Skip to content

Noticias Galicia Digital

Distribuir contenido Galicia Digital: Plataforma de portales temáticos gallegos en Internet
Plataforma digital de Portales tematicos de Galicia en la Red, Artes, Cultura, Asociaciones, deporte, Instituciones, Empresas, Educacion, Turismo, Galegos, Empleo, Agenda, Idioma...
Actualizado: hace 1 hora 28 mins

Os 'Desafíos do Mar 2030' centran o Business2Sea 2018, organizado por Cetmar e Fórum Océano

Lun, 11/12/2018 - 23:00

O Bussines2Sea reunirá en Porto desde o mércores e ata o venres a organizacións, profesionais, investigadores ou estudantes vinculados ao mundo do mar que se darán cita neste evento internacional para participar nas diferentes actividades previstas, como conferencias, talleres temáticos, reunións de proxecto, encontros de negocio e na parte expositiva. O Centro Tecnolóxico do Mar participa este ano na organización da edición 2018 no marco dun acordo de colaboración con Fórum Océano, entidade portuguesa responsable desta iniciativa.

A Comisión Organizadora do Xacobeo 2021 acorda a definición das liñas estratéxicas e os obxectivos do vindeiro Ano Santo

Lun, 11/12/2018 - 23:00

A xuntanza, que dá continuidade aos traballos iniciados no Pleno da Comisión, permitiu acordar a definición das liñas estratéxicas do vindeiro Ano Santo, paso previo á redacción do Plan Estratéxico do Xacobeo 2021. Estas liñas estratéxicas deberán perseguir o obxectivo xeral de potenciar e actualizar a marca Galicia, reforzando a proxección internacional do noso país, impulsando a renovación da oferta galega e consolidando Galicia como un destino único, referente cultural e turístico. A Comisión Executiva do Xacobeo 2021 informou das últimas decisións aprobadas a nivel nacional no Consejo Jacobeo.

Os 10 festivais de música asociados á marca FEST Galicia suman preto de 200.000 asistentes

Dom, 11/11/2018 - 23:00

PortAmérica, Resurrection Fest, Atlantic Fest, Vive Nigrán, Sinsal SON Estrella Galicia, 17º Ribeira Sacra, SonRías Baixas, Revenidas, Festival de la Luz e WOS Festival son os 10 eventos asociados a esta primeira temporada de FEST Galicia. Os 10 festivais de verán asociados este ano á marca FEST Galicia congregaron preto de 200.000 asistentes, que foron así mesmo os receptores das diferentes actividades de promoción e concienciación desenvolvidas baixo esta iniciativa.

O Centro Galego de Arte Contemporánea inaugura a mostra 'Without', de Julião Sarmento

Dom, 11/11/2018 - 23:00

O Centro Galego de Arte Contemporánea (CGAC) inaugurou Without, a nova mostra temporal dedicada neste caso a un dos artistas portugueses máis reputados na actualidade, o lisboeta Julião Sarmento. O traballo de Julião Sarmento formalízase desde o fronteirizo. Moitas das súas obras conteñen imaxes de imaxes e están relacionadas entre si, aínda que funcionen de maneira independente. Toda a obra de Julião Sarmento proxecta unha sensación cinematográfica, porque no que vemos sempre intuímos algo que se mantén ausente, fóra de escena.

Máis de dous millóns de euros para impulsar a actividade dos centros tecnolóxicos galegos

Dom, 11/11/2018 - 23:00

Destas axudas beneficiaranse os nove centros tecnolóxicos galegos e de apoio á innovación tecnolóxica que figuran no rexistro estatal: Anfaco-Cecopesca, Aimen, Instituto Tecnolóxico de Galicia (ITG), Centro Tecnolóxico de Investigación Multisectorial (Cetim), Clúster de Acuicultura de Galicia (CETGA), Centro Tecnolóxico de Automoción de Galicia (CTAG), Centro Tecnolóxico de Telecomunicacións de Galicia (Gradiant), Centro Tecnolóxico de Eficiencia e Sostibilidade Enerxética (EnergyLab) e o Centro Tecnolóxico da Auga (Cetaqua).

