Skip to content

Noticias Galicia Digital

Distribuir contenido Galicia Digital: Plataforma de portales temáticos gallegos en Internet
Plataforma digital de Portales tematicos de Galicia en la Red, Artes, Cultura, Asociaciones, deporte, Instituciones, Empresas, Educacion, Turismo, Galegos, Empleo, Agenda, Idioma...
Actualizado: hace 1 hora 33 mins

A Cidade da Cultura recibe ás promesas mundiais do xadrez

Jue, 11/01/2018 - 23:00

O Campionato Mundial de Xadrez das categorías sub-8, sub-10 e sub-12, que se celebrará ata o 16 de novembro no Gaiás, transformará á Cidade da Cultura na capital mundial deste deporte e reunirá ás mellores promesas, tanto galegas como internacionais. Con case 850 xogadores inscritos procedentes de 85 países, o Mundial de Xadrez Cadete será o máis numeroso en canto á participación dos tres da categoría que se teñen celebrado ata agora. A delegación galega estará formada por 69 xogadores, 54 nenos e 15 nenas procedentes de clubs das catro provincias.

As universidades traballarán este curso na redefinición de 10 titulacións no marco do novo mapa

Mar, 10/30/2018 - 23:00

As titulacións que se abordarán ao longo deste curso divídense en dous grupos. Por unha banda, 7 titulacións que, aínda que contan con demanda, están a ofertarse en máis dunha universidade do sistema. Neste caso proporanse accións para diversificar a oferta mediante orientacións. Por outra banda, traballarase na redefinición de tres parellas de enxeñarías habilitantes que se imparten en dúas universidades diferentes e comparten unha falta xeneralizada e persistente de alumnado. Ningunha destas parellas de enxeñarías acada no presente ano académico os 50 alumnos matriculados.

A cuarta edición do Conecta Peme mobilizará máis de 47 millóns en 54 proxectos de innovación empresarial

Mar, 10/30/2018 - 23:00

A selección dos proxectos primouse o novidoso das tecnoloxías xeradas e a súa capacidade para poñer no mercado novos produtos e solucións que supoñan un avance significativo ou un alto impacto económico. Así mesmo, nesta convocatoria destinarase un 8% máis de orzamento que na anterior, chegando aos 27 millóns de euros en axudas para beneficiar a un total de 169 empresas –o 93% pemes–, e a 24 centros tecnolóxicos e organismos de investigación, co obxectivo de xerar 72 empregos cualificados.

O proxecto artístico ‘Stay here’ converterá as Torres Hejduk nunha enxeñosa e interactiva matrioska

Lun, 10/29/2018 - 23:00

O proxecto Stay here, do sevillano Alejandro Ginés, resultou gañador da VI Concurso de Intervencións Artísticas nas Torres Hejduk, convocado entre os e as participantes do Encontro de Artistas Novos (EAN) 2018. Trátase dunha peza escultórica, a modo de torre coroada por unha cadeira pregada, que converte as edificacións ideadas por John Hejduk –e construídas por Peter Eisenman no Gaiás a modo de homenaxe– nunha especie de enxeñosa matrioska, que convida á participación de quen a ve, tanto no seu posible manexo como nas súas múltiples lecturas.

Volve a Santiago 'Ciencia Singular': II Xornada de Portas Abertas na Rede de Centros Singulares da USC

Lun, 10/29/2018 - 23:00

A Rede de Centros Singulares de Investigación da Universidade de Santiago de Compostela (RCSI-USC) celebra o vindeiro sábado 10 de novembro a segunda edición da súa xornada de divulgación «Ciencia Singular», un encontro que convida á cidadanía galega a coñecer in situ a investigación de excelencia que realizan CiQUS, CiMUS e CiTIUS. Adentrarse nun centro de investigación científica de excelencia para coñecer de preto ao seu persoal e o traballo que este desempeña.

Galicia é a terceira comunidade española na que máis medraron as exportacións no que vai de 2018

Lun, 10/29/2018 - 23:00

A Estratexia de Internacionalización da Empresa Galega da Xunta de Galicia comprende, entre outras iniciativas, o programa Galicia Exporta, a iniciativa Bolseiros de Internacionalización e o Plan de Fomento das exportacións galegas (FOEXGA), para conseguir que as exportacións galegas representen o 40% do P.I.B. da nosa Comunidade. Tendo superado a barreira dos 21.000 millóns de euros en 2017, Galicia bate records cun superávit comercial de 2.695,8M€ nos primeiros oito meses de 2018.

