Skip to content

Noticias Galicia Digital

Distribuir contenido Galicia Digital: Plataforma de portales temáticos gallegos en Internet
Plataforma digital de Portales tematicos de Galicia en la Red, Artes, Cultura, Asociaciones, deporte, Instituciones, Empresas, Educacion, Turismo, Galegos, Empleo, Agenda, Idioma...
Actualizado: hace 1 hora 23 mins

A Consellería de Educación recoñece o traballo de dez centros co premio Proxecta de innovación educativa 2018

Dom, 10/07/2018 - 23:00

A Consellería de Educación, Universidade e Formación Profesional acaba de resolver a convocatoria do Premio Proxecta de Innovación Educativa 2018, co que se recoñece e visibiliza a calidade dos traballos que desenvolveron 10 centros educativos de Galicia ao abeiro do Plan Proxecta. O Plan Proxecta -que o curso pasado chegou a 515 centros sostidos con fondos públicos e preto de 123.000 alumnas e alumnos– crea un marco xeral de cooperación grazas ao esforzo doutras consellerías.

Lanzado o programa de formación 'Destino: Peme Dixital' para axudar ás pemes, micropemes e autónomos a liderar a súa transformación dixital

Dom, 10/07/2018 - 23:00

A Axencia para a Modernización Tecnolóxica de Galicia (Amtega) lanza o programa “Destino: Peme Dixital”, un itinerario formativo deseñado para que pemes, micropemes e autónomos coñezan as ferramentas e recursos para liderar a súa transformación dixital e mellorar a súa proxección de futuro. Un proxecto estratéxico que se presentará o mércores, 10 de outubro, nunha xornada informativa e de networking que terá lugar no Auditorio da Biblioteca da Cidade da Cultura de Santiago de Compostela.

Galicia representará ás comunidades españolas no Consello de Ministros Europeos de Medio Ambiente do 9 de outubro

Dom, 10/07/2018 - 23:00

A conselleira de Medio Ambiente, Territorio e Vivenda, Ángeles Vázquez, asistirá este martes 9 de outubro en Luxemburgo ao Consello de Ministros de Medio Ambiente para defender a postura común de todas as comunidades españolas sobre os asuntos que se debaterán nesta xuntanza. Cómpre lembrar que o pasado mes de xuño Galicia relevou oficialmente ao País Vasco como representante das comunidades ante o Consello de Ministros de Medio Ambiente da UE.

O cura de Momán (Lugo) pide á Igrexa que non acepte acoller os restos de Franco

Mié, 10/03/2018 - 23:00

O cura de Momán, Luís Ángel Rodríguez Patiño, enviou este martes un escrito ao Obispado de Mondoñedo e ao Arcebispado de Santiago esixindo que non se permita que os restos de Francisco Franco sexan enterrados nunha igrexa. Rodríguez Patiño, coñecido polas súas posturas contrarias á xerarquía eclesiástica en temas como o aborto ou a homosexualidade, responde así ao arcebispo de Madrid, Carlos Osoro, que hai uns días dixo que fará "todo o que lle pida" a familia de Franco, que pretende que os restos do ditador descansen na cripta da catedral da Almudena.

Fomento ratifica a Feijóo que as obras do AVE a Galicia estarán rematadas no último trimestre de 2019 e a prioridade do Corredor Atlántico de transporte e mercadorías

Mié, 10/03/2018 - 23:00

O presidente da Xunta, Alberto Núñez Feijóo, ratificou, despois de reunirse co ministro de Fomento, José Luis Ábalos, que as obras do tren de alta velocidade a Galicia estarán rematadas no último trimestre de 2019: un compromiso inequívoco adquirido tanto co anterior Goberno como co actual. “A partir do 2019, cando se entreguen formalmente as obras finalizadas na súa totalidade, é necesario que a Axencia de Avaliación de Infraestruturas faga as auditorías que considere oportunas”, explicou Feijóo, quen agarda que as auditorías conclúan á menor brevidade posible.

A primeira edición do Plan de promoción do talento dixital de Galicia, contará con 30 iniciativas para o impulso de perfís profesionais dixitais

Mié, 10/03/2018 - 23:00

Ponse en marcha a primeira edición do Plan de Promoción do Talento Dixital de Galicia co obxectivo de reducir a fenda entre a dispoñibilidade de traballadores con competencias dixitais e a crecente demanda destes perfís no mercado laboral. Dito plan engloba 30 iniciativas con máis de 2.500 prazas en tres eixos de actuación: o impulso das vocacións STEM, a promoción da adaptación aos novos perfís dixitais e a formación de E-líders para a transformación dixital.

Publicado o Diagnóstico ás Empresas TIC sobre a Sociedade da Información en Galicia 2018

Mar, 10/02/2018 - 23:00

O 60% das empresas TIC galegas sinala que é difícil ou moi difícil contratar persoal con formación específica en TIC, especialmente pola carencia de candidatos coa formación precisa. A pesar destas dificultades, o 24,4% das empresas TIC galegas ten previsto contratar novo persoal relacionado co ámbito tecnolóxico nos vindeiros anos, un 4,3% máis que o ano anterior. O informe sinala que preto do 34%. do persoal do sector ten titulación de grao superior ou media e o 27,2% dos empregados posúe ciclos formativos relacionados coas TIC.