O xigante da distribución china Bright Food impulsa a entrada de Galicia e os seus produtos no país asiático

Jue, 11/08/2018 - 23:00

O conselleiro de Economía, Emprego e Industria, Francisco Conde, destacou hoxe que o apoio da multinacional chinesa Bright Food na I Feira de Importación de China, na que participan 14 empresas galegas do sector agroalimentario, está dando a oportunidade de consolidar a entrada de produtos galegos no país asiático. Nesta misión comercial, Conde estivo acompañado dos presidentes da Autoridade Portuaria de Vigo, Enrique López Veiga, e da Cámara de Comercio da Coruña, Antonio Couceiro.

Galicia aposta pola biotecnoloxía, que se vai converter nun dos sectores estratéxicos

Mié, 11/07/2018 - 23:00

En 2017, Galicia foi a cuarta Comunidade máis bioemprendedora de España, e a primeira en volume de financiamento das empresas biotecnolóxicas, que representan preto 9% do conxunto de España e empregan a 3.000 profesionais. 16 empresas galegas deste sector veñen de participar en Sevilla na IX edición de BioSpain, considerada a quinta feira biotecnolóxica máis relevante do mundo, e a primeira de Europa con sede fixa nun país, duplicando a cifra de empresas participantes na anterior feira de Bilbao en 2016.

O Centro Galego de Artes da Imaxe dedícalle un ciclo ao mestre do cinema xaponés Yasuzô Masumura

Mié, 11/07/2018 - 23:00

O mestre do cinema xaponés Yasuzô Masumura é obxecto desde hoxe e ata finais e mes dunha retrospectiva no Centro Galego de Artes da Imaxe (CGAI)-Filmoteca de Galicia, que lle ofrece ao público galego seis títulos claves na súa extensa filmografía. Organizado en colaboración coa Filmoteca Española e Japan Foundation, o ciclo Yazusô Masumura. Retratos ao límite busca afondar na particular ollada, en ocasións extrema e fóra do convencional, dun cineasta referente en Xapón, pero pouco coñecido en Occidente.

Activada a alerta laranxa por vento, choiva e temporal costeiro que dará comezo esta noite e afectará ás provincias de Lugo, A Coruña e Pontevedra

Mié, 11/07/2018 - 23:00

A Dirección Xeral de Emerxencias e Interior vén de activar a alerta laranxa por temporal costeiro, por vento e por choiva nas provincias de Lugo, A Coruña e Pontevedra. Segundo a Axencia Estatal de Meteoroloxía (AEMET), a partir desta noite esperase mar combinada con ondas que poderán superar os 6 metros e vento en mar de forza 7-8. Afectará ao litoral do oeste e noroeste da provincia da Coruña. A partir das 9,00 horas de mañá, actívase tamén a alerta laranxa por choiva. Estímase que poden chegar a acumularse 80mm en 12 horas.

Os 'Trens turísticos de Galicia' pechan tempada cos mellores datos de ocupación da súa historia e preto de 2.300 viaxeiros

Mar, 11/06/2018 - 23:00

Os Trens Turísticos de Galicia –a proposta turística posta en marcha pola Consellería de Cultura e Turismo, Renfe e o Inorde entre os meses de xuño e outubro– veñen de pechar a súa tempada con máis de 2.300 viaxeiros, o que supón un 7,4% máis que o ano anterior, e preto dun 93% de ocupación, alcanzando así a mellor cifra das súas seis edicións. Acadouse o cen por cen de ocupación en tres das 12 rutas programadas: a Ruta dos Faros, da Ruta da Ribeira Sacra do Sil e a Ruta dos Mosteiros, unha das novidades deste ano.

