Skip to content

Noticias Galicia Digital

Distribuir contenido Galicia Digital: Plataforma de portales temáticos gallegos en Internet
Plataforma digital de Portales tematicos de Galicia en la Red, Artes, Cultura, Asociaciones, deporte, Instituciones, Empresas, Educacion, Turismo, Galegos, Empleo, Agenda, Idioma...
Actualizado: hace 1 hora 27 mins

O vinícola é o sector agroindustrial máis exportador de Galicia e vende no exterior arredor do 20% da súa produción total

Dom, 12/02/2018 - 23:00

O vitivinícola é o sector agroindustrial máis exportador de Galicia, acadándose un nivel de vendas no exterior de arredor do 20% da produción total. A última vendima medrou por riba do 4% en relación coa campaña de 2017 ata situarse, con 64 millóns de quilos, como a segunda máis abondosa da historia, tras a do ano 2011. En toda Galicia, no marco das súas cinco denominacións vinícolas, traballan uns 15.000 viticultores e funcionan case 450 adegas, xerando un valor económico estimado anual que supera os 210 millóns de euros.

O programa Galicia Emprende apoia 33 iniciativas empresariais que mobilizan 4 millóns de euros

Dom, 12/02/2018 - 23:00

As iniciativas apoiadas abranguen actividades do sector industrial como a impresión de artes gráficas; do agroalimentario, como a fabricación de pan e pizzas e unha adega; e dos servizos, como un centro de día, unha axencia de seguros e unha escola hípica. Esta liña de axudas está deseñada para impulsar a posta en marcha de proxectos de nova creación e para a consolidación, durante os seus primeiros 42 meses de funcionamento, de iniciativas empresariais de emprendedores ou autónomos. Poden solicitar o apoio do Galicia Emprende iniciativas con investimentos comprendidos entre os 25.000 e os 500.000 euros.

Os máis pequenos protagonizan a programación de inverno da Cidade da Cultura

Dom, 12/02/2018 - 23:00

A Fundación Cidade da Cultura presentou un avance da súa programación de inverno, na que os nenos e nenas terán un papel destacado, especialmente nos meses do Nadal. Obradoiros creativos, cinema e unha grande árbore de Nadal para decorar en común sobresaen entre as actividades se poderán gozar no Gaiás. O Museo Centro Gaiás transformarase nunha auténtica Cidade do Nadal que abrirá as súas portas na tarde do 14 de decembro co acendido das luces que este ano iluminarán tanto o interior do museo como o exterior do Gaiás.

O Sergas convoca 512 prazas de médicos na súa oferta pública de emprego para 2018 e reforza a aposta pola atención primaria

Jue, 11/29/2018 - 23:00

O Servizo Galego de Saúde convocará un total de 1.400 prazas na súa oferta pública de emprego de persoal estatutario deste ano. Nesta convocatoria de oferta pública de emprego esgótase a taxa de reposición do 100%. Destas prazas, 512 corresponden a licenciados sanitarios e delas 116 destínanse a atención primaria, nas categorías de médicos de familia, pediatría e odontoloxía. Tamén se convocan prazas de especialistas para enfermería, cun total de 86 postos para enfermería familiar e comunitaria, enfermería pediátrica, enfermería de saúde mental e enfermería obstétrico-xinecolóxica.

As Universidades de Santiago e Vigo participarán nos consorcios europeos de investigación para impulsar proxectos de bioloxía mariña e descubrimento de fármacos

Jue, 11/29/2018 - 23:00

A Universidade de Vigo participará no consorcio europeo Embrc centrado na bioloxía e economía mariña co proxecto da Estación de Ciencias Mariñas de Toralla, única a nivel mundial para investigar en acuicultura sobre os efectos do cambio climático, e a Universidade de Santiago participará no consorcio Openscreen a través da plataforma Innopharma para o descubrimento temperá de fármacos. Estes consorcios teñen un triplo obxectivo: axudar aos grupos de investigación europeos a incrementar a captación de recursos mediante a prestación conxunta de servizos, aumentar a captación de fondos europeos e favorecer o acceso a novos mercados.

