o Pacto Estatal de contra a Violencia de Xénero. Alfonso Rueda e a secretaria xeral da Igualdade, Susana López Abella, asistiron á Conferencia Sectorial de Igualdade, que estivo presidida pola vicepresidenta do Goberno e ministra da Presidencia, Relacións coa Cortes e Igualdade, Carmen Calvo, para poñer en marcha o Pacto de Estado contra a Violencia de Xénero, no que a comunidade autónoma colaborou con achegas que foron aprobadas no Parlamento de Galicia por unanimidade de todos os grupos políticos.

A Xunta alerta dun episodio de temperaturas máximas de nivel laranxa que dará comezo mañá na provincia de Ourense e que se estenderá ás outras provincias a partir do venres

Mié, 08/01/2018 - 00:00

Segundo as predicións da Axencia Estatal de Meteoroloxía o fenómeno meteorolóxico adverso dará comezo maña a partir da 13 horas na zona do Miño, na provincia de Ourense e se estenderá ao suroeste da Coruña; zona do Miño, interior e Rías Baixas, na provincia de Pontevedra; ao sur de Lugo; e á zona de Valdeorras e montaña ourensán, a partir do venres 3 agosto. Poderán alcanzarse 41 graos centígrados na provincia de Ourense e nas outras provincias os valores poderán acadar os 38-39 graos centígrados.

O festival Música no Claustro regresa cun cartel de reencontros coa música e o patrimonio na catedral de Tui

Mar, 07/31/2018 - 00:00

Música no claustro regresa á catedral de Tui coa edición de maior envergadura e internacionalidade do festival, deseñado e coordinado por Samuel Diz. Durante sete días, do sábado 4 ao venres 10 de agosto, a programación ofrecerá reencontros coa música, co patrimonio e coa creación, aos que se suma o concerto de presentación realizado o pasado 14 de xuño no Museo Nacional de Escultura. Esta edición con dobre sede pon a atención no nome propio de Diego de Avellaneda, bispo de Tui durante preto dunha década no século XVI e arredor do que se articula un programa narrativo de catro concertos de primeiro nivel con músicas renacentistas, barrocas, contemporáneas e jazz.

Novas liñas de axudas no marco do Plan estatal de vivenda cun orzamento de 12,5 millóns de euros

Mar, 07/31/2018 - 00:00

A conselleira de Infraestruturas e Vivenda, Ethel Vázquez, asinou hoxe co Ministerio de Fomento o convenio para o desenvolvemento en Galicia do Plan Estatal de Vivenda, con horizonte ata o ano 2021, no marco do que a Xunta publicará en agosto novas axudas por importe de 12,5 millóns de euros. Vázquez Mourelle explicou que estas novas subvencións se dirixirán á mellora da eficiencia enerxética nas vivendas; ao fomento da conservación, seguridade e accesibilidade; e á adquisición de vivendas en concellos de menos de 5.000 habitantes por mozos menores de 35 anos.

O vindeiro curso 2 escolas unitarias deixan de prestar servizo debido ao baixo número de alumnado

Lun, 07/30/2018 - 00:00

A Consellería de Cultura, Educación e Ordenación Universitaria vén de rematar a revisión da matricula dos centros escolares públicos nos niveis de educación infantil, educación primaria e educación especial para o vindeiro curso 2018/19, un proceso habitual que se leva a cabo todos os anos antes do inicio de cada curso co fin de adecuar o número de unidades ao de alumnas e alumnos matriculados en cada centro educativo. Conforme aos datos definitivos de matrícula, o vindeiro curso escolar deixarán de prestar servizo educativo 2 escolas unitarias, debido ao baixo nivel de alumnado nestes centros.

O programa Resolve favorecerá o financiamento de 100 pemes galegas a través da concesión de préstamos

Lun, 07/30/2018 - 00:00

A Xunta ten previsto mobilizar 15 millóns de euros en préstamos para impulsar o acceso ao circulante das pemes e os autónomos galegos a través do lanzamento nas próximas semanas dunha nova convocatoria do programa Resolve, co obxectivo de colaborar co tecido empresarial galego e contribuír ao mantemento do emprego mellorando a situación financeira de arredor de 100 pequenas e medianas empresas. Así, favorecerase o funcionamento diario das pequenas e medianas empresas facilitando a concesión de préstamos a partir de 3000 euros. Como novidade este ano, increméntase o importe máximo dos créditos ata os 500.000 euros, fronte aos 150.000 da anterior convocatoria.