O IV Ciclo de Literatura Infantil e Xuvenil analiza o papel da lectura como ferramenta de equidade

Mar, 10/02/2018 - 23:00

Baixo o título “A lectura como ferramenta de equidade” chega á súa cuarta edición o Ciclo de Literatura Infantil e Xuvenil que cada ano organiza a AELG. A primeira das sesións desta edición centrada na igualdade correrá a cargo da narradora Ledicia Costas, que o 2 de outubro falará de “Luces e monstros, da realidade á fantasía”. O día 9 será a quenda de María Lado, que explicará “Como pode a litertura cambiar (un pouco) a túa vida”. Outra poetisa, Yolanda Castaño, collerá o relevo o día 16 para falar de “Chaves en letra miúda”. O 23 será a quenda de Carlos Negro coa conferencia “Versos para especies diversas (menú de aula)”.

O 061 de Galicia iniciou a súa actividade desde o Centro Integral de Atención ás Emerxencias na Estrada

Mar, 10/02/2018 - 23:00

A Fundación Pública Urxencias Sanitarias de Galicia-061 iniciou esta noite a súa actividade desde o Centro Integral de Atención ás Emerxencias (CIAE) na Estrada con total normalidade. Ás 23:30 horas da pasada noite comezou a funcionar a central de coordinación situada no CIAE ao tempo que continuaba activa a central de coordinación de San Marcos en Santiago. Progresivamente, a central da coordinación do 061 no CIAE foi incrementando a súa actividade ata as 02:00 horas, en que as urxencias e emerxencias sanitarias da Comunidade pasáronse a atender unicamente desde a central de coordinación na Estrada.

O número de fogares galegos con dificultades a fin de mes volve ser o máis baixo de toda a serie histórica, segundo o IGE

Lun, 10/01/2018 - 23:00

O número de fogares galegos que chegan con facilidade ou moita facilidade a fin de mes aumentou ata o 60,1% no terceiro trimestre do ano, mentres que a cifra de fogares que chegan con dificultade descendeu ata o 31,3%, baixando tamén ao 8,6% os que declaran chegar con moita dificultade. Este é o resultado máis baixo de fogares con algunha dificultade a fin de mes de toda a serie histórica, que se inicia no primeiro trimestre de 2010. De feito, o número de fogares que chegan con facilidade a fin de mes medrou en Galicia 5,5 puntos respecto ao anterior trimestre, un incremento que é de 11,8 puntos no último ano.

Galicia lidera a caída do paro en España no último ano cunha baixada do 9,64%, o dobre que a rexistrada en setembro de 2017

Lun, 10/01/2018 - 23:00

Galicia lidera a caída do paro en España ao pechar o mes de setembro con 17.737 parados menos, un descenso do 9,64%, o que supón unha caída do case o dobre que a rexistrada en setembro de 2017 con respecto ao mesmo período de 2016. A baixada do 9,64% é tres puntos e medio superior á media do Estado que se situou nun -6,09%. Trátase, ademais, do terceiro maior descenso nun mes de setembro de toda a serie histórica, desde 1996. A Comunidade galega, así mesmo, encadea case 5 anos de baixadas consecutivas do paro, desde novembro de 2013, situándose a niveis de hai 9 anos.

A iniciativa europea Vida Permanente potencia o voluntariado ambiental a través en 17 espazos naturais de Galicia

Lun, 10/01/2018 - 23:00

A Xunta de Galicia está a impulsar un proxecto europeo de voluntariado ambiental que se desenvolve en espazos naturais protexidos da Comunidade. Trátase da iniciativa Vida Permanente con Voluntarios – Life Evergreen with Volunteer’ (LEWO), aprobado ao abeiro do programa LIFE 2016 da Comisión Europea. O obxectivo de LEWO é potenciar o patrimonio natural de Galicia a través dun grupo de xuventude voluntaria formado por 300 mozos e mozas galegos entre os 18 e os 30 anos de idade inscritos no Corpo Europeo de Solidariedade.

O ciclo 'Cultura no Camiño' pecha 2018 con máis de 90.000 espectadores e 340 actuacións en 103 concellos

Dom, 09/30/2018 - 23:00

Máis de 90.000 espectadores e 340 actuacións escénicas e musicais en 103 concellos de Galicia é o primeiro balance do ciclo Cultura no Camiño, que arrancou o pasado mes de abril e que pecha hoxe a súa programación cun concerto do grupo Treixadura, en Valga, ao que asistirá o conselleiro de Cultura e Turismo, Román Rodríguez. Esta iniciativa, que vai xa pola súa sexta edición, está promovida pola Axencia Galega das Industrias Culturais (Agadic) e Turismo de Galicia, e volveu contar, ademais, co patrocinio de Gadis.