120 nenos e nenas da Rede de Voluntarios Enerxéticos presentan estudos para o uso racional e sustentable da enerxía no marco do programa 'Geoatlantic'

Mié, 11/28/2018 - 23:00

O proxecto Geoatlantic continua coas súas accións de divulgación da importancia do uso das enerxías renovables e do consumo responsable na cidade de Ourense. Nesta ocasión, a Concellería de Promoción económica presentou os traballos de tres centros educativos de Ourense (CEIP Seixalbo, CEIP A Ponche, e Concepción Arenal) no desenvolvemento de guías para ensinar e sensibilizar sobre o consumo enerxético e a necesidade de apostar pola enerxía renovable, en especial pola enerxía xeotérmica.

Galicia acadou no 3º trimestre un crecemento anual do 2,6%, máis que a media española, e creou 16.000 empregos a tempo completo

Mié, 11/28/2018 - 23:00

A economía galega acadou no terceiro trimestre do ano un crecemento anual do 2,6%, por riba do acadado pola media española, e creou máis de 16.000 postos de traballo equivalentes a tempo completo en comparación co mesmo período de 2017, segundo as contas económicas trimestrais do Instituto Galego de Estatística (IGE). Os datos do IGE publicados hoxe constatan que a economía galega mantén un ritmo de crecemento por riba do establecido no Plan Estratéxico de Galicia 2015-2020, que prevé un incremento medio do 2,5%.

A UNESCO incorpora a pedra seca galega á lista do patrimonio inmaterial da humanidade

Mié, 11/28/2018 - 23:00

A pedra seca galega vén de ser incluída na lista representativa do patrimonio inmaterial da UNESCO como parte dunha candidatura conxunta de oito países europeos liderada por Grecia e Chipre e na que participa, entre outros, o Estado español. Así o decidiron hoxe os representantes deste organismo no marco da décimo terceira reunión anual do Comité intergobernamental de salvagarda do patrimonio cultural inmaterial celebrada en Port-Louis (República de Mauricio), na que por parte da Xunta de Galicia participou a directora xeral do Patrimonio Cultural, Mª Carmen Martínez Ínsua. A participación galega na candidatura internacional da pedra seca (ou pedra en seco) é compartida con outras sete comunidades autónomas.

Lugo celebra o aniversario da declaración da Muralla como Patrimonio da Humanidade cunha mesa redonda e unha exposición

Mar, 11/27/2018 - 23:00

A Xunta de Galicia celebrará o décimo oitavo aniversario da declaración por parte da Unesco da Muralla Romana de Lugo como Patrimonio da Humanidade cunha mesa redonda no salón de actos da Delegación Territorial e unha exposición con paneis que describen de maneira gráfica as actuacións realizadas nos últimos anos e as propostas que se van desenvolver nos próximos meses. Coincide esta celebración coa do Ano Europeo do Patrimonio Cultural.

R e a Amtega poñen en marcha unha aceleradora de contidos dixitais para impulsar iniciativas innovadoras comercializables no medio prazo

Mar, 11/27/2018 - 23:00

O programa comezará co lanzamento de 5 retos tecnolóxicos, un deles en colaboración coa Televisión de Galicia. Un comité de avaliación seleccionará, nunha primeira fase, 20 candidatos do total de participantes que se presenten, e nunha segunda fase elixiranse os 5 proxectos definitivos. Os retos formularanse en torno a temáticas como o gaming, publicidade e marketing, novos contidos e experiencias, formación innovadora, realidade virtual e aumentada, modelos de negocio, Internet das Cousas (IoT) e Intelixencia Artificial (IA), contidos sociais, apps Android, seguridade e propiedade ou contidos enriquecidos.

