Skip to content

Noticias Galicia Digital

Distribuir contenido Galicia Digital: Plataforma de portales temáticos gallegos en Internet
Plataforma digital de Portales tematicos de Galicia en la Red, Artes, Cultura, Asociaciones, deporte, Instituciones, Empresas, Educacion, Turismo, Galegos, Empleo, Agenda, Idioma...
Actualizado: hace 6 horas 41 mins

O ‘Atardecer no Gaiás’ despídese co reguetón feminista e comprometido das Tremenda Jauría

Mar, 08/14/2018 - 00:00

O reguetón feminista e combativo das madrileñas Tremenda Jauría suporán este sábado, día 18, un divertido e comprometido alfinete festeiro para pechar o Atardecer no Gaiás de 2018. Precisamente, este ciclo de concertos do verán, ao aire libre e de balde caracterizouse nesta edición por contar cun especial peso das voces femininas —maioría entre as súas 21 actuacións— e concedeulle máis espazo as cada vez máis emerxentes músicas urbanas. Para este gran fin de festa, a banda despregará tamén o seu repertorio de merengue-punk ‒contan cunha atrevida versión neste rexistro de La línea del frente de Kortatu‒e electro-cumbia con ritmos tropicais e letras sociais.

Case 1500 rapaces e rapazas de estadía nos campamentos participaron no programa o galego ‘Campa! 2018’

Mar, 08/14/2018 - 00:00

Case 1500 rapaces e rapazas, de entre 9 e 17 anos, de estadía nos campamentos de verán da Xunta de Galicia, participaron ao longo dos meses de xullo e agosto na edición 2018 do programa de dinamización lingüística ‘O galego campa!’. Trátase dunha iniciativa que comparte un dos obxectivos prioritarios establecidos no Plan de dinamización da lingua galega na mocidade: a dinamización lingüística do galego no tempo de lecer da xente nova. As actividades chegaron, do 26 de xullo ao 13 de agosto, a un total de 15 campamentos incluídos na campaña.

O Sergas realizou no primeiro semestre de 2018 un total de 110.374 intervencións cirúrxicas, das que o 54% foron ambulatorias

Lun, 08/13/2018 - 00:00

O balance da actividade do Servizo Galego de Saúde neste primeiro semestre de 2018 reflicte un aumento global de toda a actividade. En total realizáronse 110.374 intervencións cirúrxicas en quirófanos ou en salas especiais, 534 intervencións cirúrxicas máis que no mesmo período do ano anterior. Isto é un 0,49% de incremento de actividade con respecto de 2017. Da totalidade de intervencións, 93.413 foron programadas e 16.961 urxentes. Ademais, o 54% do total foron ambulatorias polo que non precisaron estancia hospitalaria no paciente.

Os portos de titularidade autonómica moveron 950.000 toneladas de mercadorías durante o primeiro semestre de 2018

Lun, 08/13/2018 - 00:00

Os portos de titularidade autonómica moveron 950.000 toneladas de mercadorías ao longo do primeiro semestre de 2018. Así o comunicou esta mañá o presidente de Portos de Galicia, José Juan Durán, nunha rolda de prensa na sede do ente público na que fixo balance da actividade de carga e descarga de mercadorías e peixe fresco nas instalacións portuarias dependentes da Xunta. Durán Hermida informou de que Portos de Galicia vén de realizar o balance semestral de tráfico de mercadorías rexistrado nos 122 peiraos de titularidade autonómica entre o 1 de xaneiro e o 30 de xuño de 2018.

Convocada unha nova edición do programa para creadores novos Xuventude Crea

Lun, 08/13/2018 - 00:00

O programa Xuventude Crea está dirixido a mozos e mozas galegos ou residentes en Galicia, non profesionais, con idades comprendidas entre os 16 e os 30 anos cumpridos no ano 2017. A novidade con respecto á edición anterior é que se inclúe unha disciplina nova, o skate, co que o total de especialidades nas que se poderá participar ascenderá nesta ocasión a 13: artes plásticas (pintura e escultura), banda deseñada, cociña, deseño de xoias, fotografía, graffiti, moda, música, poesía, relato breve, teatro, skate e videocreación. Salvo no caso das especialidades de teatro, música, graffiti e cociña, a participación será sempre a título individual.

