Skip to content

Noticias Galicia Digital

Distribuir contenido Galicia Digital: Plataforma de portales temáticos gallegos en Internet
Plataforma digital de Portales tematicos de Galicia en la Red, Artes, Cultura, Asociaciones, deporte, Instituciones, Empresas, Educacion, Turismo, Galegos, Empleo, Agenda, Idioma...
Actualizado: hace 1 hora 33 mins

Galicia contará cunha Axenda Dixital Post-2020 que incluirá un polo Gaiás-Dixital e un Comité de intelixencia artificial

Mié, 11/21/2018 - 23:00

Galicia empezará a traballar na Axenda Dixital Post-2020, que contará cun polo Gaiás-Dixital e cun Comité de intelixencia artificial. Esta estratexia contará con tres obxectivos: reforzar o papel de liderado do sector público para buscar respostas novas ao desafíos actuais e futuros, empregando todo o potencial da tecnoloxía; impulsar a capacitación de novos perfís especializados adaptados aos cambios no mercado laboral e atraer talento dixital; e aproveitar o potencial das novas tendencias tecnolóxicas fomentando o emprendemento e o crecemento das ideas. Nesa estratexia, o polo Gaiás-Dixital será o nodo rexional de referencia nas redes transeuropeas e permitirá abrir portas cara á compartición de infraestruturas tecnolóxicas no marco do mercado dixital único que promove a Unión Europea.

Galicia é o segundo destino da España Verde con mellores perspectivas turísticas de cara a finais de ano

Mié, 11/21/2018 - 23:00

Así o constatan os resultados da última Enquisa de Confianza Turística Empresarial publicada por Exceltur. O estudo sitúa a Galicia como o segundo destino da España Verde con mellores perspectivas turísticas por parte dos profesionais para este último trimestre do ano. De feito, o 79,1% dos empresarios galegos amosa o seu optimismo de cara a manter ou mellorar resultados, por riba do resto de destinos da España Verde, agás do País Vasco. O turismo ten cada vez máis peso na Comunidade como actividade xeradora de riqueza, que supón o 11% do PIB e o 12% do emprego.

A educación musical centra a 'XI Xornada de recursos educativos en galego'

Mié, 11/21/2018 - 23:00

A XI Xornada de recursos educativos en galego está fundamentalmente dirixida a alumnadoe persoal das tres universidades galegas, e a profesionais da docencia musical. Céntrase na educación musical e ten como obxectivos dar a coñecer os recursos educativos existentes en lingua galega para abordala, definir estratexias e criterios para buscalos e escolmalos, promover a creación de recursos educativos e de materiais didácticos propios adaptados ás necesidades contextuais e lingüísticas de Galicia e impulsar a difusión de experiencias educativas centradas na utilización e elaboración de recursos didácticos en galego.

A Deputación da Coruña aproba un orzamento de 183,6 millóns de euros co Plan Único como principal programa de investimentos

Mar, 11/20/2018 - 23:00

O pleno da Deputación da Coruña aprobou, cos votos favorables do PSdeG-PSOE, BNG, Marea Atlántica, Compostela Aberta e Alternativa dos Veciños e o voto en contra do Partido Popular, o orzamento da institución provincial para o exercicio 2019, que ascende a 183.609.300 de euros. Isto supón un incremento de 4,65 millóns de euros, un 2,60% máis que no presente exercicio. Un ano máis, todos os investimentos e plans da Deputación financiaranse con recursos propios, sen apelación ao crédito, polo que se manterá a situación de “débeda cero”.

O Sergas atende cada día un total de 7.000 urxencias, 3.000 delas nos servizos hospitalarios

Mar, 11/20/2018 - 23:00

Os dispositivos de urxencias do Servizo Galego de Saúde atenden cada día 7.000 urxencias na nosa comunidade, 3.000 delas nos servizos hospitalarios da rede sanitaria pública. Así o destacou hoxe no Parlamento de Galicia o conselleiro de Sanidade, Jesús Vázquez Almuiña, quen remarcou que os servizos de urxencias dos hospitais do Sergas son un dos servizos mellor valorados pola cidadanía galega. Neste senso, lembrou que segundo os datos do Barómetro sanitario, o 84,7% da poboación galega considera bo ou moi bo este servizo, o que supón 6,6 puntos porcentuais máis que o da media do Sistema Nacional de Saúde (78,1%).

Inaugurado o Congreso Internacional da Asociación Española de Ciencias do Deporte que se celebra na Coruña ata o día 23

Mar, 11/20/2018 - 23:00

Inaugurouse hoxe o Congreso Internacional da Asociación Española de Ciencias do Deporte, que ten lugar na Coruña ata o vindeiro venres día 23. A secretaria xeral para o Deporte, Marta Míguez incidiu na importancia da investigación científica do feito deportivo e salientou a labor dos poñentes e conferenciantes do Congreso polo seu traballo “tentando dar respostas nos distintos ámbitos, desde o terreo científico ata as solucións técnicas e tecnolóxicas”. A titular do Deporte galego enfatizou que “o deporte é un feito básico e piar fundamental para a transformación e desenvolvemento da sociedade e ocupa un espazo fundamental na acción do goberno da Xunta de Galicia”.