Oito de cada dez concellos contan con sede electrónica, preto dun 50% máis que hai dous anos

Lun, 07/30/2018 - 00:00

O 79,3% dos concellos galegos que dispoñen dun sitio web contan con sede electrónica, o que supón un incremento do 49,9% nos últimos dous anos. Así se desprende dos resultados do informe 'A Administración electrónica nos concellos galegos', que publica hoxe o Observatorio da Sociedade da Información e a Modernización de Galicia (OSIMGA), adscrito á Axencia para a Modernización Tecnolóxica de Galicia (Amtega). Este informe está incluído no Plan Galego de Estatística 2017-2021 e avalía cada dous anos a situación das infraestruturas, equipamento e nivel de desenvolvemento da sede electrónica nos concellos, entre outros indicadores.

Reunión en Compostela do Comité Internacional de Expertos do Camiño de Santiago

Vie, 07/27/2018 - 00:00

Este órgano asesor da Xunta de Galicia vai organizar en 2021 o Congreso mundial 'Santiago de Compostela: camiño do saber, do andar e do crer', que afondará nas tradicións xacobeas e cultos locais en todo o mundo.

Ven de aprobarse o Plan básico autonómico de Ordenamento urbano de Galicia, que rexistra a existencia na comunidade dun total de 39.000 asentamentos de poboación

Vie, 07/27/2018 - 00:00

A comunidade galega é a primeira de España en dispoñer dun Plan de Ordenamento do territorio que se vai aplicar nos 38 concellos de menos de 5.000 h. que aínda se rexen polas Normas Provinciais de 1991 e, complementariamente, nos 177 suxeitos a normas subsidiarias municipais ou PXOM desactualizados, o que suporá importantes beneficios en materia urbana para todos os núcleos de poboación de Galicia.

A TVG incorporará os novos servizos interactivos que o mercado demande

Vie, 07/27/2018 - 00:00

Ábrese un período de consultas preliminares ao mercado para deseñar as solución e servizos para adaptar as emisións do ente público ás novas demandas do consumo, e poñerase en marcha unha canle dixital para o ámbito educativo e a creación de contidos multimedia

A banda artística de Merza réndelle tributo a Queen nos Atardeceres do Gaiás

Jue, 07/26/2018 - 00:00

A Banda Artística de Merza, considerada a máis antiga de Galicia, réndelle tributo a Queen no marco do programa Atardeceres no Gaiás e dos actos de celebración do 190º aniversario da súa fundación. A formación crucense estará acompañada polo coro vigués Gli Appassionati neste concerto de estrea do novo proxecto Queen Symphony, que se poderá seguir mañá ás 21:00 horas con entrada libre e de balde, na praza central da Cidade da Cultura de Galicia. Así o anunciaron hoxe en rolda de prensa o secretario xeral de Política Lingüística, Valentín García e o director da Agadic, Jacobo Sutil, acompañados polo alcalde de Vila de Cruces, Jesús Otero; e mais polo presidente e director da banda, Francisco Fernández e David Fiúza, respectivamente.

Conde destaca que Galicia é a terceira comunidade que vai rexistrar un maior incremento de fondos para políticas de emprego

Jue, 07/26/2018 - 00:00

O conselleiro de Economía, Emprego e Industria, Francisco Conde, salientou hoxe que Galicia vai recibir un total de 170 millóns de euros dos fondos de emprego dos Orzamentos Xerais do Estado, que supoñen un 8,7% máis que o pasado ano e que a converten na terceira comunidade que rexistra un maior incremento. Segundo precisou, son 13,3 millóns de euros máis cos que Galicia, grazas ao seu grao de cumprimento das políticas activas de emprego, duplica a media das comunidades autónomas no reparto de fondos, que é do 3,2%.

A Fundación Barrié e a Xunta de Galicia seleccionarán 25 propostas de investigadores galegos a través do programa Ignicia

Mar, 07/24/2018 - 00:00

A Xunta e a Fundación Barrié veñen de asinar o convenio de colaboración para impulsar a segunda edición do programa Ignicia co obxectivo de seguir apoiando o acceso ao mercado de proxectos de investigadores galegos a través da análise e a elaboración dos plans de desenvolvemento e comercialización. Este acordo, segundo explicou o conselleiro de Economía, Emprego e Industria, Francisco Conde, dá continuidade ao subscrito en xaneiro de 2016 para o desenvolvemento da primeira edición desta iniciativa, que permitiu apoiar un total de 9 proxectos cun investimento de 4 millóns de euros en sectores como as TIC, o aeronáutico e a biotecnoloxía.