A ministra de Facenda afirma ante o presidente da Xunta que está buscando solucións para o asunto do IVE

Vie, 08/10/2018 - 00:00

A ministra de Facenda, María Jesús Montero, afirmou hoxe, ante o presidente da Xunta, que no relativo ao desaxuste producido polo cambio no sistema de liquidación do IVE e que supón para os galegos preto de 200 millóns de euros menos, está vendo como o pode arranxar. Durante unha reunión coa ministra, Alberto Núñez Feijóo solicitou unha solución con celeridade para unha situación que afecta, dixo, non só a Galicia senón ás demais comunidades.

A Estratexia Retorna 2020 favorecerá o retorno da mocidade do exterior 100 bolsas de 10.000 euros para cursar un ciclo superior de FP

Jue, 08/09/2018 - 00:00

A Consellería de Cultura, Educación e Ordenación Universitaria favorecerá o retorno da mocidade do exterior para que cursen un ciclo de grao superior de Formación Profesional coa convocatoria dun total de 100 bolsas, cada unha delas dotada con 10.000 euros. Os beneficiarios poderán desenvolver os seus estudos ao longo dos dous cursos do ciclo. A convocatoria, que sae publicada hoxe no DOG, supón un investimento por parte do Goberno galego dun millón de euros.

Galicia será o territorio convidado de honor na edición de 2019 do Festival Intercéltico de Lorient (Francia)

Jue, 08/09/2018 - 00:00

Galicia será o territorio convidado de honor á vindeira edición do Festival Intercéltico de Lorient. Así o confirmou a propia organización do evento, que presentou nunha conferencia de prensa o cartel promocional da cita para o 2019, no que se fai referencia á 49ª edición como “O ano de Galicia”. A nova foi tamén publicada no propio web do festival. No presente ano o territorio convidado de honor é o País de Gales. Con 48 anos de historia, o Festival reúne en cada edición máis de 4.500 artistas de Bretaña, Escocia, Gales, Cornualles, Illa de Man e Irlanda, así como de Galicia e Asturias.

Presentado O Marisquiño XVIII como o gran evento de deporte urbano do sur de Europa

Jue, 08/09/2018 - 00:00

A secretaria xeral para o Deporte, Marta Míguez, presentou na mañá de hoxe o festival de cultura urbana e deportes de acción O´ Marisquiño XVIII que terá lugar entre o 10 e o 12 de agosto en Vigo. Nas súas verbas, a responsable do Deporte galego celebrou que esta iniciativa “xa alcanza a súa maioría de idade con 18 anos de satisfacción, de grandes éxitos e de experiencia que a converten no gran evento do deporte urbano do sur de Europa”. Marta Míguez falou de dúas das competicións máis importantes do festival como poden ser o skateboarding e as probas de BMX, dous deportes que, ademais, serán olímpicos nos Xogos de Toquio 2020.

O Plan de transporte público de Galicia rexistrou máis de 5,3 millóns de usuarios ao incrementar en máis dun 37% os servizos de autobús

Mié, 08/08/2018 - 00:00

O Plan de transporte público de Galicia, que hoxe cumpre un ano da súa posta en funcionamento por parte da Xunta, rexistrou máis de 5,3 millóns de viaxeiros, un 1,2 % máis nos usuarios xerais, ao incrementar os servizos de autobús en máis dun 37 %. O plan aumentou a cobertura territorial do transporte, triplicando o número de paradas e rebaixando as tarifas en ata un 80%. Os contratos potenciaron a rede de transporte existente, ao pasar de 11 a 15 millóns de km de servizo anuais. Esta iniciativa impulsada pola Xunta é útil para os veciños, sustentable desde o punto de vista ambiental e viable a nivel económico.

