Skip to content

Noticias Galicia Digital

Distribuir contenido Galicia Digital: Plataforma de portales temáticos gallegos en Internet
Plataforma digital de Portales tematicos de Galicia en la Red, Artes, Cultura, Asociaciones, deporte, Instituciones, Empresas, Educacion, Turismo, Galegos, Empleo, Agenda, Idioma...
Actualizado: hace 1 hora 30 mins

Galicia contará para 2019 cuns presupostos expansivos e prudentes, para consolidar unha recuperación econòmica integradora

Mié, 10/17/2018 - 23:00

Manteranse as rebaixas fiscais en vigor e aprobaranse catro novas baixadas: no Imposto sobre Transmisións Patrimoniais no caso de vivenda usada habitual, no de Sucesións para as herdanzas entre irmáns, no de Patrimonio e en innovación

Preto de 4.000.000 € para financiar os programas asistenciais que desenvolven as unidades de drogodependencias dos concellos

Mié, 10/17/2018 - 23:00

O conselleiro de Sanidade e o presidente da Fegamp asinaron o convenio de colaboración no que participa tamén Vicepresidencia e Consellería de Presidencia, Administracións Públicas e Xustiza. No marco deste acordo, atendéronse o pasado ano 7.634 persoas nas 13 unidades asistenciais de drogodependencias xestionadas polos concellos

Feijóo reunirase co Presidente de Asturias esta semana para coordinar a defensa dos traballadores de Alcoa en A Coruña e Avilés

Mar, 10/16/2018 - 23:00

Tanto a Xunta como o Principado de Asturias xa se puxeron en contacto co Ministerio de Industria e co Ministerio para a Transición Ecolóxica para coñecer as propostas que se contemplan neste asunto

O Conselleiro Francisco Conde presentou en Lugo a incubadora de empresas para o futuro parque empresarial de Rozas

Mar, 10/16/2018 - 23:00

Prevese o investimento máis cuantioso por proxecto en toda Europa, con ata 100.000 euros de axuda por iniciativa, só na fase de incubación. A previsión é lanzar tres convocatorias (a primeira, en novembro) que mobilizarán como mínimo 4.750.000€ ata finais de 2021, dando soporte a 19 empresas e creando 60 empregos directos.

A 23ª edición do Festival de Cine OUFF, da man da Deputación de Ourense, do 29 de novembro ao 5 de decembro

Mar, 10/16/2018 - 23:00

O Presidente da Deputación, Manuel Baltar e a presidenta da fundación “Carlos Velo”, Carmen Leyte, asinaron o protocolo de colaboración para a organización deste evento audiovisual, que terá a Miguel Anxo Fernández como coordinador artístico e a Aurelio Gómez Villar como coordinador técnico

Conmemoración do Día mundial da erradicación da pobreza

Lun, 10/15/2018 - 23:00

A Xunta analizará a situación das persoas sen fogar en Galicia co obxectivo de elaborar un plan de atención específico. A cifra de galegas e galegos que sofren carencia material severa reduciuse nun 40% e supón xa menos da metade da media nacional

A Xunta disporá en 2019 de ata 363 millóns de euros máis, e seguirá reducindo o déficit

Lun, 10/15/2018 - 23:00

O Conselleiro de Facenda presentou no Parlamento o teito de gasto para 2019, asegurando que é “realista e prudente”, e o máis san e o que menos recorre á débeda de toda a década. A revisión á alza da previsión de crecemento para 2018 queda no 2,8% e no 2,5% en 2019, polo que Galicia seguirá experimentando un forte crecemento

Galicia recibe o peregrino 300.000 coa previsión de pechar este ano cun novo récord por riba dos 320.000

Lun, 10/15/2018 - 23:00

O madrileño Manuel Miguel Pozo Guerra, recibiu do Presidente da Xunta a “Compostela” que, no seu caso, é a especial distinción que se lle entrega, dixo Núñez Feijóo, “cando se está a preparar o mellor Xacobeo da nosa historia”, asegurando que este incremento de peregrinos, chegados desde 172 países e cada vez por máis rutas xacobeas, demostra que “Galicia gusta” e que o traballo de todos fai que o Camiño de Santiago xa non sexa un fenómeno exclusivo dos anos santos

Celebrado o Día Internacional da Muller Rural, para visibilizar a aportación das mulleres nas áreas rurais de todo o mundo.

