Skip to content

Noticias Galicia Digital

Distribuir contenido Galicia Digital: Plataforma de portales temáticos gallegos en Internet
Plataforma digital de Portales tematicos de Galicia en la Red, Artes, Cultura, Asociaciones, deporte, Instituciones, Empresas, Educacion, Turismo, Galegos, Empleo, Agenda, Idioma...
Actualizado: hace 4 horas 43 mins

Cinco curtametraxes galegas de recente creación protagonizan a undécima edición do Galician Film Forum en Londres

Lun, 11/18/2019 - 23:00

O Galician Film Forum (GFF) celebrará a súa undécima edición, titulada ‘Shorts Edition’, cun programa centrado en curtametraxes do audiovisual galego que viron a luz recentemente. A actividade terá lugar o venres, 22 de novembro, na universidade King´s College London [19 h, Edmond J Safra Theatre, Strand Campus, WC2R 2 LS]. Os títulos seleccionados para a ocasión son ‘A nena azul’ de Sandra Sánchez, ‘Marusía’ de Pedro Sancho, ‘Son unha tumba’ de Khris Cembe, ‘Limbo’ de Daniel Viqueira e ‘Beautiful Boy’ de Fran X. Rodríguez. Ademais, tras as proxeccións o público terá a oportunidade de manter un coloquio coa directora e montadora Sandra Sánchez, que se desprazará a Londres para participar nesta edición.

Un amplo programa de actividades de concienciación celebrará a Semana Europea da Prevención de Residuos

Dom, 11/17/2019 - 23:00

As actividades programadas no marco desta semana galega da prevención comezaron xa durante a fin de semana, coa XLIII Carreira popular de San Martiño, en Ourense, dentro da campaña Separar con Xeito, que busca fomentar entre a cidadanía as boas prácticas no tratamento dos residuos como unha oportunidade para conseguir beneficios ambientais e económicos a través dunha correcta separación e reciclaxe dos mesmos. Ao longo dos próximos días celebraranse tamén talleres formativos no marco do Programa de compostaxe escolar, unha iniciativa pioneira que arrancou a comezos deste curso.

A Fundación Camilo José Cela celebra o III Encontro de Escritores de Iria Flavia

Dom, 11/17/2019 - 23:00

A Fundación Camilo José Cela celebra desde mañá o III Encontro de Escritores de Iria Flavia, coordinado pola escritora e crítica literaria Care Santos. Trátase dunha cita na que autores, literatura e vangarda uniranse no marco do 30 aniversario da concesión do Premio Nobel ao escritor galego. As instalacións da Fundación acollerán diversas mesas redondas, moderadas polo catedrático de Literatura Española da Universidad de Barcelona, Adolfo Sotelo Vázquez, e polos xornalistas Ernesto Sánchez Pombo, Laura Revuelta, Sergio Vila-SanJuán e Blanca Berasátegui, e nas que participarán unha vintena de escritores como Antonio Álamo, Ledicia Costas, Xosé Carlos Carneiro, Estíbaliz Espinosa, Carlos Castán ou Lucía Etxebarría, entre outros.

Facenda anuncia que o primeiro que fará a Xunta cando se constitúa o novo Goberno será pedir o pago íntegro dos 700 millóns que lle adebeda a Galicia

Dom, 11/17/2019 - 23:00

O conselleiro de Facenda, Valeriano Martínez, anunciou hoxe no Parlamento que o primeiro que fará a Xunta de Galicia cando se constitúa o novo Goberno de España será pedir o pago íntegro dos 700 millóns de euros que lle adebeda a Galicia. E asegurou que “atender esta débeda é o primeiro e máis inmediato asunto da axenda galega que o Goberno ten que cumprir”. Na súa intervención durante o debate de totalidade do proxecto de Lei de Orzamentos da Comunidade autónoma para o 2020, o titular de Facenda lembrou que o Parlamento galego xa se ten pronunciado en tres ocasións, cun alto grao de consenso, demandando o pago total destes recursos.

Galicia, entre as comunidades de España pioneiras en contar cunha folla de ruta para loitar contra o cambio climático

Jue, 11/14/2019 - 23:00

Coa aprobación da Estratexia de Cambio Climático e Enerxía 2050, Galicia convértese nunha das comunidades de España pioneiras en contar cunha folla de ruta para loitar contra o cambio climático, coa vontade de facer desta unha causa de todos. Neste obxectivo de acadar a neutralidade climática en 2050, conforme ás directrices europeas, é imprescindible o papel de varios axentes: a comunidade investigadora, fundamental para deseñar solucións de cara á unha transición gradual e xusta; a sociedade, apostando pola sensibilización, a formación e a educación; e os concellos, fomentando a adhesión a iniciativas como o Pacto dos alcaldes para o clima e a enerxía, que suma xa máis de 150 municipios.