Educación publica o regulamento para a homologación e validación de títulos e estudos estranxeiros de ensinanzas non universitarias

Mar, 07/24/2018 - 00:00

O D.O.G. ven de publicar o procedemento a seguir, ademais de determinar os efectos das homologacións e validacións, distribución de competencias entre departamentos e de regular prazos e documentación que se esixe en cada caso.

A MIT de Ribadavia remata cun récord de asistencia de espectadores

Lun, 07/23/2018 - 00:00

A Mostra Internacional de Teatro de Ribadavia remata cun récord de asistencia de espectadores, chegando case ao 100% da ocupación das localidades no Castelo e cunha participación masiva nas rúas e nas actividades paralelas. O Premio do público recaeu na compañía A PANADARÍA, co espectáculo ELISA E MARCELA, superando por décimas á segunda máis votada, a mexicana Los Colochos con Mendoza. Esta edición destacou pola media alta de asistencia e valoración dos espectáculos, tamén pola proxección internacional e pola repercusión que a MIT está tendo en diversos ámbitos, do económico ao social.

A liña de acción 'Xogar en Verde' da campaña 'Verdear' fomenta que os eventos deportivos sexan cada vez máis sustentables

Lun, 07/23/2018 - 00:00

A Consellería de Medio Ambiente e Ordenación do Territorio fomentará que os eventos deportivos sexan cada vez máis sustentable, grazas a liña de acción Xogar en Verde. Trátase dunha iniciativa dentro da campaña Verdear é a actitude, posta en marcha pola Xunta de Galicia, co fin de afrontar os retos e valores de sustentabilidade. A conselleira de Medio Ambiente e Ordenación do Territorio, Beatriz Mato, visitou esta mañá un taller de fomento de recollida selectiva, no que participaron aos rapaces do campus da Asociación de Fútbol Aficionado da Coruña.

O venres 27 comezan na Catedral de Santiago as visitas ao Pórtico da Gloria

Lun, 07/23/2018 - 00:00

A Catedral de Santiago asinou hoxe un convenio con Turismo de Galicia, a través do cal a Xunta de Galicia colaborará na primeira fase do plan de ordenación de visitas ao Pórtico da Gloria deseñado polo Cabido da Catedral de Santiago e que dará comezo o vindeiro venres 27 de xullo e se estenderá ata finais de setembro. Ao abeiro deste acordo, Turismo de Galicia fará posible que se dispoña dun equipo permanente de vixiantes de seguridade en todo o horario de apertura que se encargará de regular os fluxos de visitantes.

Medio Rural destina cinco millóns de euros a subvencionar os seguros agrarios

Vie, 07/20/2018 - 00:00

A comisión territorial de seguros agrarios reuniuse hoxe na Consellería do Medio Rural e valorou os avances neste ámbito en Galicia. Entre os datos destacados, a directora xeral de Gandaría, Agricultura e Industrias Agroalimentarias, Belén do Campo, sinalou os cinco millóns de euros que este ano achegaranse para subvencionar as distintas liñas de seguros en Galicia. Trátase da cantidade máis alta dos últimos seis anos. De feito a Xunta de Galicia fixo un importante esforzo para compensar a baixada de 10 puntos porcentuais que aplicou o Ministerio a todas as liñas de seguro agás a retirada de cadáveres.

Elegidos los 32 mejores vinos y licores elaborados en Galicia

Jue, 07/19/2018 - 00:00

Los viticultores, bodegueros, enólogos y sumilleres más distinguidos de Galicia se dieron cita en el Parador de Santo Estevo de Ribas de Sil para asistir a una nueva edición de las Catas Oficiales de Vinos y Aguardientes de Galicia, el evento más importante para el sector vitivinícola de la comunidad. A través de este veterano certamen, la Consellería do Medio Rural buscaba nuevamente identificar y premiar a los mejores caldos elaborados fundamentalmente con uvas de variedades autóctonas, dotados de un carácter único y una personalidad reconocible. Para esta trigésima Cata de Vinos de Galicia se batían todos los records en cuanto a número de inscritos, con 363 muestras finales de blanco y tinto.