Lun, 10/15/2018 - 23:00

A secretaria xeral de Igualdade, Susana López Abella, participou na Cidade da Cultura nas Xornadas Mulleres de Seu “O futuro de todas”, con motivo do Día da Muller Rural, que este ano cumpríu o seu décimo aniversario para -indicou- festexar este día é visibilizar a importancia das achega económicas, sociais e culturais que desenvolven as mulleres en áreas rurais de todo o mundo.

A Deputación de Lugo inicia o primeiro proxecto de turismo científico dos Ancares-Courel

Lun, 10/15/2018 - 23:00

Desenvolverase nun espazo de 102.635 hectáreas, no que ata finais de ano se definirán os recursos turístico-científicos e logo se concretarán as actividades a ofrecer a cidadáns en xeral e profesionais de distintos sectores. O proxecto, incluído no Plan Estratéxico de Turismo, presentouno o Deputado de Turismo, xunto ao Vicepresidente, aos 17 Concellos implicados, expertos da USC, representantes de colectivos veciñais e empresas da zona.

Preto de 1 millón de € para a renovación de 54 aloxamentos

Dom, 10/14/2018 - 23:00

Esta liña de subvencións da Xunta, busca afondar nun sector máis competitivo e de maior calidade, contemplándose actuacións para elevar a categoría actual dos establecementos, a modernización de instalacións, embelecemento e actualización de equipos. A Consellería de Cultura e Turismo, dentro do seu obxectivo de afondar nun sector turístico máis competitivo, vén de investir case 1 millón de euros para estimular a renovación de establecementos de aloxamento.

Navantia terá traballo en Ferrol ata o 2025, coa construcción das fragatas F-110

Dom, 10/14/2018 - 23:00

O presidente do Goberno Galego inaugurou as xornadas “Hacia el astillero 4.0 por la transformación digital”, que en Ferrol organizan Navantia e a Universidade Internacional Menéndez Pelayo. Núñez Feijóo incide na necesidade de que Navantia prosiga co seu plan para converterse nun asteleiro máis tecnolóxico e que, por parte do Goberno central, se apoie ese esforzo con máis concreción e máis certezas, subliñando que a Axenda Galicia Industria 4.0 da Xunta, cun orzamento total de 352 millóns, xa beneficiou a máis de 7.100 empresas e permitiu a creación de máis de 18.000 postos de traballo.

A extinción do lume de Mondariz supuxo un custe superior aos 100.000 euros e mobilizou máis de 350 persoas

Mié, 10/10/2018 - 23:00

O custe estimado da extinción do incendio rexistrado o pasado domingo en Mondariz (parroquias de Sabaxáns e Gargamala), e que puxo en perigo os núcleos de Barro e Barral, superou os 100.000 euros. Para extinguir este lume foi preciso mobilizar un total de 363 persoas, entre efectivos do Servizo de Prevención e Defensa contra Incendios Forestais e persoal de emerxencias (axentes da Policía Autonómica, bombeiros comarcais, voluntarios de Protección Civil, etc.). No primeiro día de actuación os helicópteros mobilizados realizaron ata 88 descargas en tan só hora e media, o que supuxo un volume de máis de 111.000 litros de auga.

A mostra 'Galicia universal. A arte galega nas coleccións de Abanca e Afundación' pecha con máis de 30.000 visitantes

Mié, 10/10/2018 - 23:00

A Cidade da Cultura despide este domingo, 14 de outubro, a mostra máis ambiciosa realizada, ata o momento, sobre as nosas artes plásticas: Galicia Universal. A arte galega nas coleccións de ABANCA e Afundación e cuxo enorme interese levou a máis de 30.000 persoas a achegarse, desde o pasado 16 de marzo, ao Museo Centro Gaiás para admirar unha selecta escolma de 192 obras procedentes das dúas coleccións corporativas de arte máis senlleiras da comunidade e consideradas entre as máis importantes de España.

