Skip to content

Noticias Galicia Digital

Distribuir contenido Galicia Digital: Plataforma de portales temáticos gallegos en Internet
Plataforma digital de Portales tematicos de Galicia en la Red, Artes, Cultura, Asociaciones, deporte, Instituciones, Empresas, Educacion, Turismo, Galegos, Empleo, Agenda, Idioma...
Actualizado: hace 6 horas 46 mins

Galicia inicia o curso con 24.081 prazas públicas para nenos de 0 a 3 anos e con 5 novas escolas infantís en Lugo, Santiago, Ourense, A Estrada e Mos

Mar, 09/18/2018 - 00:00

O presidente do Goberno galego, Alberto Núñez Feijóo, destacou que a Comunidade galega inicia o curso con 24.081 prazas públicas para nenos de 0 a 3 anos, case 500 novas prazas máis que o ano anterior, e con cinco novas escolas infantís en Lugo, Santiago, Ourense, A Estrada e Mos. Durante unha visita ás instalacións da nova escola infantil da Fundación Amancio Ortega en Lugo, Feijóo aseverou que esta cifra –a maior en número de prazas de escolas infantís da historia da comunidade- sitúa a ratio de cobertura en Galicia nun 41,6%, oito puntos por riba da ratio mínima aconsellada pola Unión Europea; unha cifra similar á provincia de Lugo que conta cunha oferta total de 2.653 prazas públicas.

A Cidade da Cultura acolleu a maior romaría de corais de Galicia con 800 voces cantando xuntas pezas clásicas e populares

Lun, 09/17/2018 - 00:00

A Cidade da Cultura acolleu a tarde de hoxe a XV Romaría Coral galega, o evento máis importante en Galicia deste xénero musical, ao reunir preto de 800 voces na Praza Central do Gaiás, procedentes de 34 agrupacións. Todas elas entoaron de maneira conxunta pezas do cancioneiro popular galego e internacional, obras de autores clásicos e, como colofón, remataron interpretando o Himno galego, acompañados pola Banda Municipal de Música de Santiago. A XV Romaría Coral Galega comezou ao mediodía de hoxe coa asistencia de todos os participantes á misa cantada na igrexa de San Francisco, en Santiago de Compostela.

Estréase a ruta dos mosteiros dos 'Trens Turísticos de Galicia' con todas as súas prazas esgotadas

Lun, 09/17/2018 - 00:00

A Ruta dos Mosteiros permite coñecer exemplos sobranceiros do patrimonio cultural de Galicia combinándoo co desfrute dos recursos termais galegos. Xunto ao Mosteiro de Carboeiro, o itinerario complétase cunha visita ao pazo de Oca, no concello da Estrada; ao mosteiro de Oseira, en San Cristovo de Cea, ou ao templo da Veracruz do Carballiño. Os viaxeiros rematan a xornada no balneario de Caldas de Partovia. A vindeira saída será o 14 de outubro, para a que tamén están xa esgotados todos os billetes. A edición deste ano continua ata outubro con melloras e novidades que amplían máis aló do verán o éxito desta experiencia que cumpre xa seis edicións.

Galicia intensifica os seus contactos co mercado chinés coa súa participación no II Foro de Turismo España-China en Shanghai

Lun, 09/17/2018 - 00:00

A Comunidade galega vén de intensificar os seus contactos co mercado chinés coa súa participación no II Foro de Turismo España-China (FOTEC), o evento de turismo máis importante entre ambos países que se celebrou esta semana en Shanghai con máis de corenta empresas e institucións españolas. A participación de Galicia neste encontro incluíu numerosas reunións bilaterais con varias das mellores empresas chinesas do sector. Os encontros permitiron incrementar a visibilidade de Galicia ante turoperadores e viaxeiros deste país.