O Plan galego de atención ao ictus posibilita que se beneficien da súa implantación máis de 5.000 pacientes

Dom, 10/28/2018 - 23:00

O Plan galego, posto en marcha hai dous anos, posibilitou que se beneficiaran da súa implantación máis de 5.000 pacientes. O número de interconsultas realizadas polos médicos responsables dos pacientes á Central de Atención ao Ictus foi de 1.426, o que supón unha media de 59 interconsultas por mes. Os hospitais que máis recorren á central son os comarcais, o que é unha mostra da eficacia desta central, xa que as persoas que máis se benefician son os pacientes que viven nás áreas máis afastadas, garantindo o acceso desta poboación ao mellor recurso asistencial posible.

O Salón Teatro ofrece a estrea galega de ‘Anarquismos’, de Pablo Fidalgo en coprodución co CDG

Dom, 10/28/2018 - 23:00

O programa de coproducións do Centro Dramático Galego (CDG) presenta a vindeira fin de semana en Santiago a estrea galega de Anarquismos (polo medio da habitación corre un río máis claro), espectáculo escrito e dirixido por Pablo Fidalgo, que se representará no Salón Teatro do 2 ao 4 de novembro, con funcións ás 20,30 h. o venres e sábado e ás 18,00 h. o domingo. Trátase da terceira coprodución da compañía pública que sube ao seu escenario neste inicio da temporada 2017-2018, que arrancou coa estrea de Arnoia, Arnoia. O circo da casa pequena, de Pistacatro, á que seguiu o regreso de Elisa e Marcela, de A Panadaría.

O Plan galego de Formación 2018-2019 permitirá a cualificación de 16.515 persoas sen emprego a través de máis de 1.100 cursos

Dom, 10/28/2018 - 23:00

Terán preferencia as mulleres, parados de longa duración, menores de 30 anos, emigrantes retornados, persoas con discapacidade ou en risco de exclusión social, alumnos con baixa cualificación ou persoas que superasen algún módulo dun certificado de profesionalidade ou que obtivesen certificados parciais. Trátase dunha acción enmarcada na Axenda 20 da Administración autonómica, para favorecer as oportunidades laborais dos galegos e galegas, e para que a formación que se imparte se adapte ás demandas reais do tecido produtivo do país.

A pedagoga Antía Cal e a escritora Mª Xosé Queizán gañan o Premio Otero Pedrayo

Mié, 10/24/2018 - 23:00

A pedagoga e ensinante Antía Cal e a escritora Mª Xosé Queizán, dúas pioneiras que abriron novos camiños, son as gañadoras do Premio Otero Pedrayo que se fallou no Pazo de Mariñán, convocado polas catro deputacións e a Xunta de Galicia e organizado nesta edición pola Deputación da Coruña. O obxectivo do premio é, ademais de perpetuar e honrar a memoria de Otero Pedrayo no campo das letras e o coñecemento, premiar un labor que constitúa unha contribución eminente á cultura galega e promocionar os valores propios de Galiza e as obras que leven ao esclarecemento e á mellora da súa cidadanía e institucións.

Galicia contará cunha Estratexia para a atención a persoas en situación de cronicidade para evitar a progresión destas enfermidades cara a estadios máis complexos

Mié, 10/24/2018 - 23:00

Será un modelo máis coordinado e innovador, que integrará todos os programas específicos que se veñen desenvolvendo nos últimos anos, e cuxa implantación será progresiva. Comezando por aquelas enfermidades máis prevalentes e polos pacientes afectados por varias condicións crónicas, concretamente os 21.000 pacientes galegos inmobilizados que están en situación de vulnerabilidade. Ademáis, elaborarase un Plan individualizado de acción Integral (PIAI) consensuado co paciente e/ou as persoas encargadas do seu coidado.

Galicia volverá reducir en 2019 o gasto en xuros da débeda, cun aforro acumulado de 576 millóns nos últimos cinco anos

Mié, 10/24/2018 - 23:00

En 2019 a Xunta de Galicia volverá reducir –un 2,5%– o gasto en xuros da débeda, o único capítulo orzamentario que baixa respecto a este ano. Con esta evolución, Galicia terá acadado o vindeiro exercicio un aforro acumulado en xuros da débeda de 576 millóns de euros nos últimos cinco anos. Galicia disporá o vindeiro ano dunha capacidade gasto de 9.850 millóns de euros, o que permitirá manter o crecemento e aumentalo en 363 millóns para reforzar o gasto social, facer máis investimentos, impulsar a creación de emprego e aprobar novas baixadas de impostos.

A Xunta solicita ao Goberno central que tome a iniciativa en Alcoa para buscar solucións a través do diálogo

Mar, 10/23/2018 - 23:00

O conselleiro de Economía, Emprego e Industria, Francisco Conde, compareceu no Parlamento de Galicia, a petición propia, para abordar o anuncio de Alcoa de pechar as plantas tanto da Coruña como de Avilés e solicitar ao Goberno central que tome a iniciativa para buscar solucións a través do diálogo. Neste sentido, asegurou que a Xunta seguirá apoiando ao Estado na defensa dos postos de traballo. Conde pediu tamén a unanimidade da Cámara para que apoie á Xunta na alianza co Goberno asturiano e cos traballadores co obxectivo de manter os empregos que están en xogo e a actividade industrial.