O punk feminista de Las Odio, a zarzuela bufa de Rodrigo Cuevas e o humor de Pony Bravo, esta semana en ‘Atardecer no Gaiás’

Mié, 08/08/2018 - 00:00

Atardecer no Gaiás chega xa á penúltima semana da súa edición 2018. Nesta ocasión, o ciclo de concertos que pon a banda sonora aos solpores do verán na Cidade da Cultura trae tres apostas orixinais, sorprendentes e reivindicativas chegadas de tres recantos da Península: Rodrigo Cuevas (Asturias), Pony Bravo (Andalucía) e Las Odio (Madrid). Os encargados de arrancar a semana este xoves serán o grupo sevillano Pony Bravo, que traerá ao Gaiás o característico humor que tingue as súas letras ‘protesta’, á vez que un directo sempre encomiado que os ten levado a festivais como o Primavera Sound e a cidades como Bos Aires ou Caracas.

Uxía e Rodrigo Romaní actúan esta semana no festival de Lorient

Mié, 08/08/2018 - 00:00

Uxía e Rodrígo Romaní actúan esta semana no Festival Intercéltico de Lorient, encabezando a ampla delegación galega que desde o pasado día 3 participa neste histórico encontro da cultura celta. Uxía subirase este xoves ao escenario do Theâtre de Lorient para presentar o seu traballo Uxía-o, o seu persoal tributo á obra de Uxío Novoneyra. Pola súa banda, Rodrigo Romaní actuará o sábado á noite na gran gala da arpa celta que terá lugar no Palacio de Congresos, onde esa mesma mañá ofrecerá unha master class.

O sector turístico galego pode solicitar ata o 31 de agosto as axudas da Xunta para a certificación da marca Q de calidade

Mar, 08/07/2018 - 00:00

O sector turístico galego pode solicitar xa as axudas para a certificación da marca Q de Calidade Turística do Instituto para a Calidade Turística Española (ICTE), convocadas por Turismo de Galicia e ás que poderán concorrer establecementos de turismo rural e hoteleiros, apartamentos e vivendas turísticas, campamentos, axencias de viaxes, cafeterías, bares, restaurantes e empresas de servizos complementarios.

O Museo Centro Gaiás combina arte, música e petiscos nunhas visitas comentadas ás súas exposicións os venres á noite

Mar, 08/07/2018 - 00:00

A Cidade da Cultura programa para as noites dos venres de final do verán unha descuberta diferente e distendida das grandes exposicións que acolle arestora o Museo Centro Gaiás: Baldomero Pestana, a verdade entre as mans e Galicia Universal. A arte galega nas colección de ABANCA e Afundación. Será a través das Nocturnas, unhas visitas comentadas moi especiais, fóra do horario habitual de apertura do centro, que rematarán da mellor maneira: con boa música e petiscos.

Medio Máis de 3 millóns de euros en axudas para executar 224 proxectos de mellora e recuperación de espazos en Rede Natura e nos parques naturais de Galicia

Mar, 08/07/2018 - 00:00

A Consellería de Medio Ambiente vén de resolver dúas ordes de axudas para acometer nos anos 2018 e 2019 actuacións de preservación, recuperación e mellora en espazos incluídos na Rede Natura 2000 e no ámbito dos parques naturais de Galicia. En total, son 224 proxectos por un importe de 3.063.802,30 euros, un 61,5% máis que a contía concedida na convocatoria anterior. A través destas dúas ordes de axudas financiaranse investimentos non produtivos para acadar os obxectivos agroambientais e climáticos no ámbito da Rede Natura 2000 e dos parques naturais de Galicia.

