Skip to content

Noticias Galicia Digital

Distribuir contenido Galicia Digital: Plataforma de portales temáticos gallegos en Internet
Plataforma digital de Portales tematicos de Galicia en la Red, Artes, Cultura, Asociaciones, deporte, Instituciones, Empresas, Educacion, Turismo, Galegos, Empleo, Agenda, Idioma...
Actualizado: hace 6 horas 48 mins

30 anos da Denominación de Orixe Rías Baixas

Vie, 08/24/2018 - 00:00

A directora de Turismo de Galicia, Nava Castro, e o director xeral de Desenvolvemento Rural, Miguel Pérez Dubois, participaron nos actos polo 30 aniversario da D.O. vitivinícola Rías Baixas, organizados polo Concello de Salvaterra de Miño e a Confraría do Viño do Condado do Tea e Espumosos, variedade que esta fin de semana celebra a súa festa. A cita supuxo unha homenaxe ás persoas que contribuíron ao impulso e posterior consolidación da DO Rías Baixas como parte do desenvolvemento económico de Galicia

A Deputación de Lugo pon en marcha 'DesenvolvendORural', o 1º plan de desenvolvemento integral da provincia

Vie, 08/24/2018 - 00:00

O Voceiro do Goberno, Álvaro Santos Ramos, informou que o Executivo Provincial aprobou este venres en Xunta de Goberno 'DesenvolvendORural', o 1º Plan de desenvolvemento integral da provincia. Trátase do primeiro paso para a posta en marcha deste pioneiro plan, dotado con 2,2 millóns de euros, co que o Executivo da Deputación muda a súa política de emprego, dirixíndoa á promoción económica e social para impulsar e poñer en valor o rural lucense.

O turismo consolídase en Galicia con melloras nas tarifas e na estadía media despois dun lustro de intensos crecementos

Vie, 08/24/2018 - 00:00

O turismo galego atravesa un momento de consolidación despois dun lustro de intensos crecementos. Na consecución dun modelo que afonda na calidade, o sector hoteleiro avanza en variables como o tempo medio que os viaxeiros permanecen en Galicia e as tarifas, cun crecemento do 5% e do 2,5% en xullo. Malia que a climatoloxía non foi a mellor no sétimo mes do ano, o sector soubo manterse e mesmo mellorar un punto a ocupación nas fins de semana.

A Xunta apoia adegas da Ribeira Sacra lucense con 703.240 € que permitiron investimentos de 1.900.000€

Jue, 08/23/2018 - 00:00

A Xunta de Galicia apoia as adegas da Ribeira Sacra lucense con axudas directas que superan os 703.240 € e que permitiron mobilizar investimentos por valor de 1,9 millóns de euros, dirixidos a promover melloras nas súas instalacións e impulsar a súa actividade. Benefícianse un total de 14 adegas nos concellos de Sober, Chantada, Pantón e O Saviñao.

A Xunta reclama ao Goberno acción conxuntas para defender a actividade industrial e os postos de traballo do grupo Invertaresa en Galicia

Jue, 08/23/2018 - 00:00

A Xunta reclama ao Goberno central que teña en conta a Galicia á hora de buscar solucións tras a solicitude xudicial de Invertaresa pedindo a liquidación das filiais deste grupo empresarial con 260 empregados, dos que 170 traballan na nosa Comunidade. A Consellería de Economía, Emprego e Industria remitiu a semana pasada unha carta á ministra de Industria, Reyes Maroto, na que se poñía á súa disposición para manter un encontro e buscar, a través dunha acción coordinada entre todas as administracións, que se manteñan a actividade produtiva e os postos de traballo.

Este domingo, en Guitiriz, homenaxe aos coruñeses ‘Irmáns da lexía’

Jue, 08/23/2018 - 00:00

Este domingo, van ser homenaxeados en Guitiriz os chamados “Irmáns da lexía”, catro mozos coruñeses represaliados en 1936. Dous deles, France e Bebel, foron fusilados; a Jaurés aplicáronlle a “Lei de fugas”, e Pepín salvou a vida exiliándose en Hispanoamérica. Selva, filla de Pepín, participará nos actos de homenaxe. Homenaxear aos “Irmáns da lexía” é unha teima de décadas de Alfonso Blanco Torrado, crego en Guitiriz e revitalizador da cultura da Terra Chá a través de Xermolos e a Irmandade Manuel María, sendo obra súa o anual Festival de Pardiñas.

MANUEL RODRÍGUEZ LÓPEZ, no Museo comarcal de A Fonsagrada

Mié, 08/22/2018 - 00:00

Quedou aberta no Museo comarcal de A Fonsagrada a exposición “MANUEL RODRÍGUEZ LÓPEZ, emigrante galego-poeta obreiro”, promovida por Galicia Digital, a familia do escritor e o Concello de Paradela, que permanecerá nesta localidade enclavada no Camiño Primitivo a Compostela ata mediados de outubro. Con este motivo, presentouse o libro “MANUEL RODRÍGUEZ LOPEZ, 25 ANOS DESPOIS”, que recolle medio cento de traballos literarios sobre o escritor de Paradela que foi e segue a ser ponte entre os galegos da terra e os da emigración en Catalunya.

