Skip to content

Noticias Galicia Digital

Distribuir contenido Galicia Digital: Plataforma de portales tematicos gallegos en Internet
Plataforma digital de Portales tematicos de Galicia en la Red, Artes, Cultura, Asociaciones, deporte, Instituciones, Empresas, Educacion, Turismo, Galegos, Empleo, Agenda, Idioma...
Actualizado: hace 4 horas 29 mins

A mostra ‘Percorrer o tempo’ transforma contedores de barco en salas de proxección para amosar a mirada de destacados artistas visuais sobre o Camiño

Vie, 09/17/2021 - 00:00

Percorrer o tempo. Visións contemporáneas do Camiño inclúe unha escolma de fotografía e vídeo e sitúase na zona portuaria, onde permanecerá ata o mes de novembro. Na iniciativa participan artistas de Galicia, como Carla Andrade, Luis Díaz Díaz, Iván Nespereira, Bandia Ribeira e Lúa Ribeira, xunto a profesionais de fóra que representan os diferentes Camiños e enlaces con outras rutas históricas. Así, figuran tamén a inglesa Olivia Arthur, presidenta da Axencia Magnum; o portugués André Cepeda, o francés Michel Le Belhomme, a alacantina Cristina de Middel, que foi Premio Nacional de Fotografía, e o xienense Miguel Ángel Tornero. O docente e artista visual Nicolás Combarro é o comisario da mostra.

A 17ª edición do Festival Maré converte Compostela en crisol de xéneros musicais e culturas

Vie, 09/17/2021 - 00:00

Este festival será lugar de encontro de artistas, músicos, poetas e escritores de ambas as dúas beiras do Atlántico que conflúen en Santiago para celebrar a súa diversidade e creatividade cultural. Máis de 30 propostas musicais e artísticas, oito delas aínda inéditas aquí e dúas que serán unha estrea mundial, procedentes dunha decena de países e comunidades autónomas que comparten vínculos con Galicia. Así, ademais dunha ampla representación galega, o cartel inclúe artistas de Catalunya, Portugal, Colombia, Brasil, Mozambique, Cabo Verde, Güiana, Arxentina, Malí, Inglaterra, Sáhara Occidental ou Paraguai que farán que Compostela fale catalán, inglés, mambara, guaraní ou chopi timbilia, entre outros.

Núñez Feijóo e a vicepresidenta Calviño reúnense na procura de solucións á crise industrial e proxectos que modernicen a economía e consoliden o emprego

Vie, 09/17/2021 - 00:00

O presidente do Goberno galego, Alberto Núñez Feijóo, trasladou á vicepresidenta primeira e ministra de Asuntos Económicos e Transformación Dixital, Nadia Calviño, de aportar solucións á crise industrial e apostar por proxectos que modernicen a economía e consoliden o emprego. Durante a xuntanza, Feijóo referiuse deste xeito a distintos asuntos clave para a Comunidade, como a distribución dos fondos Next Generation, a dixitalización, a inclusión financeira ou a prolongación das deducións fiscais do Xacobeo ata 2023.

Amigos da Ópera de Vigo presenta unha nova edición do Festival Outono Lírico

Jue, 09/16/2021 - 00:00

A nova edición do Festival Outono Lírico está composta por concertos, conferencias e actividades paralelas. Arrancará o venres co tenor Ismael Jordi e a soprano Sabina Puértolas, que, xunto ao músico Rubén Fernández, actuarán no concerto inaugural no Teatro A Fundación. O 16 de outubro ás 20,00 horas será a quenda do tenor Ramón Vargas, que estará acompañado por Mzia Bakthouridze ao piano; o día 31 de outubro actuará a mezzosorpano Nancy Fabiola Herrera e o tenor Alejandro Roy con Javier Carmena. Os concertos rematarán o 6 de novembro con 'A emigración galega, cancións de ida e volta' a cargo de Borja Quiza e Fernando Briones ao piano.