O 27º FIOT de Carballo, exhibirá 41 espectáculos co reto de incorporar ao público ‘Millennial’

Vie, 09/14/2018 - 00:00

O Festival Internacional Outono de Teatro (FIOT) de Carballo desvelou hoxe a programación da súa vixésimo sétima edición, que do 28 de setembro ao 31 de outubro desenvolverá 41 espectáculos e diferentes accións paralelas arredor da exhibición e da formación escénica. O Pazo da Cultura, principal sede do FIOT, acolleu esta tarde a presentación da que é unha das citas máis importantes da nova temporada teatral, tanto por volume de actividade como por número de días de celebración. Entre as compañías programadas figuran moitos nomes imprescindibles da escena actual.

Preto de 147.500 estudantes de ESO, bacharelato e de ensinanzas de réxime especial comezarán o curso 2018/19 o vindeiro luns

Vie, 09/14/2018 - 00:00

Un total de 147.439 estudantes comezarán o vindeiro luns, 17 de setembro, as clases na educación secundaria obrigatoria (ESO), bacharelato, e ensinanzas de réxime especial (ensinanzas para adultos, artísticas e deportivas), segundo os datos provisionais recompilados polos servizos estatísticos da Consellería de Cultura, Educación e Ordenación Universitaria. Cómpre lembrar que as cifras de matriculación non serán definitivas ata dentro dunhas semanas, dado que aínda nos últimos días se realizaron exames de recuperación en secundaria. De feito, neste total tampouco se contempla o alumnado de FP, ensinanzas nas que aínda é posible matricularse.

Feijóo renova o compromiso cun rural con máis innovación, máis benestar e máis oportunidades e que siga apostando pola remuda xeracional

Vie, 09/14/2018 - 00:00

O presidente do Goberno galego, Alberto Núñez Feijóo, renovou o compromiso cun rural con máis innovación, máis tecnoloxía, máis cooperación, máis benestar social e con máis oportunidades; e que siga apostando pola remuda xeracional e que lle dea o protagonismo que lle corresponde á muller. Durante o acto de entrega dos premios Agader 2018, Feijóo lembrou que o rural leva modernizándose desde hai tempo grazas, en parte, a unha dobre implicación que o fixo posible: un cambio de mentalidade social e tamén un compromiso dos poderes públicos.

Galicia avanza na implantación da administración dixital e, por primeira vez, as xestións online superan ás presenciais

Jue, 09/13/2018 - 00:00

Segundo os datos do primeiro semestre, o 53% dos trámites realizáronse en liña, a través da sede electrónica ou dalgunha das oficinas virtuais, o que supón un crecemento de nove puntos con respecto ao mesmo período de 2017, onde a porcentaxe de documentos presentados a través de internet foi do 44%. Confírmase tamén un importante incremento no uso que fan os funcionarios da Plataforma de interoperabilidade Pasaxe!, que evita que aos cidadáns volver presentar documentos que xa están en poder da Administración.

MANOLO CORDIDO (EL PROGRESO)

Jue, 09/13/2018 - 00:00

Cordido era EL PROGRESO. Y EL PROGRESO era Cordido. Es un hombre comedido, y lo traigo aquí por eso.

O WOS Festival achega á Cidade da Cultura a Peter Kember, referente de culto do ‘Space-Rock’ e fundador de Spaceman3 e Spectrum

Jue, 09/13/2018 - 00:00

A Cidade da Cultura de Galicia convértese esta semana no epicentro do debate sobre as novas tendencias á hora de abordar proxectos culturais. No marco do WOS Festival, evento que celebra a cultura de vangarda desde espazos emblemáticos de Santiago de Compostela, o Gaiás acolle este mércores e xoves parte dos WOS Encontros, catro faladoiros abertos ao público entre os que destaca o encontro con Peter Kember (Sonic Boom), referente de culto da música moderna. Pioneiro e explorador constante do son, o músico británico marcou o desenvolvemento de xéneros tan diversos como o pop, o space-rock e a psicodelia ou a electrónica.