Os bidueiros da intervención artística ‘Betula Pendula’ pasan a formar parte do Parque do Lago da Cidade da Cultura

Mié, 08/22/2018 - 00:00

O conselleiro de Cultura, Educación e Ordenación Universitaria, Román Rodríguez; e a directora de Acción Cultural da Fundación Cidade da Cultura de Galicia, María Pereira, participaron esta mañá na plantación de parte dos bidueiros exhibidos na intervención artística Betula Pendula, que se puido visitar nas Torres Hedjuk entre o 21 de marzo e o 19 de agosto.

O Camiño Portugués da Costa multiplica por cinco a súa cifra de peregrinos desde o seu recoñecemento oficial hai dous anos

Mar, 08/21/2018 - 00:00

A directora de Turismo de Galicia, Nava Castro, e o delegado territorial da Xunta en Vigo, Ignacio López-Chaves, acompañados polo alcalde de Baiona, Ángel Rodal Almuíña, realizaron esta mañá unha andaina polo Camiño Portugués da Costa promovida por este concello pontevedrés coa que conmemoraron o segundo aniversario do recoñecemento oficial desde itinerario xacobeo, que se fixo efectivo coa entrada en vigor da Lei do patrimonio cultural de Galicia en agosto do ano 2016. Desde que o Camiño Portugués da Costa acadara esta distinción, o número de peregrinos que o percorreron multiplicouse por cinco.

Máis de 12,3 millóns de euros en axudas para a mellora da eficiencia enerxética, sustentabilidade, conservación e accesibilidade das vivendas

Mar, 08/21/2018 - 00:00

A Xunta destinará máis de 12,3 millóns de euros ás axudas dos programas de fomento de mellora da eficiencia enerxética e sustentabilidade, da conservación e da accesibilidade en vivendas do Plan estatal de vivendas 2018- 2021, cuxa convocatoria publica hoxe o Diario Oficial de Galicia. Estas axudas están dirixidas aos propietarios das vivendas a rehabilitar, as comunidades e agrupacións de propietarios, cooperativas, empresas construtoras ou arrendatarias ou concesionarias de edificios de vivendas. Tamén poderán beneficiarse das subvencións os arrendatarios da vivenda que realicen a rehabilitación de acordo co propietario.

'Atardecer no Gaiás' bate o seu récord de participación con máis de 16.000 asistentes

Mar, 08/21/2018 - 00:00

Atardecer no Gaiás, o ciclo de concertos do verán ao solpor da Cidade da Cultura de Galicia, despediuse o sábado pasado, día 18, co reguetón feminista de Tremenda Jauría, tras 21 actuacións ao aire libre e de balde coas que bateu o seu récord de participación con máis de 16.000 asistentes. O cartel deste ano foi un fiel escaparate das tendencias musicais actuais. Deste xeito, deulle máis espazo ás músicas urbanas —como o trap de Rels B ou a cumbia-electrónica de La Redada— e evidenciou unha clara aposta polas voces femininas —maioría nesta edición— e nun abano amplo de rexistros desde o soul, jazz ou a bossa nova con Dom La Nena, Mordem e Nathy Peluso, entre outras.

O Bono Emprega Automoción con axudas para formación á carta pode solicitarse ata o 30 de setembro

Lun, 08/20/2018 - 00:00

O Diario Oficial de Galicia (DOG) vén de publicar as axudas do bono Emprega Automoción, un novo programa dirixido a ocupados co que a Xunta apoia a formación á carta nas empresas do sector. O Goberno galego con esta iniciativa financiará o 50% da cualificación ata 2000 euros por persoa. Do que se trata é de mellorar as capacidades dos traballadores, o que permitirá ás compañías ser máis competitivas. O investimento previsto é de 3 millóns de euros ao ano para formar a 1500 persoas cada exercicio. O prazo de solicitude, aberto desde mañá, rematará o 30 de setembro.

Un total de 1545 familias galegas aforrarán 1M€ ao ano na súa factura enerxética grazas ás axudas da Xunta para a instalación de proxectos renovables

Lun, 08/20/2018 - 00:00

Os proxectos que se van desenvolver recibirán 4,66 millóns de euros en axudas que permitirán a mobilización de 11,3 millóns no sector. A instalación destas tecnoloxías posibilitará aforros anuais de 2,45 millóns de litros de gasóleo ao ano e a redución de emisións de 7.300 toneladas de CO2, equivalente á acción de 365.000 árbores. Vanse desenvolver 951 proxectos de biomasa, 512 de aerotermia e enerxía solar e 82 de xeotermia. Estes apoios súmanse ás axudas concedidas en materia de eficiencia enerxética e renovables a empresas, entidades sen ánimo de lucro e á administración local a través das que se impulsarán 434 proxectos que permitirán un aforro na factura enerxética dos beneficiarios de 5,5 millóns de euros ao ano.