Galicia baixa dos 3.000 casos activos por coronavirus por primeira vez desde o 7 de xullo

Jue, 09/16/2021 - 00:00

A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 2.764 deles 760 son da área da Coruña, 525 da de Lugo, 299 da de Ourense, 187 da de Pontevedra, 434 da área de Vigo, 456 da de Santiago e 103 da de Ferrol. Do total de pacientes positivos, 31 están en UCI, 88 en unidades de hospitalización e 2.645 no domicilio. Polo de agora, en Galicia hai un total de 176.101 persoas curadas, rexistrándose 2.612 falecementos. O número de PCR realizadas é de 2.800.822. O número de doses de vacina contra a covid-19 administradas é de 4.281.955.

Comeza esta fin de semana o XX Festival de Teatro Afeccionado Agustín Magán

Jue, 09/16/2021 - 00:00

A comunidade teatral afeccionada galega é unha das maiores do territorio español e a Federación Galega de Teatro Afeccionado, formada hoxe en día por 50 grupos das catro provincias, constituídos por máis de 600 persoas, conforma na actualidade a entidade máis representativa do teatro amador galego, afianzándose ano a ano como axente cultural imprescindible para a creación de novos públicos e a promoción da cultura e a lingua galega. FEGATEA organiza os días 17, 18, 19, 24 e 25 de setembro e os días 1, 2 e 3 de outubro o XX Festival de Teatro Afeccionado Agustín Magán.

A Unesco declara a Ribeira Sacra e Serras do Oribio e Courel a sétima reserva da biosfera de Galicia

Mié, 09/15/2021 - 00:00

A Ribeira Sacra e Serras do Oribio e Courel xa é a sétima reserva da biosfera de Galicia. Así o proclamou o Consello Internacional de Coordinación do Programa Man and the Biosphere (MaB) da Unesco, reunido na cidade nixeriana de Abuja desde o pasado luns, e que anunciou publicamente os novos territorios recoñecidos baixo esta figura internacional. Durante a súa intervención por videoconferencia para defender a candidatura ante o órgano reitor do MaB, a conselleira de Medio Ambiente, Territorio e Vivenda, Ángeles Vázquez, subliñou a importancia desta decisión tanto para os 23 municipios incluídos na mesma (18 da provincia de Lugo e 5 de Ourense cunha poboación de máis de 75.000 habitantes) como para o conxunto de Galicia.

O Festival Fisterra Blues Experience organiza unha fin de semana de música e mar

Mié, 09/15/2021 - 00:00

O festival Fisterra Blues Experience chega esta fin de semana á súa quinta edición. A organización presentou hoxe o cartel que desenvolverá o sábado 18 e o domingo 19 e a través da que busca ofrecer unha experiencia cultural e de ocio coa música e o Atlántico como protagonistas. O director da Axencia Galega das Industrias Culturais (Agadic), Jacobo Sutil, e a directora de Turismo de Galicia, Nava Castro, interviñeron hoxe na presentación do festival no Semáforo de Fisterra, xunto aos representantes municipais e a Vítor Velho, de Nordesía Producións, promotora do evento.

O Museo das Peregrinacións conmemora o seu 70 aniversario cunha programación que reforzará a súa conexión co público

Mié, 09/15/2021 - 00:00

As conmemoracións do 70 aniversario arrancarán este mes de setembro para achegar o museo ao público a través de visitas e teatralizacións. Comezará este venres 17 de setembro cun itinerario e visita teatralizada a cargo da Compañía TEP que partirá ás 18,00 horas da antiga sede do museo, na Casa Gótica da rúa San Miguel. Haberá, ademais, visitas guiadas ao Museo os días 21, 22 ,23, 24 ás 18,00 horas e o sábado 25 ás 12,00 e ás 18,00 horas. Durante o mes de outubro será a quenda dos obradoiros, conferencias e concertos. Así, o sábado 2 de outubro de 11,30 a 13,30 horas organízanse nos soportais do museo os obradoiros de acibeche e de ourivería.