Once bandas musicais galega estarán na Monkey Week de Sevilla

Lun, 11/19/2018 - 23:00

As bandas galegas terán unha importante presenza na décima edición da Monkey Week Son Estrella Galicia, que por terceiro ano consecutivo se celebra en Sevilla. Once delas desprázanse ata a capital sevillana co apoio da Consellería de Cultura e Turismo, a través do acordo acadado pola Axencia Galega das Industrias Culturais (Agadic) e a organización deste encontro internacional para dar conta –baixo a marca GalicianTunes– da puxanza da nosa escena musical independente a nivel estatal. Novedades Carminha é, por exemplo, un dos cabezas de cartel da que é a edición máis grande, profesional e internacional da Monkey Week, que se desenvolve durante toda a semana en numerosos escenarios de Sevilla.

Galicia Skills 2018 xuntará máis de 130 alumnos de 52 centros de FP para medir as súas destrezas

Lun, 11/19/2018 - 23:00

Galicia Skills 2018 xuntará máis de 130 alumnos de 52 centros públicos de Formación Profesional para medir as súas destrezas en 26 modalidades formativas. A competición, organizada pola Consellería de Educación, Universidade e Formación Profesional desenvolverase do 28 ao 30 de novembro no recinto Feira Internacional de Galicia Abanca, en Silleda. O obxectivo é poñer en valor o labor dos centros, do profesorado e do alumnado da FP galega. Os gañadores das diferentes destrezas representarán a Galicia no torneo nacional que terá lugar en Madrid o vindeiro ano.

Galicia porá en marcha un paquete de 14 medidas en materia de violencia de xénero para desenvolver o Pacto de Estado

Lun, 11/19/2018 - 23:00

Estas medidas se estruturan en torno a tres eixes: No primeiro eixe, no que se refire á atención ás vítimas, ampliarase a Rede Galega de acollemento. No segundo eixe enfocado á prevención e sensibilización, no que se refire ao eido educativo o Goberno galego impulsará na totalidade de centros educativos programas de igualdade e prevención e loita contra a violencia de xénero. No terceiro eixe, a Xunta elaborará unha nova a macroenquisa sobre a percepción da violencia de xénero en Galicia a que permitirá extraer conclusións para a orientación das políticas publicas neste ámbito, e co gallo de afondar de xeito específico nesta cuestión, promoveremos un estudo da incidencia da violencia de xénero no ámbito rural e as súas particularidades.

Dous talleres sobre cor e dirección de fotografía centran o arranque este mes da Master Class do Audiovisual Galego AuGAL

Dom, 11/18/2018 - 23:00

A oitava edición de AuGAL, a Master Class do Audiovisual Galego, arrancará este mes de novembro con cadanseu obradoiro sobre cor e dirección de fotografía, que se desenvolverán na Facultade de Ciencias Sociais e da Comunicación de Pontevedra os vindeiros días 26 e 27, respectivamente.Estas serán as primeiras das oito sesións programadas ata mediados de abril no marco desta iniciativa formativa que promoven a Agadic e a Universidade de Vigo.

O Colexio de Psicoloxía promove un servizo pioneiro de quenda de garda psicolóxica para vítimas de violencia de xénero

Dom, 11/18/2018 - 23:00

Trátase dun servizo de atención psicolóxica especializada que terá carácter inmediato e que se prestará a requirimento das forzas e corpos de seguridade en todos os partidos xudiciais galegos nos momentos posteriores a unha agresión ou situación violenta. Activarase a través dunha chamada ao Teléfono de Información ás Mulleres que contactará co psicólogo ou psicóloga correspondente para que acuda ao lugar demandado, o que facilitará prestar atención psicolóxica nun dos momentos máis determinantes para as vítimas de violencia de xénero.

Galicia é a primeira comunidade que tramita os orzamentos para 2019

Dom, 11/18/2018 - 23:00

Os orzamentos para 2019 establecen un gasto de 9.850 millóns de euros, cun incremento de gasto de 363 millóns respecto a este ano. Estas contas permitirán reforzar o gasto social, aumentar os investimentos, impulsar a creación de emprego e aprobar novas baixadas de impostos. A previsión de evolución do PIB galego para 2019 é do 2,5%, de xeito que Galicia seguirá medrando máis que a economía española. En termos de emprego, a previsión é seguir rebaixando a taxa de paro, ata situala o vindeiro ano no 12,7%.

Finaliza o Mundial de Xadrez Cadete celebrado en Galicia

Jue, 11/15/2018 - 23:00

O Campionato Mundial de Xadrez Cadete está organizado polas federacións galega, española e internacional de xadrez, co apoio da Xunta de Galicia, o Concello de Santiago de Compostela, a Deputación da Coruña e o Consejo Superior de Deportes. Ademais, colaboran neste evento a asociación de empresarios Compostela Monumental, GADIS, AENA, Área Central, LaLiga4Sports e Chess24. A cerimonia de clausura contou coa presenza do presidente da Federación Internacional de Xadrez (FIDE), Arkady Dvorkovich, e os seus homólogos na federación española e galega, Francisco Javier Ochoa de Echagüen e Gaspar Pérez Carnero.