Galicia é a comunidade máis solidaria de España, con máis de 7.700 voluntarios activos

Mar, 11/27/2018 - 23:00

Galicia é a comunidade máis solidaria de España, con máis de 7.700 voluntarios activos, un 35% máis que en 2016; dos cales seis de cada dez son mulleres e máis das tres cuartas partes son menores de 20 anos. Galicia é, ademais, a única comunidade autónoma e a única rexión europea que certifica a acción voluntaria. O voluntariado galego está a responder ás necesidades específicas da Comunidade a través, por exemplo, do programa de acompañamento a persoas maiores de 65 anos que viven soas; e do desenvolvemento dun programa de voluntariado para a prevención e a concienciación nas zonas máis afectadas pola lacra dos incendios forestais.

Centros penitenciarios e entidades sociais participan en actividades para a reutilización de aparellos electrónicos

Lun, 11/26/2018 - 23:00

En Galicia xéranse un total de 54.000 toneladas ao ano deste tipo de residuos, o que supón unha media de 20 quilos de residuos por persoa. Gran parte dos mesmos, poderían regresar ao ciclo produtivo aplicando un programa de preparación para a reutilización que contemple a súa comprobación, limpeza e reparación, de xeito que se permita a reutilización destes elementos sen ningunha outra transformación previa. Na actualidade, o sector de xestión de residuos representa un 27% do total catalogado coma Emprego Verde. Estímase que unhas 1.000 toneladas de RAEE xeren uns 200 postos de traballo na procura da súa preparación para a reutilización.

As vendas ao exterior na automoción, maquinaria e forestal permiten que as exportacións medren en Galicia máis do dobre que o conxunto de España

Lun, 11/26/2018 - 23:00

As vendas ao exterior nos nove primeiros meses do ano medraron un 7,65% con respecto ao mesmo período do ano anterior, e superaron os 17.100 millóns de euros. Neste sentido destaca o incremento no volume de vendas ao exterior en sectores como a automoción, a maquinaria, o forestal, o agroalimentario ou o téxtil. Ademais, o crecemento é máis do dobre do incremento que rexistra o conxunto de España, que é do 3,2%. Esta tendencia positiva das exportacións permite a Galicia ter un importante peso no conxunto do Estado, xa que as vendas ao exterior galegas suman un 8,1% do total das vendas ao exterior nacionais.

O IV Encontro de Coprodución Audiovisual Portugal-Galicia reúne no Porto 37 empresas na procura de acordos bilaterais

Lun, 11/26/2018 - 23:00

Na cidade do Douro, darase cita medio centenar de representantes das 37 empresas audiovisuais acreditadas este ano, cifra que dá conta do progresivo incremento do nivel de participación neste foro bilateral, orientado a impulsar e normalizar a colaboración entre os sectores audiovisuais galego e luso. Pola banda galega, desprazaranse 14 empresas: Agallas Films, Congo Producciones, Control Z, Ficción Producciones, Filmax, Filmika Galaica, Mondotropo, OlloVivo, Portocabo, Sete Media, Somadrome, Sun Lúa, Voz Audiovisual e Zenit TV. En canto á delegación portuguesa, asistirán 23 produtoras.

O programa de talento musical 'Sonidos Mans' pecha a segunda edición durante a que apoiou cinco bandas emerxentes

Dom, 11/25/2018 - 23:00

Sonidos Mans, o programa de apoio ao talento musical organizado pola Fundación Paideia Galiza acaba de pechar a súa segunda edición, durante a que cinco bandas emerxentes tiveron a oportunidade de tocar en diferentes festivais galegos de verán, así como de gravar un tema e un vídeo. Os grupos pontevedreses Innertes e La Cloaka Sound & J.C.A. foron elixidos xunto a The Niftys (Albacete), The Dawlins (Madrid) e Doña (Navarra) para participar nesta iniciativa. O Son do Camiño, PortAmérica, Vive Nigrán, Atlantic Fest, SinSal Son Estrella Galicia, Revenidas, O Marisquiño e Festival de la Luz foron os oito eventos colaboradores desta segunda edición e os encargados de seleccionar que bandas.