A Cidade da Cultura inaugura este sábado o ciclo de concertos didácticos 'Camiños de Músicas'

Mar, 09/14/2021 - 00:00

A Cidade da Cultura de Galicia programa os sábados 18 e 25 de setembro dous concertos didácticos para público familiar no andar -1 do Museo Centro Gaiás. Baixo o título Camiños de Músicas, o ciclo ofrecerá un percorrido polas influencias sonoras do Camiño co fin de embarcar o público nunha peregrinación didáctica polo patrimonio musical. A primeira das citas terá lugar o sábado 18 de setembro e explorará da man de Kike Estévez as formas de improvisación oral que se fixeron presentes no Camiño ao longo dos séculos. O sábado 25 chegará a quenda para o Cuarteto Alicerce e o clown Alfredo Pérez, cunha proposta coa que se achegar desde a creatividade e o humor á música de Wolfgang Amadeus Mozart.

O Festival de Teatro Afeccionado Agustín Magán arranca o venres en Santiago

Mar, 09/14/2021 - 00:00

Presentouse a nova edición do Festival Agustín Magán que arranca o venres en Santiago. No seu vixésimo aniversario diversificará os espazos das representacións e organizarase unha mención homenaxe con motivo do centenario de Agustín Magán. A iniciativa está impulsada pola Federación Galega de Teatro Afeccionado (Fegatea) e as obras que participan son seleccionadas por un xurado entre as propostas dos grupos federados das catro provincias galegas. Fegatea cumpre 21 anos de andaina e recibiu o Premio da Cultura Galega 2020 polo seu labor nas artes escénicas.

140 millóns de euros para o ensino e 2.095 docentes para blindar a seguridade sanitaria e a calidade educativa neste curso

Mar, 09/14/2021 - 00:00

A Xunta reforza o ensino galego cunha inxección económica adicional de case 140 millóns de euros e a contratación de 2.095 docentes para este curso 2021/22 co fin de facer fronte ás necesidades derivadas do contexto de pandemia e blindar a seguridade sanitaria así como a calidade do sistema educativo. Así o anunciou o conselleiro de Cultura, Educación e Universidade, Román Rodríguez, ante o Pleno do Parlamento de Galicia, nunha comparecencia a petición propia na que debullou, de xeito pormenorizado, as principais medidas do Goberno da Xunta para este curso “de transición” grazas á boa marcha da vacinación, pero que “con todo -matizou- non debemos baixar a garda”.

Dez candidaturas optan a ser socios estratéxicos no Polo Aeroespacial de Galicia durante os vindeiros cinco anos

Lun, 09/13/2021 - 00:00

O Polo Aeroespacial de Galicia é un dos proxectos tractores que recolle a candidatura galega aos fondos europeos Next Generation, que podería chegar a mobilizar 540M€. De feito, é xustamente co Centro para o Desenvolvemento Tecnolóxico e Industrial (CDTI) con quen a Xunta ten aberta neste momento a licitación para dotar as instalacións de Rozas dun entorno de simulación avanzado de xestión do tráfico aéreo. A Axencia Galega de Innovación (Gain) xa recibiu un total de dez propostas para ser novos socios estratéxicos do Polo Aeroespacial de Galicia durante os vindeiros cinco anos.

Volve a campaña 'Come Local' para promover o consumo de produtos agroalimentarios galegos con selo de calidade

Lun, 09/13/2021 - 00:00

No programa participan -en concreto- 16 comedores escolares das catro provincias galegas, así como os catro designados como “Comedores escolares km 0”, que xa estiveron na primeira edición. Este ano estanse tratando de difundir os produtos en todos os ámbitos da comunidade educativa. Así, os profesores reciben fichas didácticas sobre as producións con indicativo que poden incorporar aos programas escolares, os pais e ANPAS son informados da campaña e poden participar dela mediante sorteos, concursos e xogos e, por último, estase a traballar tamén cos cociñeiros e responsables de comedor para tratar de incorporar os produtos aos menús de xeito continuo.

Galicia rexistra un total de 3.466 casos activos por coronavirus

Lun, 09/13/2021 - 00:00

A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 3.466 deles 939 son da área da Coruña, 667 da de Lugo, 367 da de Ourense, 224 da de Pontevedra, 509 da área de Vigo, 600 da de Santiago e 160 da de Ferrol. Do total de pacientes positivos, 42 están en UCI, 116 en unidades de hospitalización e 3.308 no domicilio. Polo de agora, en Galicia hai un total de 175.104 persoas curadas, rexistrándose 2.604 falecementos. O número de PCR realizadas é de 2.791.243. O número de doses de vacina contra a covid-19 administradas é de 4.230.385.