O CGAC inaugura ‘Work (always) in progress’, a primeira mostra individual de Pedro Cabrita Reis nun museo público galego

Jue, 11/14/2019 - 23:00

O Centro Galego de Arte Contemporánea acolle desde hoxe a exposición temporal Work (always) in progress do artista portugués Pedro Cabrita Reis. A mostra poderá ser visitada neste espazo de difusión cultural até o vindeiro 2 de febreiro de 2020. Susana González e Santiago Olmo son os comisarios desta exposición que se artella a partir dun núcleo central, cunha selección de máis de 30 pezas datadas desde 2006 a 2019, e outras dez realizadas especificamente no museo e para a ocasión, utilizando materiais industriais e obxectos atopados. En síntese, este traballo parece xurdir dun diálogo entre o gusto pola factura industrial do minimalismo e o tratamento e selección de materiais desde unha sensibilidade próxima á arte povera italiana.

'Fillos do sol' sobe a Pondal aos escenarios para dinamizar a lingua na mocidade

Jue, 11/14/2019 - 23:00

Fillos do sol é unha peza teatral emotiva e divertida sobre os derradeiros anos de Eduardo Pondal, inspirada no autor e na obra que o ocupou toda a súa vida como obsesión: Os Eoas, escrita e dirixida por Cándido Pazó, con César Cambeiro, Adrián Ríos e Alba Bermúdez e destinada a público desde os catorce anos. A peza, a cabalo entre a realidade ficcionada e a fabulación dramática, presenta a un Pondal desdobrado nun D. Eduardo que, xa octoxenario e comesto pola neurose dos seus últimos anos, confronta as súas dúbidas, medos e insatisfaccións creativas cun personaxe nacido da súa perturbación: Eduardo, que non é outro ca el mesmo, de mozo. E, como contrapunto, a vida real e diaria representada por Rosa, a criada nova da pensión na que o bardo pasou a derradeira etapa da súa vida.

O público do FIOT recoñece Jauría, de Kamikaze Producciones, como mellor obra da 28º edición do festival

Mié, 11/13/2019 - 23:00

O Festival Internacional Outono de Teatro de Carballo pecha a súa edición con maior número de participantes da súa historia. O FIOT, que desenvolveu a meirande parte da súa actividade entre o 27 de setembro e o 1 de novembro, acadou a cifra de 16.273 participantes, un dato que consolida á cita como o maior festival de teatro de Galicia. Nesta edición, na que o FIOT puxo o foco no teatro social e subiu ao escenario novas miradas sobre realidades como as violencia machistas, a identidade sexual, a xenofobia ou a soidade, co obxectivo de interpelar ao público, o festival obtivo a nota media máis alta da súa historia: un 4,44 sobre 5.

Galicia defende a posibilidade de que a Comisión Europea destine os fondos de pesca non empregados a axudas para minorar o impacto do brexit

Mié, 11/13/2019 - 23:00

Celebrouse a sesión extraordinaria sobre o brexit e a pesca celebrada no marco da asemblea xeral da Comisión do Arco Atlántico en Porto, onde Galicia presentou as súas aportacións á Declaración política aprobada neste encontro. Unha das fundamentais é a petición de que a Comisión Europea analice a posibilidade de destinar a parte do Fondo Europeo Marítimo e de Pesca non empregada en anos previos a axudas para minorar o impacto do brexit. A segunda das aportacións é a petición de que a Unión Europea e o Reino Unido traballen conxuntamente para protexer e desenvolver a cooperación existente entre as rexións da UE e as zonas atlánticas do Reino Unido, os territorios británicos de ultramar e terceiros países.