O Congreso Internacional de Arqueoloxía do Ouro pon en valor a ourivería antiga de Galicia e a súa tecnoloxía e explotación

Mar, 11/06/2018 - 23:00

O Congreso Internacional de Arqueoloxía do Ouro, un evento organizado polo Centro de Estudos de Historia da Cidade da USC en colaboración co Museo Provincial de Lugo co gallo da celebración do 70 aniversario do museo lugués, congregará do 7 ao 9 de novembro na capital amurallada a expertos internacionais en ourivería antiga. Este evento monográfico sobre arqueoloxía do ouro en Galicia, para o que xa se cubriron as 140 prazas de matrícula ofertadas, servirá para poñer en valor a importancia da ourivería tradicional galega, tesouros herdados das poboacións castrexas e romanas.

Máis do 82% dos fogares galegos ten contratado internet, preto dun 5% máis que o ano anterior

Mar, 11/06/2018 - 23:00

O 82,6% dos fogares galegos teñen contratado Internet, cun incremento do 4,8% con respecto ao ano anterior, superior ao crecemento do conxunto do Estado , sendo nos concellos de 10.000 a 20.000 habitantes onde se rexistra o crecemento máis significativo. Este aumento na contratación de Internet nos fogares galegos permitiu ascender 4 postos na comparativa autonómico en tan só un ano. Son parte dos datos publicados hoxe polo INE sobre o equipamento e uso das TIC nos fogares en 2018, que recolle tamén que o 95,3% dos nenos/as galegos de 10 a 15 anos empregan Internet, superando a media estatal e ocupando a cuarta posición no ranking por Comunidades Autónomas.

Xunta e Goberno central abordan coordinadamente a preparación do Cumio Ibérico

Lun, 11/05/2018 - 23:00

O director xeral de Relacións Exteriores e coa UE, Jesús Gamallo reuniuse hoxe en Madrid co Secretario de Estado de Política Territorial, Ignacio Sánchez Amor, a efectos de abordar as aportacións e peticións da Eurorrexión Galicia-Norte de Portugal de cara ao Cumio Hispano-Luso que terá lugar en Valladolid o vindeiro 21 de novembro. Os Cumios ibéricos (tamén chamados Cumios Hispano-Lusos ou Hispano-Portugueses) son reunións anuais bilaterais entre o Presidente do Goberno de España e o primeiro Ministro de Portugal. Adoitan asistir, ademais, os titulares dos departamentos ministeriais.

Galicia acode á feira World Travel Market de Londres, un dos escaparates turísticos máis importantes do mundo

Lun, 11/05/2018 - 23:00

Londres, a capital do Reino Unido, acolle esta semana o certame turístico World Travel Market (WTM), no que se amosa a oferta turística de Galicia. Trátase dunha feira exclusivamente profesional considerada unha das citas turísticas de maior repercusión no ámbito mundial e que este ano celebra a súa trixésimo novena edición. A Comunidade galega está presente cun módulo propio da Consellería de Cultura e Turismo, de 48 metros cadrados, dentro do recinto de España. O espazo galego dispón de catro mostradores desde os que se promoverá Galicia como destino turístico, o Camiño de Santiago e o Xacobeo 21.

O CGAI e o CGAC reúnen as videocreacións dunha trintena de artistas galegos no ciclo inaugural do programa 'Mirada país'

Lun, 11/05/2018 - 23:00

O Centro Galego de Artes da Imaxe (CGAI)-Filmoteca de Galicia e o Centro Galego de Arte Contemporánea (CGAC) comparten nesta recta final do ano un programa de proxeccións, conversas e instalacións arredor da videocreación galega, que arranca esta mesma tarde na sede coruñesa do CGAI. Este é o primeiro dos ciclos do proxecto Mirada país, a través do que a Consellería de Cultura e Turismo busca poñer en valor a potencialidade da creación audiovisual galega, fóra dos xéneros e canles de exhibición máis convencionais. Este primeiro ciclo de Mirada país articúlase arredor de catro sesións de proxeccións e debates con algúns dos videocreadores programados.