A Xunta de Galicia completará na nómina de setembro a suba salarial do 1,75% a todos os empregados públicos

Jue, 09/13/2018 - 00:00

A Xunta de Galicia aboará a partir da nómina de setembro unha suba salarial adicional do 0,25% a todos os seus empregados públicos, de xeito que a partir deste mes percibirán un 1,75% máis do salario que percibían a 31 de decembro de 2017, tal como establece a orde da Consellería de Facenda publicada hoxe no Diario Oficial de Galicia (DOG). O acordo para a mellora do emprego público asinado en marzo entre o Ministerio de Facenda e os sindicatos CCOO, UGT e CSIF estableceu unha suba salarial para o ano 2018 que é produto da suma dun 1,5% fixo e un 0,25% variable, este último con efectos de 1 de xullo.

A Festa do Albariño de Cambados, recoñecida como a décima festa de interese turístico internacional en Galicia

Mié, 09/12/2018 - 00:00

Deste xeito, únese á festividade do Apóstolo Santiago, a Romaría Vikinga de Catoira, o Festival Internacional do Mundo Celta de Ortigueira, a Rapa das Bestas de Sabucedo (A Estrada), o Corpus Christi de Ponteareas, a Semana Santa de Viveiro, a Semana Santa de Ferrol, as Fogueiras do San Xoán da Coruña e a Festa da Arribada de Baiona. A Festa do Albariño de Cambados é unha das celebracións vitivinícolas máis antigas de Galicia e a segunda de España, e conseguiu afianzarse nos últimos anos como gran expoñente do potencial enogastronómico da Comunidade.

O conselleiro de Cultura destaca o ritmo 'satisfactorio' no avance das obras da Catedral de Santiago

Mié, 09/12/2018 - 00:00

O conselleiro de Cultura, Educación e Ordenación Universitaria, Román Rodríguez, e o director da Fundación Catedral, Daniel Lorenzo, explicaron en rolda de prensa os últimos avances das intervencións realizadas na Catedral de Santiago e a necesidade de acometer un peche provisional do espazo onde se atopa o Pórtico da Gloria pola execución das obras de restauración dos paramentos interiores e das bóvedas. Ao abeiro do convenio entre o Ministerio de Hacienda, a Consellería de Cultura e Educación, o Cabido do Conxunto Catedralicio e a Fundación Catedral estase a traballar cun investimento de 17 millóns de euros para chegar ao 1 de xaneiro de 2021 nas mellores condicións para celebrar vindeiro Xacobeo.

A mostra 'Castelao Maxistral' trae por vez primeira a Galicia ‘A derradeira leición do mestre’

Mar, 09/11/2018 - 00:00

Chega por vez primeira a Galicia 'A derradeira leición do mestre' —obra icónica de Alfonso Daniel Rodríguez Castelao e considerada o ‘Guernica galego’— como eixo central da exposición Castelao maxistral, da Cidade da Cultura de Galicia. A mostra, que se exhibirá no Museo Centro Gaiás do 5 de outubro de 2018 ao 3 de marzo de 2019, prantéxase como unha homenaxe ao papel que xogaron na construción do ensino público os mestres e mestras das tres primeiras décadas do século pasado (1900-1936). Castelao maxistral conta cunha ampla sección de pezas e documentos (92), depositados nos museos e institucións galegas ou pertencentes a coleccións particulares (32 en total).

Galicia pechou o primeiro semestre sendo a Comunidade Autónoma que paga máis rápido as súas facturas

Mar, 09/11/2018 - 00:00

Galicia pechou o primeiro semestre do ano sendo a comunidade autónoma que paga máis rápido as súas facturas, ao acadar un período medio de pago de 11 días, fronte aos 33 días de media autonómica, segundo os datos oficiais referentes ao mes de xuño publicados hoxe polo Ministerio de Facenda. Ao peche do semestre, o período medio de pago de Galicia baixou ata os 10,9 días, é dicir, dous días mellor que no mes de maio e case 20 días por debaixo do límite que establece a normativa estatal. Pola contra, a media autonómica situouse en 33,4 días, o que ratifica que Galicia aboa os seus pagamentos 22 días antes que o conxunto das comunidades.