Chega a nova edición das Unidades Formativas na Empresa, que beneficiarán a preto de 4.500 persoas

Mar, 11/12/2019 - 23:00

A Consellería de Economía, Emprego e Industria da Xunta de Galicia pon en marcha unha nova edición das Unidades Formativas na Empresa, proxecto pioneiro que contempla o desenvolvemento de 500 unidades formativas que chegarán a case 4.500 persoas traballadoras e desempregadas de toda Galicia, ofrecéndolles unha mellora cualificativa que dea resposta ás necesidades do sector produtivo galego. O obxectivo e facer de Galicia unha comunidade máis adaptada a nova realidade económica baseada nas últimas tecnoloxías, mellorando a formación dos galegos e galegas mediante un proceso de aprendizaxe continua que facilite a inclusión laboral e mellora á empregabilidade dos beneficiarios.

As xornadas Drone Day achegan a estudantes de secundaria as aplicacións profesionais dos vehículos non tripulados

Mar, 11/12/2019 - 23:00

Celébranse no Aeródromo de Rozas as xornadas “Drone Day: Aplicacións Profesionais dos Drons”, unha iniciativa organizada pola multinacional aeronáutica Boeing en colaboración coa Xunta e que se enmarca nas actividades de fomento das vocacións científico-tecnolóxicas do Polo Aeroespacial de Galicia. A finalidade destes talleres é introducir aos estudantes, de xeito dinámico e entretido, no uso e funcionalidades das tecnoloxías vinculadas aos drons e familiarizalos coas súas aplicacións e uso. Esta actividade enmárcase na Civil UAVs Initiative co obxectivo de fomentar as vocacións científico-tecnolóxicas entre a mocidade galega, en especial o interese polas carreiras STEM e o sector aeroespacial.

Galicia lanzará en 2020 a primeira emisión de bonos sostibles da Comunidade Autónoma

Mar, 11/12/2019 - 23:00

Galicia lanzará no vindeiro ano 2020 a primeira emisión de bonos sostibles da Comunidade Autónoma. Estes bonos estarán integramente orientados aos investimentos sociais e medio ambientais, á economía verde e sostible e vinculados á Axenda 2030. Este ano a Comunidade galega retornou aos mercados financeiros, froito da confianza que Galicia aporta aos investidores, o que permite aproveitar as condicións que ofrece o mercado, con abundante liquidez, elevada demanda e os tipos de interese historicamente baixos.

Xornalistas Galegas, Sara Vila e Montserrat Dopico gañan os premios 'Comunicar en Igualdade'

Lun, 11/11/2019 - 23:00

Estes premios pretenden recoñecer e recompensar os traballos xornalísticos que teñan contribuído á defensa e difusión dos valores da igualdade entre mulleres e homes, así como á loita contra a violencia de xénero. Xornalistas Galegas, xunto con Sara Vila e Montserrat Dopico recibirán o premio na categoría para profesionais do xornalismo e Uxía Castro, Lucía Parrilla del Río e Silvia López na de alumnado universitario. En ambas modalidades, seleccionáronse os mellores traballos segundo criterios de calidade, esforzo investigador e de sensibilización e axeitado tratamento informativo dende a perspectiva de xénero.

Máis de 14.400 persoas visitaron en menos de dous meses 'Argallar', a exposición do Gaiás para xogar coa arquitectura

Lun, 11/11/2019 - 23:00

A exposición no Gaiás para xogar coa arquitectura, Argallar, pechou esta pasada fin de semana con máis de 14.400 persoas en tan só 51 días que estivo aberta. Deste número, un total de 2.500 visitas foron escolares procedentes de medio cento de centros de toda Galicia. A Cidade da Cultura convidou desde o pasado 13 de setembro e ata o 10 de novembro a familias e colexios a achegarse a xogar coa arquitectura no Museo Centro Gaiás. A cativada que acudiu durante este período construíu e interactuou con figuras e pezas xeométricas, unhas veces dun xeito pautado e outras, desde unha perspectiva totalmente libre e autónoma.

Presentada 'O rueiro das liortas', a nova proposta teatral de 'Nós contra a violencia'

Lun, 11/11/2019 - 23:00

Presentouse hoxe en rolda de prensa 'O rueiro das liortas', da compañía Elefante Elegante, a nova proposta da campaña 'Nós contra a violencia', que ten como obxectivos promover o uso do galego e sensibilizar contra a violencia de xénero, os micromachismos e a desigualdade no marco do Pacto de Estado contra a Violencia de Xénero. Bota a andar en dez concellos da Rede de Dinamización Lingüística (RDL) esta proposta teatral coa que se busca, desde os espazos e tempo de lecer das familias, incidir e sensibilizar en contra da violencia de xénero e de calquera tipo de comportamento sexista e a favor da promoción social da nosa lingua.