Galicia sitúase como a terceira comunidade con menor débeda autonómica por habitante

Dom, 09/30/2018 - 23:00

Galicia é a terceira comunidade con menor débeda autonómica por habitante no segundo trimestre do ano, só por detrás de Canarias e Andalucía. A consecuencia da xestión prudente da Xunta, Galicia mellorou a súa posición–no peche de 2017 estaba en quinto lugar- e cada galego debe hoxe 2.036 euros menos que o resto de cidadáns españois. Segundo os datos do Banco de España, cada galego debe 4.272 euros de débeda autonómica, fronte aos 10.478 euros que debe cada cidadán en Cataluña ou os 9.366 euros que debe cada cidadán da Comunidade Valenciana.

A Cidade da Cultura acolle a 'YAMsession 2018', o maior encontro europeo para profesionais da música e da educación

Dom, 09/30/2018 - 23:00

A Cidade da Cultura de Galicia convértese este outono no lugar de encontro para músicos e educadores de toda Europa, ao acoller do 17 ao 19 de outubro, a YAMsession 2018. Trátase dun evento para coñecer o panorama da produción musical para público infantil e xuvenil e as novas correntes que se están a desenvolver a nivel europeo, así como para xerar oportunidades de colaboración entre programadores, produtores, artistas e profesores de música nacionais e internacionais.

Seis concertos de recoñecidos artistas nas principais cidades galegas completan a programación de O Son do Camiño 2018

Vie, 09/28/2018 - 23:00

Seis concertos de recoñecidos artistas nacionais e internacionais completarán este outono a programación de O Son do Camiño 2018, o festival co que Galicia promove a celebración do Xacobeo 2021. Despois de que o festival tivera lugar en Santiago de Compostela, as novas citas musicais ampliarán o seu alcance ao resto de cidades da Comunidade, situadas en diversos itinerarios xacobeos. As seis citas terán lugar ao longo dos meses de outubro e novembro, cunha proposta que dá continuidade ao festival, celebrado con gran éxito, pois ao longo de tres xornadas congregou a 84.000 asistentes de 12 países no revitalizado Parque Monte do Gozo.

Unha quincena de espectáculos de cinco países danlle forma á 11ª edición do Festival Internacional de Teatro de Ourense

Jue, 09/27/2018 - 23:00

O Festival Internacional de Teatro de Ourense (FITO) fixo público hoxe o cartel de espectáculos, mesas redondas e actividades formativas da súa undécima edición, que ofrecerá do 4 ao 14 de outubro unha quincena de montaxes de cinco países, así como o IV Encontro Mulleres Creando e o curso O xogo, motor da creación. A organización do festival mantén un forte compromiso co teatro feito en Galicia, coas actuacións da compañía de circo IO, de A Panadaría en coprodución co Centro Dramático Galego (CDG), de Trécola e de Matarile Teatro, que estrea no FITO Os limóns, a neve e todo o demais.

Galicia baixou o seu endebedamento en 201 millóns no segundo trimestre

Jue, 09/27/2018 - 23:00

A comunidade galega baixou medio punto o seu endebedamento público no segundo trimestre deste ano, cun descenso de 201 millóns de euros no seu volume global, e sitúase como a quinta comunidade con menos débeda de España, segundo os datos do Banco de España publicados esta mañá. Ao finalizar o segundo trimestre do ano, a ratio de débeda / PIB de Galicia situouse no 18,6%, cinco décimas por debaixo da rexistrada no primeiro trimestre (19,1%) e catro décimas por debaixo da rexistrada no mesmo período do ano anterior (19,0%).

A xornada 'Contornos e Contornas' abordará a mellora do benestar e aprendizaxe nas escolas a través da arquitectura

Mié, 09/26/2018 - 23:00

A Cidade da Cultura de Galicia celebrará o sábado 24 de novembro a primeira edición de Contornos e contornas. Unha visión transdisciplinar sobre a arquitectura’, na que profesionais da arquitectura, psicoloxía e pedagoxía procurarán crear un clima de reflexión e de propostas en común sobre as melloras a aplicar nos recintos educativos para mellorar a habitabilidade, benestar e o clima de aprendizaxe, tirando proveito dos respectivos coñecementos destas disciplinas.

A World Trails Conference reúne desde hoxe en Galicia as mellores rutas culturais, ecolóxicas e de peregrinación de todo o mundo

Mié, 09/26/2018 - 23:00

Máis de 250 persoas de 41 nacionalidades diferentes reúnense desde hoxe e ata o sábado en Santiago de Compostela para participar na World Trails Conference, o congreso internacional no que se reúnen as mellores rutas culturais, ecolóxicas e de peregrinación de todo o mundo. O congreso permitirá coñecer as experiencias de, entre outros, o Camiño Kumano Kodo -Patrimonio Mundial e irmandado co Camiño de Santiago desde hai 20 anos- e tamén o Camiño Shikoku Henro, co que tamén Galicia mantén férreas alianzas de colaboración.