As universidades galegas poñen en marcha o Centro de Investigación e Tecnoloxía Matemáticas de Galicia

Vie, 09/10/2021 - 00:00

A investigación de excelencia e a transferencia de coñecemento en todas as áreas das matemáticas constitúen o eido de actuación do Centro de Investigación e Tecnoloxía Matemáticas de Galicia (CITMAga) que nace como froito da suma de esforzos das tres universidades galegas. UVigo, USC e UDC únense para conformar este novo centro que aspira a converterse nun piar de excelencia científica dentro do ecosistema de innovación e investigación de Galicia, formando, atraendo e retendo talento, “para dotar á sociedade e á industria galega e española de coñecemento innovador e vantaxes competitivas e sostibles a través do acceso a capacidades científicas e tecnoloxías de primeiro nivel”, sinalan dende as tres institucións.

Galicia sitúase por debaixo do 4.000 casos activos por coronavirus

Vie, 09/10/2021 - 00:00

A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 3.986 deles 1.064 son da área da Coruña, 803 da de Lugo, 443 da de Ourense, 240 da de Pontevedra, 581 da área de Vigo, 670 da de Santiago e 185 da de Ferrol. Do total de pacientes positivos, 43 están en UCI, 109 en unidades de hospitalización e 3.834 no domicilio. Polo de agora, en Galicia hai un total de 174.287 persoas curadas, rexistrándose 2.598 falecementos. O número de PCR realizadas é de 2.782.004. O número de doses de vacina contra a covid-19 administradas é de 4.200.718.

Galicia sitúase por debaixo dos 5.000 casos activos por coronavirus

Jue, 09/09/2021 - 00:00

A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 4.793 deles 1.225 son da área da Coruña, 950 da de Lugo, 512 da de Ourense, 301 da de Pontevedra, 702 da área de Vigo, 873 da de Santiago e 230 da de Ferrol. Do total de pacientes positivos, 43 están en UCI, 117 en unidades de hospitalización e 4.633 no domicilio. Polo de agora, en Galicia hai un total de 173.236 persoas curadas, rexistrándose 2.595 falecementos. O número de PCR realizadas é de 2.779.010. O número de doses de vacina contra a covid-19 administradas é de 4.198.297.

Presentada a 43ª edición da Semana de Cine de Lugo, que ofrece 135 títulos e actividades paralelas durante seis días

Jue, 09/09/2021 - 00:00

A Semana de Cine de Lugo chega á súa 43ª edición cunha carteleira que inclúe 135 títulos e actividades paralelas que se desenvolverán do 20 ao 25 de setembro. Esta 43ª edición da Semana de Cine articularase arredor de once seccións, entre elas unha de Cine Galego que inclúe 22 películas. Tamén haberá Sección Oficial, Xoias do Ano, ciclo Infantil, Cine Documental, A Outra Beira, Cine e Fotografía, As Curtas Cine Son, E para comer Lugo, Cine Nacionalidades e Homenaxes. Paralelamente, prográmanse conferencias, debates e presentacións en diferentes escenarios. Nesta edición a Semana homenaxea ao actor nado en Riotorto Luis Iglesia Besteiro.

Ábrese este sábado a vacinación sen cita a todos aqueles que aínda non recibiron a primeira dose

Jue, 09/09/2021 - 00:00

O presidente do Goberno galego, Alberto Núñez Feijóo, avanzou a apertura este sábado dos centros de vacinación masiva para que calquera galego que non estea vacinado poida acudir sen necesidade de cita e recibir a súa primeira dose; así como a habilitación o luns e martes da vindeira semana -13 e 14 de setembro- de puntos de vacinación nos sete campus galegos para que, tamén sen necesidade de cita previa, a poboación universitaria que aínda non teña a vacina poida acudir a recibir a súa dose.