Inaugurada en Bos Aires unha segunda edición ampliada dos Obradoiros de Sabores ante a elevada demanda rexistrada

Jue, 11/15/2018 - 23:00

Os Obradoiros de Sabores son un espazo especialmente deseñado para dar a coñecer os produtos da pesca, o marisqueo e a acuicultura, así como da industria agroalimentaria galega, aos representantes máis relevantes dos sectores da comercialización por xunto, importadores e cos restauradores do país. Nel a prensa especializada tamén ten un lugar relevante, transformando esta iniciativa deste xeito nun escaparate dos produtos galegos comercializados nese país.

Achádego Teatro finaliza novembro con tres xornadas de 'experiencias teatrais'

Mié, 11/14/2018 - 23:00

O Actor Tamár Novas, o Director Jorge Coira ou o dramaturgo Sergi Belbel, entre outros, falarán de creación, actuación e creación de ficción en Galicia. Forma parte do amplio programa organizado para conmemorar o 30 aniversario de Achádego Teatro. Todas as conferencias terán lugar no Auditorio do Vello Cárcere de Lugo ás 20:00 e ás 18:00. Achádego Teatro quere celebrar esta especial festa do teatro invitando a reflexión sobre a situación actual da actuación, producción, e escritura en ficción. Para iso organiza estas 'Xornadas teatrais' nas que participan un total de 10 ponentes relacionados co mundo da actuación.

Máis de 60 centros educativos introducen o xadrez nas aulas

Mié, 11/14/2018 - 23:00

Un total de 1868 alumnas e alumnos de 61 centros educativos galegos – case o 90% deles públicos– cursan este ano académico a materia de xadrez. Esta disciplina contribúe ao desenvolvemento de técnicas de traballo en equipo e facilita a socialización entre o alumnado, favorecendo as relacións de cooperación e a adquisición de hábitos de convivencia democrática, entre outras vantaxes. Tanto a UNESCO, como o Parlamento Europeo, o Congreso dos Deputados, o Senado e o Parlamento de Galicia teñen recomendado a introdución do xadrez na escola.

Galicia acada as 39 unidades mixtas de investigación para impulsar a I+D+i en sectores estratéxicos

Mié, 11/14/2018 - 23:00

Nos vindeiros meses vanse mobilizar máis de 20 millóns de euros para apoiar nove unidades mixtas nas cales centros de coñecemento e empresas colaboran para impulsar a I+D+i en sectores estratéxicos. Así Galicia acada as 39 unidades mixtas -31 de nova creación e 8 de consolidación-; a mobilización de 114 millóns de euros grazas a axudas da Axencia Galega de Innovación por máis de 34 millóns; e a creación ou consolidación de 580 empregos cualificados. As unidades mixtas de nova creación concentran a súa investigación nos sectores aeronáutico, naval, forestal, automoción e de materiais.

AveLina Pérez e Paula Carballeira gañan os premios Álvaro Cunqueiro e Manuel María

Mar, 11/13/2018 - 23:00

Ás oito da tarde, cando morren as nais, de AveLina Pérez, é a obra gañadora do XXIV Premio Álvaro para textos teatrais, o máis lonxevo do seu ámbito en Galicia e un dos referentes da escrita dramática en galego. Así o decidiu o xurado dos galardóns literarios que convoca a Consellería de Cultura e Turismo, a través da Axencia Galega das Industrias Culturais (Agadic), e que tamén recoñeceu Somos os monstros, de Paula Carballeira, co X Manuel María de literatura dramática infantil.

Galicia expón no salón SIMO a súa iniciativa para consolidar unha educación integramente dixital

Mar, 11/13/2018 - 23:00

Galicia iniciou en 2010 unha aposta pola dixitalización da educación coa posta en marcha do Proxecto Abalar, una iniciativa que implicaba a toda a comunidade educativa: pais, nais, titores legais, docentes, e alumnado. Oito anos despois, 6.000 aulas de 5º e 6º de educación primaria, Educación Secundaria e Bacharelato son dixitais e 18.000 alumnos desenvolven a súa actividade educativa a través dunha plataforma de contidos.

Entregadas as Distincións ao Mérito Deportivo en Galicia 2018

Mar, 11/13/2018 - 23:00

O presidente do Goberno galego, Alberto Núñez Feijóo, defendeu hoxe o apoio aos deportistas galegos durante toda a súa traxectoria e destacou o incremento en máis dun 10% dos orzamentos para o deporte. Durante o acto de entrega das Distincións ao Mérito Deportivo de Galicia 2018, Feijóo destacou o compromiso da Xunta por que o éxito das categorías inferiores non se esvaeza polo camiño, senón que se traslade ás categorías absolutas. E enxalzou e agradeceu o traballo de todas as persoas e entidades galardoadas e que contribuíron e, en moitos casos, seguen contribuíndo ao crecemento, promoción e excelencia do noso deporte.