Seguen en alerta de vaga de calor 43 municipios de Galicia

Lun, 08/06/2018 - 00:00

A Xunta de Galicia, a través do seu Comité de Plan de Calor, no marco do Plan de Actuacións fronte aos posibles efectos das altas temperaturas sobre a saúde, informa dunha situación de alerta de vaga de calor en 43 concellos. Segundo informa Meteogalicia, agárdanse valores de temperatura máxima moi semellantes aos acadados onte. Isto quere dicir que novamente se superarán os 37ºC no Miño de Ourense e Pontevedra, Sur de Lugo e Valdeorras. Ademais, en moitos puntos do centro e sur da Comunidade as máximas superarán os 34ºC.

114 novos centros incorporan o libro dixital no vindeiro curso 2018/19, con 18.000 alumnos beneficiados en toda Galicia

Lun, 08/06/2018 - 00:00

Un total de 114 novos centros sostidos con fondos públicos incorporarán o libro dixital nas súas aulas por primeira vez o próximo curso 2018/19, polo que o proxecto de educación dixital, E-Dixgal, acada os 267 centros beneficiados (un 70% máis que o curso pasado) e chegará a 18.000 alumnos, un 55% máis. Todos eles -estudantes de 5º e 6º curso de Primaria e 1º e 2º de ESO- recibirán unha ensinanza completamente dixital. Do total dos 267 centros E-Dixgal, 91 son da provincia da Coruña (38 novos para o vindeiro curso), 49 de Lugo (24 novos), 19 de Ourense (11 novos) e 108 de Pontevedra (41 novos). Por ensinanzas, do total de 114 novos centros, 66 deles incorporan o libro dixital na etapa de Primaria, 41 en Secundaria e outros 11 fano en Primaria e Secundaria.

Galicia é a comunidade na que máis baixa o paro en xullo e na que máis crecen as afiliacións á Seguridade Social

Jue, 08/02/2018 - 00:00

Galicia é a Comunidade na que más baixou o paro en xullo, e na que máis creceron as afiliacións á Seguridade Social na evolución mensual. Na evolución mensual, o desemprego baixou nun -3,91% e as afiliacións subiron nun 1,49%, o que supón 15.046 afiliados máis á Seguridade Social, superando, ademais, o ritmo de incremento do Estado nun 1,3%. É, polo tanto, o segundo mes consecutivo no que Galicia se comporta mellor que a media nacional. Con respecto á evolución anual, Galicia pecha xullo co menor número de desempregados desde setembro de 2008.

O maior orzamento da historia de Galicia para maiores e discapacidade permitirá chegar neste 2018 aos 60.000 dependentes atendidos

Jue, 08/02/2018 - 00:00

O presidente do Goberno galego, Alberto Núñez Feijóo, aseverou hoxe que o maior orzamento da historia da comunidade para maiores e discapacidade permitirá chegar neste 2018 aos 60.000 dependentes atendidos, adiantando dous anos o cumprimento dun obxectivo que se tiña previsto acadar a finais da lexislatura, en 2020. Durante unha visita ás instalacións do novo centro de día e residencia de maiores do Concello de Cervo, Feijóo precisou que o orzamento total de 414 millóns de euros para este ano pon de manifesto que a achega para esta área medrou un 50% nestes nove anos

O pop-folk con toques electrónicos, de Pajaro Sunrise, abre os concertos ao solpor de agosto en 'Atardecer no Gaiás'

Jue, 08/02/2018 - 00:00

O ciclo de concertos ao solpor Atardecer no Gaiás continúa en agosto con tres propostas tranquilas e ben diferentes para musicar os xoves, venres e sábados do verán na Cidade da Cultura. O encargado de pórlle banda sonora á primeira das citas deste mes será Yuri Méndez, co seu proxecto Pajaro Sunrise. O traballo do cantante, músico, compositor e produtor nado en León oscila entre o pop, o folk e a música electrónica cantada en inglés. Os seus temas, ás veces divididos entre letras melancólicas e melodías alegres, foron escollidos para musicar desde series de televisión a anuncios publicitarios, entre os que destaca por ter aparecido, por exemplo, na serie norteamericana Castle.