O Business2Sea, organizado polo Cetmar e o Fórum Oceano, aposta por unha ciencia mariña centrada na proteción e na sustentabilidade dos océanos

Dom, 11/10/2019 - 23:00

Esta edición do Business2Sea conta con preto de seiscentas persoas inscritas e ofrecerá entre hoxe e o vindeiro mércores un programa diversificado que incluirá conferencias, seminarios e talleres dedicados ás temáticas do evento, un programa de encontros de negocio e sesións de presentacións breves (pitches) organizadas no programa Curtas de Mar. O encontro conta ademais cunha compoñente expositiva e con actividades de divulgación e animación sobre cultura marítima e está dedicado a facilitar a interacción entre persoas e organizacións e a promover proxectos e negocios nos diferentes sectores da economía do mar.

Os filmes galegos 'Arima' e 'Longa noite' representan ao audiovisual galego na selección do Festival de Cine Europeo de Sevilla

Dom, 11/10/2019 - 23:00

O audiovisual galego está representado na selección do Festival de Cine Europeo de Sevilla (SEFF) a través das películas Arima, de Jaione Camborda, e Longa noite, de Eloy Enciso, que contan co apoio da Xunta de Galicia para a súa promoción neste encontro. O certame andaluz está a celebrar a súa décimo sexta edición desde o pasado venres e ata o día 16 coa cinematografía europea como protagonista. Con motivo destas seleccións, ofreceuse este mediodía unha recepción baixo o título ‘Celebrando o cinema galego’, dirixida prioritariamente aos profesionais de toda Europa que están a participar no programa SEFF Industria.

O Museo Gaiás aposta pola realidade virtual e aumentada para mergullar ao visitante na mostra 'Galicia, un relato no mundo'

Dom, 11/10/2019 - 23:00

A mostra Galicia, un relato no mundo, que se inaugura no Gaiás a próxima semana, concibe as novas tecnoloxías como un elemento central do relato da exposición, empregando sistemas punteiros de realidade virtual, realidade aumentada e dispositivos de detección sensorial. Entre outras aplicacións, a mostra converterá a arquitectura do Museo Centro Gaiás –a través de realidade virtual– nun transatlántico da emigración galega a América; permitirá dar vida a todo un universo da Galicia medieval empregando tecnoloxías propias dos videoxogos; recreará o templo no que se atopa a referencia ao pobo dos galaicos máis distante ¬–o Sebasteion das Afrodisias en Turquía– ou fusionará linguaxes tan distintas e afastadas no tempo como os códices medievais e a estética propia do cómic e do graffiti.

A exposición 'Valente e a unidade das artes' pon o foco na simbiose entre poesía e artes plásticas na obra do autor galego

Jue, 11/07/2019 - 23:00

A exposición ‘Valente e a unidade das artes’ fai visible a parte artística dos fondos da Cátedra José Ángel Valente de Poesía e Estética da USC, conformados polo importante legado do poeta, quen fixo doazón á Universidade do seu arquivo e da súa biblioteca persoais. Neste senso, o director da cátedra, comisario da mostra e amigo persoal do autor galego, Claudio Rodríguez Fer, subliña que Valente manifestou na súa obra a necesidade de recorrer ao diálogo multiartístico á hora de establecer o seu propio pensamento estético e a súa propia autopoética. José Ángel Valente (Ourense, 1929 - Xenebra, 2000), doutor honoris causa pola USC, onde estudou un curso, foi un verdadeiro escritor universal que se caracterizou pola interculturalidade e a interdisciplinariedade da súa obra.

A flor da camelia e o traxe galego protagonizan unha nova exposición no Porto de Vigo

Jue, 11/07/2019 - 23:00

Trátase dunha mostra expositiva itinerante que rende homenaxe ao traxe tradicional galego e onde se mesturarán máis de 200 variedades de camelia con pezas como mantóns, panos, zapatos, capelinas, dengues, San Cosmeiros ou cofias. Como novidade, tamén se incluirán varios traxes do Ballet Rey de Viana. Esta exposición é posible grazas ao traballo dos máis de 20 coleccionistas galegos que presentarán na mostra as súas flores cultivadas. Tras o seu paso por Santiago de Compostela, a 'Camelia de Galicia-Traxe galego, unha parella perfecta' porá en valor a cultura galega, a natureza e os atractivos que a Ruta da Camelia ofrece a través das súas doce paradas por toda a xeografía galega.