O curso 2018/19 comeza con 385 centros plurilingües, 63 máis que o ano pasado

Mar, 09/11/2018 - 00:00

Este curso 2018/19 producirase un incremento dos centros plurilingües, nos que ata un terzo do horario lectivo se imparte en lingua estranxeira. En concreto, o sistema educativo galego acada os 385 centros plurilingües, 63 máis que o ano pasado. Isto significa multiplicar por máis de 6,5 os 58 centros que había no curso 2010/11, cando se comezou con este sistema. 142 centros (7 por primeira vez no plurilingüismo) contarán con plurilingüismo en Infantil –denominado Plurinfantil–, 59 máis que o ano pasado. No caso de bacharelato, haberá 8 centros Pluribach (1 completamente novo no plurilingüismo).

Preto de 300 participantes recrean a autencididade dos entroidos galegos cun desfile polo casco vello de Santiago de Compostela

Lun, 09/10/2018 - 00:00

Preto de 300 participantes recrearon esta fin de semana os entroidos galegos cun colorido desfile polas rúas do casco vello de Santiago de Compostela no que puideron amosar a autenticidade, variedade e riqueza desta tradición. Galicia conta con nove entroidos recoñecidos como festa de interese turístico. Dous deles, Xinzo de Limia, cos pantallas, e Verín, cos cigarróns, acadaron xa a declaración como festa de Interese Turístico Nacional, mentres que outros sete son de Interese Turístico de Galicia: Viana do Bolo, cos boteiros e folións; Cobres, coas madamas e galáns; Laza, cos peliqueiros; Manzaneda, coas mázcaras; os Xenerais da Ulla; Maceda, cos felos, e Vilariño de Conso, cos boteiros.

O programa Líderes de Futuro apoia o emprendemento e as capacidades dos mozos e mozas galegos

Lun, 09/10/2018 - 00:00

O programa tivo un enfoque basicamente práctico centrado en fórmulas tradicionais de transmisión de coñecemento a través da análise de realidades concretas. Desenvolveuse en catro fins de semana entres os meses de abril e setembro, estruturándose en catro módulos: participación e empoderamento xuvenil; emprendemento e novos modelos de negocio; innovación e emprendemento social; e liderado: características e competencias. Nas catro xornadas participaron un total de cincuenta mozos e mozas con idades comprendidas entre os 18 e 30 anos.

A nova cartografía dixital da totalidade de concellos costeiros avaliará o impacto do cambio climático no litoral galego

Lun, 09/10/2018 - 00:00

Co obxectivo de avaliar o impacto do cambio climático no litoral de Galicia, a Consellería de Medio Ambiente e Ordenación do Territorio licita un contrato para a elaboración de cartografía dixital sobre a totalidade de concellos costeiros. O importe deste contrato é de case 350.000 euros, e permitirá obter información completa e actualizada a unha escala axeitada de 82 concellos galegos, que suman 2.555 quilómetros de costa. Os traballos, que se prolongarán ata maio de 2019, permitirán obter datos completos, continuados, actualizados e a unha escala axeitada para avaliar os riscos que implica o cambio climático nas zonas costeiras de Galicia.

A música galega será protagonista no programa Showcase Scotland do vindeiro festival Celtic Connections de Glasgow

Vie, 09/07/2018 - 00:00

Galicia será o territorio convidado do programa Showcase Scotland 2019, que se desenvolverá ao abeiro da 26ª edición do Celtic Connections de Glasgow (Escocia), un dos festivais musicais de inverno máis relevantes do panorama internacional e o máis destacado no ámbito dos sons celtas. A Xunta, a través da Axencia Galega das Industrias Culturais (Agadic), impulsa esta iniciativa para garantir a actuación de seis grupos ou solistas galegos como parte desta programación, que terá lugar do 30 de xaneiro ao 3 de febreiro e estará aberta tanto ao público xeral como aos delegados internacionais acreditados.