Máis do 80% das 507 zonas de baño de Galicia teñen unha clasificación sanitaria excelente

Lun, 08/20/2018 - 00:00

O censo oficial recolle este ano un total de 507 zonas de baño, tanto marítimas como continentais. Delas, un 80,8% obtivo unha clasificación sanitaria excelente segundo os datos publicados no informe técnico anual ao peche da campaña 2017 e que son os que están vixentes durante este verán. Segundo se recolle neste informe, ademais das mencionadas zonas de de baño con clasificación excelente, o 11,7 % obtiveron unha clasificación boa, o 5,1% unha clasificación suficiente e o 2,4 % unha clasificación sanitaria insuficiente.

A Fundación Vodafone e a Amtega continuarán en setembro o ciclo de actividades para iniciar aos maiores no uso dos dispositivos móbiles

Vie, 08/17/2018 - 00:00

A Fundación Vodafone e a Axencia para a Modernización Tecnolóxica de Galicia (Amtega) en colaboración coa a Rede CeMIT continúan traballando para impulsar o uso dos smartphones e as tabletas entre as persoas maiores. Os ciclos “Aprende a usar o teu smartphone” e “Aprende a usar a túa tablet”. retomaranse en setembro e prolongaranse ata novembro nas localidades de Brión, Oroso, Pontedeume, e Ribadeo. De cara a darlle continuidade a esta programación, a Fundación Vodafone renovou parte do material cedido para a realización destas actividades con 7 novas tabletas.

O Noroeste Estrella Galicia culmina a súa 32ª edición con máis de 90.000 persoas para consolidarse como un dos grandes festivais urbanos estatais

Vie, 08/17/2018 - 00:00

Na súa 32ª edición, o Festival Noroeste Estrella Galicia continuou o seu ascenso de popularidade para converterse nunha das citas estatais musicais imprescindibles do verán. Cun modelo de festival de rúa, que aposta pola cultura próxima e de calidade, sen esquecer as figuras internacionais, a cita coruñesa conquistou nesta ocasión a máis de 90.000 persoas. Coa cidade como un escenario máis, chamado a ocupar un papel protagonista, o festival converteuse nun dos eventos urbanos máis importantes da península, atraendo a atención de miles de persoas, coruñesas e visitantes en busca dunha experiencia musical e cultural completa.

A plataforma É-Saúde nominada finalista dos premios New Medical Economics como mellor proxecto en saúde dixital

Jue, 08/16/2018 - 00:00

A Plataforma É-Saúde, ferramenta dixital dirixida a pacientes e cidadáns que permite acceder a unha serie de servizos interactivos e contidos personalizados de saúde dende calquera dispositivo conectado a internet, vén de ser nominada finalista aos premios New Medical Economics 2018 na categoría de mellor proxecto en saúde dixital 2018. É-Saúde conta, actualmente, cun total de 51.000 usuarios. Cada semana realízanse 400 novas altas a este servizo, ao que cada día acceden unha media de 2.500 persoas dadas de alta.

Recollidos máis de 25.000 quilos de residuos dos fondos mariños dos peiraos da costa cantábrica

Jue, 08/16/2018 - 00:00

Portos de Galicia recolleu ao longo das últimas semanas máis de 25.000 quilos de residuos dos fondos mariños da costa Cantábrica das provincias da Coruña e Lugo. Así o recolle o informe do organismo portuario de balance das actuacións de limpeza desenvolvidas polo departamento administrativo de zona norte do ente público. Estas actuacións enmárcanse na quinta fase do plan de limpeza de dársenas que o ente público desenvolve anualmente nas tres provincias costeiras, e que este ano na costa Cantábrica tivo lugar nos portos de Morás (Xove), O Barqueiro, Cedeira, Celeiro (Viveiro) e Cariño

O programa Resolve favorecerá o financiamento de 100 pemes galegas a través da concesión de préstamos

Jue, 08/16/2018 - 00:00

A Xunta ten previsto mobilizar 15 millóns de euros en préstamos para impulsar o acceso ao circulante das pemes e os autónomos galegos a través do lanzamento dunha nova convocatoria do programa Resolve, co obxectivo de colaborar co tecido empresarial galego e contribuír ao mantemento do emprego mellorando a situación financeira de arredor de 100 pequenas e medianas empresas. Esta iniciativa favorecerá o funcionamento diario das pequenas e medianas empresas facilitando a concesión de préstamos a partir de 3000 euros.

A AMTEGA está a desenvolver o Plan de Software Libre 2018 con 110 actuacións para a empresas, a cidadanía e a administración

Mar, 08/14/2018 - 00:00

A Axencia para a Modernización Tecnolóxica de Galicia (Amtega) está a desenvolver o Plan de Acción en Software Libre 2018, que recolle un total de 110 actuacións co obxectivo de fomentar e promover o uso e reutilización de software libre na administración pública, o impulso dunha oferta de solucións libres e de calidade para as nosas empresas, e incrementar o uso e coñecemento do software libre por parte da sociedade. Como xa vén sendo habitual, unha parte moi importante destas actuacións desenvolveranse en colaboración dos principais axentes do ecosistema de software libre galego.