'Pazos e xardíns de Galicia', novo paquete turístico do prestixioso operador británico Ramblers Holidays

Mar, 10/23/2018 - 23:00

Este paquete turístico está incluído no catálogo Adagio 2019, dentro do que figuran outras coidadas ofertas para realizar viaxes en distintas partes do mundo. Pazos e xardíns de Galicia desenvólvese ao longo de oito días de estancia no territorio galego e nel inclúese o aloxamento, a manutención e os traslados e a viaxe en avión desde Londres a Galicia. Os viaxeiros que se decidan por esta viaxe organizada terán a oportunidade tamén de coñecer unha boa parte dos xardíns históricos de Galicia así como a Ruta da camelia.

O trío Sumrrá representa a música galega no Womex 2018 das Palmas de Gran Canaria

Mar, 10/23/2018 - 23:00

A edición de 2018 de Womex (World Music Expo) arranca hoxe nas Palmas de Gran Canaria, onde a música galega soará en directo da man de Sumrrá. O trío actuará o venres á noite no Auditorio Alfredo Kraus como parte do cartel da sección Atlantic Connections, dedicado á música dos territorios conectados polo Atlántico. Considerado o maior acontecemento internacional para a difusión da música tradicional e de raíz de todo o mundo, Womex regresa este ano a España despois da súa última edición de 2017 en Katowice (Polonia) e de que levara a cabo dúas entregas anteriores en Santiago de Compostela.

A primeira incubadora biotecnolóxica de Galicia contribuirá ao impulso de 40 novas bioempresas

Lun, 10/22/2018 - 23:00

A primeira incubadora galega do sector biotecnolóxico, converterase nun verdadeiro viveiro de oportunidades de investimento de alta rendibilidade permitindo a incubación de 40 novas bioempresas en Galicia. BioIncubaTech, da que xa manifestaron o seu interese en participar máis de 30 empresas tratoras como Inditex, Coren, Finsa ou Biofabri, enmárcase na Estratexia galega de impulso á biotecnoloxía 2016-2020, que ten entre os seus principais eixos de acción o de fomentar a transferencia de coñecemento ao mercado.

Galicia continúa sendo a Comunidade Autónoma que paga con maior rapidez as súas facturas

Lun, 10/22/2018 - 23:00

Galicia continúa sendo a comunidade autónoma que mellor paga aos seus provedores, ao acadar no mes de agosto un período medio de pago de 14 días, fronte aos 38 días de media autonómica, segundo os datos oficiais do mes de referencia publicados hoxe polo Ministerio de Facenda. Neste mes, o período medio de pago de Galicia situouse 16 días por debaixo do límite que establece a normativa estatal, que é de 30 días. Pola contra, a media autonómica quedou en 38 días, o que ratifica que Galicia aboa os seus pagamentos 24 días antes que o conxunto das comunidades.

Feijóo aposta por impulsar unha estratexia integrada para o Atlántico ou unha macrorrexión que permita abordar os retos que comparten as rexións costeiras do Atlántico en todos os eidos

Lun, 10/22/2018 - 23:00

O presidente do Goberno galego, Alberto Núñez Feijóo, apostou hoxe por impulsar unha estratexia integrada para o Atlántico ou por unha macrorrexión atlántica para abordar os retos específicos que comparten as rexións costeiras do Atlántico, non só pesqueiros e marítimos senón en todos os eidos, co obxectivo de compartir coñecementos e experiencias para traballar de forma coordinada e afrontar problemáticas que non entenden de fronteiras.

Realizadas 2.387.528 exploracions do Programa galego de Detección precoz de Cancro de Mama de 1992 a 2017

Jue, 10/18/2018 - 23:00

Detectáronse 8.000 tumores, dos que o 92% tiñan un estadio tumoral baixo. A mortalidade por cancro de mama en mulleres galegas que participan nos cribados descendeu en máis dun 20% respecto do previsto sen cribado

O primeiro Ecobarrio será ourensán

Mié, 10/17/2018 - 23:00

A Xunta afronta o desafío enerxético coa aprobación das Directrices enerxéticas para o trienio 2018-2020, nas que é prioridade o desenvolvemento de enerxías renovables, cun investimento de 1.300.000 € e coa instalación de 1.200MW, dos que 1.000 serán para a produción de electricidade en base ao vento, a auga e o sol, e 200 de enerxía térmica a partir de biomasa, solar térmica, xeotermia e aerotermia