A Cidade da Cultura afondou en 'Contornos e contornas' na mellora do benestar e aprendizaxe nas escolas a través da arquitectura

Dom, 11/25/2018 - 23:00

A Cidade da Cultura de Galicia celebrou hoxe a primeira edición de Contornos e contornas. Unha visión transdisciplinar sobre a arquitectura, na que profesionais da arquitectura, psicoloxía e pedagoxía procuraron crear un clima de reflexión e de propostas en común sobre accións e medidas a executar nos recintos educativos para mellorar a habitabilidade, benestar e o clima de aprendizaxe, tirando proveito dos respectivos coñecementos destas disciplinas. Nesta primeira edición, o obxecto de análise son os recintos educativos, coa intención de acadar un clima de reflexión conxunta entre profesionais da arquitectura e as ciencias sociais.

O polo aeroespacial de Galicia avanza con proxectos nos que traballan 50 axentes e que xa están a mobilizar máis de 50M€

Dom, 11/25/2018 - 23:00

Este programa está no ecuador da súa execución coa participación de máis de 50 axentes entre administracións, socios tecnolóxicos e pemes que se foron incorporando neste tempo. Xunto co Instituto Nacional de Técnica Aeroespacial (INTA), os socios tecnolóxicos -Indra e Babcock-, e as pemes e centros tecnolóxicos, o proxecto vén de sumar a participación de Boeing. O polo aeroespacial xa leva mobilizado máis de 50M€ e superará os 400 postos de traballo, e o obxectivo é seguir traballando para pasar dos proxectos de innovación ao desenvolvemento industrial deste sector.

Presentouse en Pontevedra a undécima edición da Feira das Industrias Culturais, que se celebrará do 30 de novembro ao 2 de decembro baixo o lema 'Ti marcas o compás'

Jue, 11/22/2018 - 23:00

A feira das industrias culturais Culturgal anunciou hoxe a programación completa que desenvolverá do 30 de novembro ao 2 de decembro no Pazo da Cultura de Pontevedra baixo o lema Ti marcas o compás. Será a undécima edición deste evento. Un ano máis, a Asociación Culturgal, da que forman parte cinco asociacións profesionais que representan máis de 150 empresas do sector, encárgase da organización deste multitudinario evento, que o ano congrega arredor de 15.000 visitantes.

O artista Rosendo Cid, gañador do I Premio CGAC de Investigación e Ensaio sobre arte contemporánea

Jue, 11/22/2018 - 23:00

O artista José Rosendo Cid Menor (Ourense, 1974) foi o gañador do I Premio CGAC de Investigación e Ensaio polo texto A arte está feita dunha materia incerta e fragmentaria. O galardón, dotado con 3.000 euros, implica tamén a súa publicación, co que inaugurará unha nova colección titulada CGAC_Ensaio. Coa posta en marcha deste premio, o CGAC avanza no seu obxectivo de promover o coñecemento e o acceso do público á arte contemporánea nas súas diversas manifestacións e de favorecer a comunicación social das artes plásticas. Con este fin, o centro vén desenvolvendo un importante traballo editorial no eido da arte contemporánea.

Galicia repite un mes máis como a comunidade autónoma que paga con máis axilidade as súas facturas

Jue, 11/22/2018 - 23:00

Galicia repite un mes máis como a comunidade autónoma que mellor paga aos seus provedores, ao acadar no mes de setembro un período medio de pago de 14 días, fronte aos 39 días de media autonómica, segundo os datos oficiais do mes de referencia publicados hoxe polo Ministerio de Facenda. Ao peche do terceiro trimestre, o período medio de pago de Galicia situouse 16 días por debaixo do límite que establece a normativa estatal, que é de 30 días.