Galicia pecha outubro coa maior subida nas afiliacións desde 2007 e cunha caída do paro superior á do Estado en máis de 2,57 puntos

Dom, 11/04/2018 - 23:00

Galicia conta con 16.159 parados menos, o que supón unha baixada do 8,69% e o que sitúa á Comunidade en niveis de desemprego de hai unha década. A caída do paro supera en máis de dous puntos e medio a baixada rexistrada en España (-6,12%) e en máis de dous puntos o descenso acadado na Comunidade galega en outubro de 2017. Ademais, xa son 5 anos de baixadas consecutivas do paro na evolución anual, desde novembro de 2013. As afiliacións á Seguridade Social continúan superando a barreira do millón (1.013.198 afiliacións) por quinto mes consecutivo (desde xuño).

Arranca na Cidade da Cultura o Campionato Mundial de Xadrez Cadete con 400 partidas simultáneas

Dom, 11/04/2018 - 23:00

Un total de 69 xogadores galegos, procedentes das catro provincias galegas, participan nesta edición do Mundial, a máis numerosa das tres celebradas ata agora nas categorías sub-8, sub-10 e sub-12. Durante as 11 rondas que se disputarán ata o día 16 de novembro medirán as súas forzas con rivais de 85 países, once dos cales lograron xa, a pesar da súa curta idade, algúns dos títulos máis prestixiosos que outorga a Federación Internacional de Xadrez (FIDE), como o de Mestre Internacional ou Mestre e Mestra FIDE. Máis aló do aspecto deportivo, a celebración do Mundial de Xadrez Cadete no Gaiás supón un impulso excepcional para o sector turístico de Galicia.

Convoca entre os centros educativos un concurso de imaxes e vídeos para a campaña do 25N que conmemora o Día internacional contra a violencia de xénero

Dom, 11/04/2018 - 23:00

O concurso de imaxes gráficas e pezas audiovisuaiscon motivo da conmemoración, o próximo 25 de novembro, do “Día Internacional contra a violencia de xénero” entra na súa última semana de prazo, que rematará o próximo venres 9 de novembro. A iniciativa está dirixida a calquera centro educativo de ensino non universitario de Galiciar. O obxectivo é promover a reflexión sobre a loita contra a violencia de xénero, e sensibilizar sobre a importancia de valores como o respecto e a igualdade entre mulleres e homes.

'Sofía' e 'Martín' continúan sendo os nomes máis frecuentes das nenas e nenos que nacen en Galicia

Jue, 11/01/2018 - 23:00

O Instituto Galego de Estatística (IGE) vén de publicar a ‘Estatística de nomes dos neonatos galegos’ correspondente ao ano 2017, que reflicte que ‘Sofía’ e ‘Martín’ continúan sendo os nomes máis frecuentes das nenas e nenos nados en Galicia. Ademais, como novidade destaca que ‘Lucas’ substitúe a ‘Mateo’ como o segundo nome máis frecuente entre os nenos. Os nomes de mulleres máis frecuentes son ‘Sofía’, ‘Noa’, ‘Daniela’, ‘Martina’ e ‘Sara’. Se se compara co 2016, ‘Alba’ desaparece da lista dos cinco primeiros nomes máis empregados e é substituído por ‘Daniela’.

Máis do 97% dos fogares galegos con nenos e estudantes ten contratado internet

Jue, 11/01/2018 - 23:00

O 97,5% dos fogares galegos con nenos e nenas en idade escolar (3 a 16 anos) ten contratado banda larga, aumentando un 3,9% respecto ao ano anterior e superando en 17,6 puntos aos fogares onde non residen estudantes. A contratación deste servizo aumenta nos fogares onde residen estudantes maiores de 16 anos, acadando o 98,9% e amosando a incidencia de Internet no período escolar e universitario. Así se recolle no estudo “A Mocidade e as TIC. Edición 2018” que publica o Observatorio da Sociedade da Información e a Modernización de Galicia, adscrito á AMTEGA.