O plan Digitalent ofrece 80 actividades ata decembro para achegar as profesións TIC aos máis novos

Mié, 10/10/2018 - 23:00

DigiTalent formúlase como unha iniciativa aberta con achegas da propia Administración autonómica e dos axentes do ecosistema dixital, entre os que están as 12 empresas que en 2013 se adheriron ao Pacto Dixital da Xunta para impulsar o crecemento tecnolóxico da Comunidade. Responsables de Indra, Everis, Iecisa, Satec, Televés, R, Altia, Coremain, Telefónica, Vodafone, DXC Tecnology o Clúster TIC Galicia, reuníronse esta semana co equipo directivo da Amtega para pechar o calendario de actividades deste último trimestre do ano, que se centra nas actividades para os máis novos.

Aprobada a creación do Observatorio galego contra a discriminación por orientación sexual e identidade de xénero

Mar, 10/09/2018 - 23:00

A finalidade deste observatorio será promover a igualdade real e efectiva entre as persoas LGTBI, identificar as barreiras que aínda atopan e previr e loitar contra episodios de intolerancia. A composición do Observatorio galego contra a discriminación será a seguinte: a presidencia recaerá na persoa titular do órgano superior da Xunta en materia de igualdade; a vicepresidencia, nunha persoa representante do colectivo LGTBI; e a secretaría, nunha funcionaria ou funcionario que preste servizos na área da Xunta encargada de Igualdade.

Ponse en marcha o programa 'Destino: Peme Dixital', un itinerario formativo para a dixitalización de pemes, micropemes e autónomos

Mar, 10/09/2018 - 23:00

A transformación dixital é unha carreira de fondo, onde os tempos e obstáculos non son os mesmos para un autónomo, unha micropeme ou unha peme. Consciente desta realidade, a Amtega lanza “Destino: PemeDixital”, un programa que abarca iniciativas adaptadas ás realidades de cada negocio, con tres tipos de actuacións, DixitalOn, AceleraTIC e eLeaders. Na xornada de presentación participou o experto en innovación e transformación dixital, Juan Luís Polo. Profesor do Instituto de Empresa Business School e socio fundador da axencia Good Rebels.

Galicia convértese nunha das primeiras comunidades en aprobar o teito de gasto, de 9.850 millóns de euros

Mar, 10/09/2018 - 23:00

alicia convértese nunha das primeiras comunidades en aprobar o teito de gasto para 2019. Un teito de gasto de 9.850 millóns de euros, o que supón que o gasto da Comunidade para o vindeiro exercicio poderá aumentar ata 363 millóns de euros, respecto ao orzamento para 2018, é dicir, un 3,8% máis. O teito de gasto non financeiro contará con máis recursos e con menos débeda, xa que a Comunidade reducirá o seu déficit ata os 69 millóns de euros, o 0,1% do PIB, o que significa que, no 2019, Galicia non dependerá practicamente da débeda pública.

O festival Cinespaña de Toulouse proxecta 11 filmes galegos co apoio da Agadic

Lun, 10/08/2018 - 23:00

Cinespaña está organizado por AFICH, Association du Festival International du Cinéma Hispanique, un colectivo que traballa pola difusión do cinema español en Francia. O festival anual, que celebra ata o 14 de outubro a súa 23ª edición, rexistra usualmente unhas cifras totais de asistencia ás proxeccións de 18.000 persoas. As fitas foron seleccionadas pola organización do festival para ofrecerlle ao público unha visión conxunta da corrente denominada Novo Cinema Galego, cinco longametraxes e seis curtas, reunidas baixo o título de Paisaxes periféricas, que se exhiben en distintos espazos da cidade.

Feijóo pronunciou esta mañá o discurso de apertura do Debate do Estado da Autonomía

Lun, 10/08/2018 - 23:00

O presidente da Xunta, Alberto Núñez Feijóo, incidiu hoxe no seu discurso de apertura do Debate sobre o Estado da Autonomía na necesidade de preparar a Galicia do Xacobeo de 2021, con orgullo, cun crecemento ordenado e igualitario e con menos cargas fiscais. Para garantilo, confirmou que “o próximo ano en Galicia haberá presupostos, haberá menos débeda e baixaranse os impostos”. E, para iso, aseverou, o Goberno que preside empregará todos os recursos que permite o autogoberno, co obxectivo de que a Comunidade estea protexida ao máximo posible.